Accident | റോഡ് മുറിച്ച് കടക്കുന്നതിനിടെ ബസിടിച്ച് സ്ത്രീക്ക് ദാരുണാന്ത്യം
മാഹി: (www.kvartha.com) റോഡ് മുറിച്ച് കടക്കുന്നതിനിടെ ബസിടിച്ച് മഞ്ചക്കല്‍ സ്വദേശിനി മരിച്ചു. മാഹി മഞ്ചക്കല്‍ അബു നിവാസില്‍ നസ്‌ലിന്‍ ശംസുദ്ദീന്‍ (നാസി-59) ആണ് മരിച്ചത്. വെള്ളിയാഴ്ച ഉച്ചയ്ക്ക് ഒരു മണിയോടെ മാഹി പള്ളിക്ക് സമീപത്തായിരുന്നു അപകടം.
റോഡ് മുറിച്ച് കടക്കവേ വടകര ഭാഗത്ത് നിന്ന് കണ്ണൂരിലേക്ക് പോകുകയായിരുന്ന കൃതിക ബസ് ഇടിക്കുകയായിരുന്നുവെന്നാണ് വിവരം. ഉടന്‍ തന്നെ മാഹി ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
പരേതനായ അത്താലക്കല്‍ (കുന്നോത്ത്) ശംസുദ്ദീന്റെ ഭാര്യയാണ്. പിതാവ്: പരേതനായ കൊമ്മോത്ത് അബു. മാതാവ്: പരേതയായ റാബിയ. മക്കള്‍: നിശീദ, ഫര്‍സാന, ഫാറൂഖ്. മരുമക്കള്‍: അബ്ദുല്ല, സെയിന്‍, നസ്രീന്‍.
Keywords: News, Kerala, Accident, Death, hospital, bus, Mahe: Woman died in road accident.
