സൂര്യനെല്ലി പെണ്‍കുട്ടിയുടെ അമ്മ സോണിയയ്ക്ക് അയച്ച കത്ത്: കുലുങ്ങാതെ കോണ്‍ഗ്രസ്
Feb 9, 2013, 11:05 IST
പ്രത്യേക ലേഖകന്‍
തിരുവനന്തപുരം: പാര്‍ലമെന്റ് സമ്മേളനത്തിനു മുമ്പ് പ്രൊഫ പി ജെ കുര്യനെ രാജ്യസഭാ ഉപാധ്യക്ഷ സ്ഥാനത്തുനിന്നു മാറ്റുന്ന കാര്യത്തില്‍ സൂര്യനെല്ലി പെണ്‍കുട്ടിയുടെ അമ്മയുടെ കത്ത് കോണ്‍ഗ്രസ് അധ്യക്ഷ സോണിയാ ഗാന്ധി കാര്യമായി എടുക്കില്ല. കത്തിന്റെ ഉള്ളടക്കം ഒരു സാധാരണ വീട്ടമ്മയുടേതല്ലെന്നും രാഷ്ട്രീയ പ്രേരിതമായി തയ്യാറാക്കിയതാണ് അതെന്നുമാണ് കോണ്‍ഗ്രസ് നേതൃത്വത്തിന്റെ വിലയിരുത്തല്‍.
തന്റെ മകളെ പീഡിപ്പിച്ച പി.ജെ കുര്യനെ സംരക്ഷിക്കുന്ന നിലപാട് സ്ത്രീയായ സോണിയാ ഗാന്ധിയും സ്വീകരിക്കുന്നതില്‍ വേദനയുണ്ടെന്ന് അറിയിച്ച് വ്യാഴാഴ്ചയാണ് സൂര്യനെല്ലി പെണ്‍കുട്ടിയുടെ അമ്മ സോണിയയ്ക്ക് കത്തയച്ചത്. കത്തിനെക്കുറിച്ചു ദേശീയ പത്രങ്ങള്‍ ഉള്‍പെടെ വിശദമായി റിപോര്‍ട്ട് ചെയ്തതിന്റെ അടിസ്ഥാനത്തിലാണ് കോണ്‍ഗ്രസ് ഇക്കാര്യത്തില്‍ അനൗപചാരിക തീരുമാനമെടുത്തത്. കത്ത് ഔദ്യോഗികമായി സോണിയയ്ക്ക് കിട്ടിയിട്ടില്ലെന്നാണു സൂചന.
വനിതാ സംരക്ഷണ ഓര്‍ഡിനന്‍സ് നിയമമാക്കാനുള്ള ചര്‍ച്ച പാര്‍ലമെന്റില്‍ നടക്കുമ്പോള്‍ പരമോന്നത സഭയായ രാജ്യസഭയുടെ ഉപാധ്യക്ഷ പദവിയില്‍ കുര്യനെപ്പോലെ ഇത്തരം ആരോപണ വിധേയനായ ഒരാള്‍ ഇരിക്കുന്നത് ശരിയല്ലെന്നു കത്തില്‍ ചൂണ്ടിക്കാട്ടിയിരുന്നു. ഒരമ്മയുടെ വേദന മറ്റൊരു അമ്മയായ സോണിയാ ഗാന്ധി മനസിലാക്കണം എന്നു പറയുന്നതുപോലെയല്ല ഇത്തരം രാഷ്ട്രീയ സ്വഭാവമുള്ള പരാമര്‍ശങ്ങള്‍ എന്നാണ് കോണ്‍ഗ്രസ് നേതൃത്വത്തിന്റെ നിലപാട്.
അതുകൊണ്ടുതന്നെ, ആ കത്തിനുപിന്നില്‍ കേരളത്തിലെ സി.പി.എം നേതൃത്വത്തിന്റെ കൈയുണ്ടെന്നുതന്നെ അവര്‍ കരുതുന്നു. സി.പി.എം പോഷക സംഘടനയായ ജനാധിപത്യ മഹിളാ അസോസിയേഷനാണ് ഇപ്പോള്‍ പെണ്‍കുട്ടിയുടെയും കുടുംബത്തിന്റെയും സംരക്ഷണം മുഖ്യമായും ഏറ്റെടുത്തിരിക്കുന്നത്. സി.പിഎം പി.ബി അംഗം വൃന്ദാ കാരാട്ട് കഴിഞ്ഞ ദിവസം മഹിളാ അസോസിയേഷന്‍ സംസ്ഥാന നേതാക്കള്‍ക്കൊപ്പം പെണ്‍കുട്ടിയെ സന്ദര്‍ശിക്കുകയും ചെയ്തിരുന്നു.
ഇതെല്ലാം കണക്കിലെടുത്താണ് പെണ്‍കുട്ടിയുടെ അമ്മയുടെ കത്തിനെ രാഷ്ട്രീയ പ്രേരിതമായ കത്തായി കോണ്‍ഗ്രസ് കാണുന്നത്. കുര്യനെ മാറ്റാനും മാറ്റാതിരിക്കാനും വയ്യാത്ത കുരുക്കില്‍പെട്ടിരിക്കുന്ന കോണ്‍ഗ്രസ്, കോടതിയുടെ ഭാഗത്തുനിന്നു കുര്യനെതിരെ പരാമര്‍ശമുണ്ടായാല്‍ കുര്യനു തനിയേ മാറിനില്‍ക്കേണ്ടിവരും എന്നതിലാണു പ്രതീക്ഷ വച്ചിരിക്കുന്നത്.
കുര്യനെതിരെ അന്വേഷണം വേണമെന്ന് ആവശ്യപ്പെട്ട് പെണ്‍കുട്ടിക്ക് ഹൈക്കോടതിയെ സമീപിക്കാമെന്ന് സുപ്രീം കോടതിയിലെ മുതിര്‍ന്ന അഭിഭാഷകര്‍ കഴിഞ്ഞ ദിവസം നിയമോപദേശം നല്‍കിയിരുന്നു. അടുത്ത ദിവസം തന്നെ പെണ്‍കുട്ടി ഹൈക്കോടതിയില്‍ ഹര്‍ജി നല്‍കും.
കോണ്‍ഗ്രസ് വൈസ് പ്രസിഡന്റ് രാഹുല്‍ ഗാന്ധി, സോണിയയുടെ രാഷട്രീയകാര്യ സെക്രട്ടറി അഹമ്മദ് പട്ടേല്‍ എന്നിവര്‍ക്കും പെണ്‍കുട്ടിയുടെ അമ്മ കത്തിന്റെ പകര്‍പ്പ് അയച്ചിരുന്നു. 1996 ല്‍ തന്റെ മകളെ ഇടുക്കി ജില്ലയിലെ കുമളി ഗസ്റ്റ് ഹൗസില്‍വച്ച് ക്രൂരമായി പീഡിപ്പിച്ചുവെന്നാണ് കത്തില്‍ അവര്‍ ആരോപിച്ചിരിക്കുന്നത്. സൂര്യനെല്ലി കേസിന്റെ പശ്ചാത്തലം മുഴുവനും കത്തില്‍ വിശദീകരിക്കുന്നുണ്ട്.'
ഒരു ദിവസം, ഇപ്പോഴത്തെ രാജ്യസഭാ ഉപാധ്യക്ഷന്‍ പ്രൊഫ പി ജെ കുര്യന്‍ കടന്നുവരികയും എന്റെ മകളെ ക്രൂരമായി ലൈംഗിക പീഡനത്തിനു വിധേയയാക്കുകയും ചെയ്തു'- എന്ന് വിശദീകരിച്ചിരിക്കുന്നതായാണ് മാധ്യമങ്ങളില്‍ കത്തിലെ ഉള്ളടക്കത്തെക്കുറിച്ചു വന്നത്. കുര്യന്‍ സ്വന്തം അധികാരവും സ്വാധീനവും ഉപയോഗിച്ച് കേസില്‍ നിന്നു രക്ഷപ്പെടുകയും അതിന് അന്വേഷണ ഉദ്യോഗസ്ഥരെ സ്വാധീനിക്കുകയും ചെയ്തുവെന്നും കത്തില്‍ പറയുന്നു.
കേരളത്തിലെ ഇപ്പോഴത്തെ മുഖ്യമന്ത്രിക്കും ആഭ്യന്തര മന്ത്രിക്കും ഇതേ കാര്യം ചൂണ്ടിക്കാട്ടി തങ്ങള്‍ കത്ത് അയച്ചെങ്കിലും അനുകൂല പ്രതികരണം ഉണ്ടായില്ല. രാഷ്ട്രീയ കാരണങ്ങളാല്‍ അത്തരമൊരു നിലപാട് സ്വീകരിക്കാന്‍ അവര്‍ നിര്‍ബന്ധിതരാവുകയാണെന്ന് തങ്ങള്‍ വിശ്വസിക്കുന്നു.
കുര്യനെ പിന്തുണയ്ക്കുന്ന കോണ്‍ഗ്രസ് നേതൃത്വത്തിന്റെ നിലപാട് ഹൃദയ ഭേദകമാണ് എന്നാണ് കത്തിലെ പരാമര്‍ശം. അത് അമ്മയുടെ വാക്കുകളാണെങ്കിലും മുഖ്യമന്ത്രിയും ആഭ്യന്തര മന്ത്രിയും മറ്റും രാഷ്ട്രീയ സമ്മര്‍ദത്തിനു വഴങ്ങുകയാണെന്നും മറ്റുമുള്ള പരാമര്‍ശങ്ങള്‍ അവരെക്കൊണ്ട് പറഞ്ഞു പറയിക്കുന്നതായാണ് കോണ്‍ഗ്രസ് കണക്കാക്കുന്നത്. ഫലത്തില്‍ ഇപ്പോള്‍തന്നെ കുര്യനെ പിന്തുണയ്ക്കുന്ന നിലപാട് പരസ്യമാക്കിക്കഴിഞ്ഞിരിക്കുന്ന കോണ്‍ഗ്രസില്‍ പെണ്‍കുട്ടിയുടെ അമ്മയുടെ കത്ത് ഒരു ചലനവും ഉണ്ടാക്കിയില്ല എന്നതാണു സ്ഥിതി.
തിരുവനന്തപുരം: പാര്‍ലമെന്റ് സമ്മേളനത്തിനു മുമ്പ് പ്രൊഫ പി ജെ കുര്യനെ രാജ്യസഭാ ഉപാധ്യക്ഷ സ്ഥാനത്തുനിന്നു മാറ്റുന്ന കാര്യത്തില്‍ സൂര്യനെല്ലി പെണ്‍കുട്ടിയുടെ അമ്മയുടെ കത്ത് കോണ്‍ഗ്രസ് അധ്യക്ഷ സോണിയാ ഗാന്ധി കാര്യമായി എടുക്കില്ല. കത്തിന്റെ ഉള്ളടക്കം ഒരു സാധാരണ വീട്ടമ്മയുടേതല്ലെന്നും രാഷ്ട്രീയ പ്രേരിതമായി തയ്യാറാക്കിയതാണ് അതെന്നുമാണ് കോണ്‍ഗ്രസ് നേതൃത്വത്തിന്റെ വിലയിരുത്തല്‍.
തന്റെ മകളെ പീഡിപ്പിച്ച പി.ജെ കുര്യനെ സംരക്ഷിക്കുന്ന നിലപാട് സ്ത്രീയായ സോണിയാ ഗാന്ധിയും സ്വീകരിക്കുന്നതില്‍ വേദനയുണ്ടെന്ന് അറിയിച്ച് വ്യാഴാഴ്ചയാണ് സൂര്യനെല്ലി പെണ്‍കുട്ടിയുടെ അമ്മ സോണിയയ്ക്ക് കത്തയച്ചത്. കത്തിനെക്കുറിച്ചു ദേശീയ പത്രങ്ങള്‍ ഉള്‍പെടെ വിശദമായി റിപോര്‍ട്ട് ചെയ്തതിന്റെ അടിസ്ഥാനത്തിലാണ് കോണ്‍ഗ്രസ് ഇക്കാര്യത്തില്‍ അനൗപചാരിക തീരുമാനമെടുത്തത്. കത്ത് ഔദ്യോഗികമായി സോണിയയ്ക്ക് കിട്ടിയിട്ടില്ലെന്നാണു സൂചന.
വനിതാ സംരക്ഷണ ഓര്‍ഡിനന്‍സ് നിയമമാക്കാനുള്ള ചര്‍ച്ച പാര്‍ലമെന്റില്‍ നടക്കുമ്പോള്‍ പരമോന്നത സഭയായ രാജ്യസഭയുടെ ഉപാധ്യക്ഷ പദവിയില്‍ കുര്യനെപ്പോലെ ഇത്തരം ആരോപണ വിധേയനായ ഒരാള്‍ ഇരിക്കുന്നത് ശരിയല്ലെന്നു കത്തില്‍ ചൂണ്ടിക്കാട്ടിയിരുന്നു. ഒരമ്മയുടെ വേദന മറ്റൊരു അമ്മയായ സോണിയാ ഗാന്ധി മനസിലാക്കണം എന്നു പറയുന്നതുപോലെയല്ല ഇത്തരം രാഷ്ട്രീയ സ്വഭാവമുള്ള പരാമര്‍ശങ്ങള്‍ എന്നാണ് കോണ്‍ഗ്രസ് നേതൃത്വത്തിന്റെ നിലപാട്.
അതുകൊണ്ടുതന്നെ, ആ കത്തിനുപിന്നില്‍ കേരളത്തിലെ സി.പി.എം നേതൃത്വത്തിന്റെ കൈയുണ്ടെന്നുതന്നെ അവര്‍ കരുതുന്നു. സി.പി.എം പോഷക സംഘടനയായ ജനാധിപത്യ മഹിളാ അസോസിയേഷനാണ് ഇപ്പോള്‍ പെണ്‍കുട്ടിയുടെയും കുടുംബത്തിന്റെയും സംരക്ഷണം മുഖ്യമായും ഏറ്റെടുത്തിരിക്കുന്നത്. സി.പിഎം പി.ബി അംഗം വൃന്ദാ കാരാട്ട് കഴിഞ്ഞ ദിവസം മഹിളാ അസോസിയേഷന്‍ സംസ്ഥാന നേതാക്കള്‍ക്കൊപ്പം പെണ്‍കുട്ടിയെ സന്ദര്‍ശിക്കുകയും ചെയ്തിരുന്നു.
ഇതെല്ലാം കണക്കിലെടുത്താണ് പെണ്‍കുട്ടിയുടെ അമ്മയുടെ കത്തിനെ രാഷ്ട്രീയ പ്രേരിതമായ കത്തായി കോണ്‍ഗ്രസ് കാണുന്നത്. കുര്യനെ മാറ്റാനും മാറ്റാതിരിക്കാനും വയ്യാത്ത കുരുക്കില്‍പെട്ടിരിക്കുന്ന കോണ്‍ഗ്രസ്, കോടതിയുടെ ഭാഗത്തുനിന്നു കുര്യനെതിരെ പരാമര്‍ശമുണ്ടായാല്‍ കുര്യനു തനിയേ മാറിനില്‍ക്കേണ്ടിവരും എന്നതിലാണു പ്രതീക്ഷ വച്ചിരിക്കുന്നത്.
കുര്യനെതിരെ അന്വേഷണം വേണമെന്ന് ആവശ്യപ്പെട്ട് പെണ്‍കുട്ടിക്ക് ഹൈക്കോടതിയെ സമീപിക്കാമെന്ന് സുപ്രീം കോടതിയിലെ മുതിര്‍ന്ന അഭിഭാഷകര്‍ കഴിഞ്ഞ ദിവസം നിയമോപദേശം നല്‍കിയിരുന്നു. അടുത്ത ദിവസം തന്നെ പെണ്‍കുട്ടി ഹൈക്കോടതിയില്‍ ഹര്‍ജി നല്‍കും.
കോണ്‍ഗ്രസ് വൈസ് പ്രസിഡന്റ് രാഹുല്‍ ഗാന്ധി, സോണിയയുടെ രാഷട്രീയകാര്യ സെക്രട്ടറി അഹമ്മദ് പട്ടേല്‍ എന്നിവര്‍ക്കും പെണ്‍കുട്ടിയുടെ അമ്മ കത്തിന്റെ പകര്‍പ്പ് അയച്ചിരുന്നു. 1996 ല്‍ തന്റെ മകളെ ഇടുക്കി ജില്ലയിലെ കുമളി ഗസ്റ്റ് ഹൗസില്‍വച്ച് ക്രൂരമായി പീഡിപ്പിച്ചുവെന്നാണ് കത്തില്‍ അവര്‍ ആരോപിച്ചിരിക്കുന്നത്. സൂര്യനെല്ലി കേസിന്റെ പശ്ചാത്തലം മുഴുവനും കത്തില്‍ വിശദീകരിക്കുന്നുണ്ട്.'
ഒരു ദിവസം, ഇപ്പോഴത്തെ രാജ്യസഭാ ഉപാധ്യക്ഷന്‍ പ്രൊഫ പി ജെ കുര്യന്‍ കടന്നുവരികയും എന്റെ മകളെ ക്രൂരമായി ലൈംഗിക പീഡനത്തിനു വിധേയയാക്കുകയും ചെയ്തു'- എന്ന് വിശദീകരിച്ചിരിക്കുന്നതായാണ് മാധ്യമങ്ങളില്‍ കത്തിലെ ഉള്ളടക്കത്തെക്കുറിച്ചു വന്നത്. കുര്യന്‍ സ്വന്തം അധികാരവും സ്വാധീനവും ഉപയോഗിച്ച് കേസില്‍ നിന്നു രക്ഷപ്പെടുകയും അതിന് അന്വേഷണ ഉദ്യോഗസ്ഥരെ സ്വാധീനിക്കുകയും ചെയ്തുവെന്നും കത്തില്‍ പറയുന്നു.
കേരളത്തിലെ ഇപ്പോഴത്തെ മുഖ്യമന്ത്രിക്കും ആഭ്യന്തര മന്ത്രിക്കും ഇതേ കാര്യം ചൂണ്ടിക്കാട്ടി തങ്ങള്‍ കത്ത് അയച്ചെങ്കിലും അനുകൂല പ്രതികരണം ഉണ്ടായില്ല. രാഷ്ട്രീയ കാരണങ്ങളാല്‍ അത്തരമൊരു നിലപാട് സ്വീകരിക്കാന്‍ അവര്‍ നിര്‍ബന്ധിതരാവുകയാണെന്ന് തങ്ങള്‍ വിശ്വസിക്കുന്നു.
കുര്യനെ പിന്തുണയ്ക്കുന്ന കോണ്‍ഗ്രസ് നേതൃത്വത്തിന്റെ നിലപാട് ഹൃദയ ഭേദകമാണ് എന്നാണ് കത്തിലെ പരാമര്‍ശം. അത് അമ്മയുടെ വാക്കുകളാണെങ്കിലും മുഖ്യമന്ത്രിയും ആഭ്യന്തര മന്ത്രിയും മറ്റും രാഷ്ട്രീയ സമ്മര്‍ദത്തിനു വഴങ്ങുകയാണെന്നും മറ്റുമുള്ള പരാമര്‍ശങ്ങള്‍ അവരെക്കൊണ്ട് പറഞ്ഞു പറയിക്കുന്നതായാണ് കോണ്‍ഗ്രസ് കണക്കാക്കുന്നത്. ഫലത്തില്‍ ഇപ്പോള്‍തന്നെ കുര്യനെ പിന്തുണയ്ക്കുന്ന നിലപാട് പരസ്യമാക്കിക്കഴിഞ്ഞിരിക്കുന്ന കോണ്‍ഗ്രസില്‍ പെണ്‍കുട്ടിയുടെ അമ്മയുടെ കത്ത് ഒരു ചലനവും ഉണ്ടാക്കിയില്ല എന്നതാണു സ്ഥിതി.
Keywords: Suryanelli,Congress, Daughter, Girl, House Wife, Letter, Media, Mother, Parliament, Politics, Protection, Rape, Sonia Gandhi, Thiruvananthapuram, Chief Minister, Umman Chandi, CPM, Kerala, Kerala News, International News, National News, Gulf News, Health News, Educational News, Business News, Stock news, Gold News.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
