പ്രാര്‍ത്ഥനാ സമ്മേളനം: മലപ്പുറത്ത് ബുധനാഴ്ച ട്രാഫിക് നിയന്ത്രണം
Aug 14, 2012, 23:02 IST
പ്രാര്‍ത്ഥനാ സമ്മേളനത്തിലേക്ക് പെരിന്തല്‍മണ്ണ ഭാഗത്തു നിന്നും വിശ്വാസികളുമായി വരുന്ന വാഹനങ്ങള്‍ കാവുങ്ങല്‍ ബൈപ്പാസില്‍ ആളുകളെ ഇറക്കി പാര്‍ക്ക് ചെയ്യുക. വേങ്ങര, കോട്ടക്കല്‍ വഴി വരുന്ന വാഹനങ്ങള്‍ കിഴക്കേതല പ്രത്യേകം സജ്ജമാക്കിയ ഗ്രൗണ്ടില്‍ പാര്‍ക്ക് ചെയ്യണം. കോഴിക്കോട് ഭാഗത്ത് നിന്നും വരുന്ന വാഹനങ്ങള്‍ മേല്‍മുറി നോര്‍ത്തില്‍ ആളുകളെ ഇറക്കി പാര്‍ക്ക് ചെയ്യേണ്ടതാണ്.
ഒരുമയില്‍ ഇഫ്താറൊരുക്കി പ്രാര്‍ത്ഥനാ നഗരി
പൊതു ജന പങ്കാളിത്തത്തോടെയാണ് വിപുലമായ നോമ്പു തുറ തയ്യാറാക്കിയിരിക്കുന്നത്. ജില്ലയുടെ വിവിധ ഭാഗങ്ങളിലെ ആയിരക്കണക്കിന് വീടുകളില്‍ തയ്യാറാക്കുന്ന പത്തിരി ഉച്ചയോടെ സ്വലാത്ത് നഗറിലെത്തും.
ചങ്കുവെട്ടി, കുറ്റാളൂര്‍, കോഡൂര്‍, തൃപ്പനച്ചി, വളമംഗലം, കടലുണ്ടി, എടവണ്ണപ്പാറ, ചീക്കോട് എന്നിവിടങ്ങളില്‍ നിന്ന് പ്രത്യേക വാഹനങ്ങളിലാണ് പത്തിരിയെത്തുന്നത്. റംസാന്‍ ഒന്ന് മുതല്‍ സ്വലാത്ത്‌നഗറില്‍ നടക്കുന്ന സമൂഹ നോമ്പുതുറയിലേക്ക് മലപ്പുറം മേഖലയിലെ വീടുകളില്‍ നിന്നാണ് പത്തിരിയെത്തിക്കുന്നത.് ഇന്നെത്തുന്ന മുഴുവന്‍ വിശ്വാസികള്‍ക്കും പത്തിരിയും ഇറച്ചിക്കറിയുമാണ് നല്‍കുക.
രോഗികള്‍ക്ക് ചപ്പാത്തിയും വെജിറ്റബിള്‍ കറിയും കൗണ്ടറുകളില്‍ ഒരുക്കും. നോമ്പു തുറ വിഭവങ്ങള്‍ എത്തിക്കുന്നവര്‍, നഗരിയില്‍ തയ്യാറാക്കിയി പ്രത്യേകം കൗണ്ടറുകളില്‍ ഏല്‍പ്പിക്കണമെന്ന് സ്വാഗത സംഘം ഓഫീസില്‍ നിന്ന് അറിയിച്ചു.
ലൈറ്റ് അണയാതെ റംസാന്‍ മുപ്പത് ദിനവും മഅ്ദിന്‍ ഗ്രാന്റ് മസ്ജിദ്
മലപ്പുറം: റമളാന്‍ ഒന്ന് മുതല്‍ മുപ്പത് വരെ മഅ്ദിന്‍ ഗ്രാന്റ് മസ്ജിദ് ലൈറ്റ് അണയാതെ സജീവമാണ്. പ്രാര്‍ത്ഥനാ നഗരിയിലെ ആത്മീയ ചടങ്ങുകളുടെ പ്രധാന വേദികളിലൊന്നായ ഗ്രാന്റ് മസ്ജിദ് റമളാന്‍ ഒന്ന് മുതല്‍ ഇരുപത്തിനാല് മണിക്കൂറും ആത്മീയ മന്ത്രങ്ങളാല്‍ ഭക്തി സാന്ദ്രമാണ്. റമളാന്‍ ആദ്യ ദിവസം മുതല്‍ ഇതുവരെ ആയരിത്തോളം വിശ്വാസികളാണ് ഇവിടെ ഇഅ്തികാഫ് ഇരിക്കുന്നത്. ഹദീസ് പഠനം ഖത്മുല്‍ ഖുര്‍ആന്‍, തസ്ബീഹ് നിസ്‌കാരം, അവ്വാബീന്‍ നിസ്‌കാരം, തൗബ, വിത്‌രിയ്യ, വിര്‍ദുല്ലത്വീഫ്, ആത്മീയ ഉപദേശം, ദിക്ര്‍, ദുആ മജ്‌ലിസുകള്‍ എന്നീ പ്രോഗ്രാമുകളാണ് എല്ലാ ദിവസവും ഗ്രാന്റ് മസ്ജിദില്‍ നടുന്നുവരുന്നത്.
ഇഅ്തികാഫിരിക്കുന്നവര്‍ക്ക് നോമ്പുതുറ, അത്താഴം, മുത്താഴം, ക്ലോക്ക് റൂം തുടങ്ങിയ സൗകര്യങ്ങളെല്ലാം ഇവിടെ സംവിധാനിച്ചിട്ടുണ്ട്. പുതിയ തലമുറ വിസ്മരിക്കപ്പെട്ട നിരവധി ആത്മീയ ദിക്‌റുകളുടെയും ചടങ്ങുകളുടെയും സ്മരണ പുതുക്കുന്ന വേദി കൂടിയായിരുന്നു ഇത്. വിര്‍ദുല്ലത്വീഫ്, വിത്‌രിയ്യ, നൂറുല്‍ ഈമാന്‍, കന്‍ജുല്‍ അര്‍ശ്, സലാമത്തുല്‍ ഈമാന്‍, അഅ്‌ളമു സ്വലാത്ത് തുടങ്ങിയ പരിപാടികള്‍ വിശ്വാസികള്‍ക്ക് കൂടുതല്‍ ആത്മീയാനുഭൂതി പകരുന്ന ചടങ്ങായി മാറി. ഇന്നലെ മുതല്‍ കൂടുതല്‍ പേര്‍ ഗ്രാന്റ് മസ്ജിദില്‍ ഇഅ്തികാഫിനെത്തി. മഅ്ദിന്‍ ചെയര്‍മാന്‍ സയ്യിദ് ഇബ്‌റാഹീമുല്‍ ഖലീലുല്‍ ബുഖാരിയുടെ സജീവ സാന്നിധ്യം ഇഅ്തികാഫിനെത്തിയവര്‍ക്ക് ആത്മീയാവേശം പകരുന്നു.
Keywords: Kerala, Malappuram, Maadin, Ramzan ifthar.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
