മകളുടെ കൂട്ടുകാരികള്‍ക്ക് അശ്ലീല പുസ്തകം നല്‍കിയ പിതാവ് അറസ്റ്റില്‍

മാരാരിക്കുളം: മകളുടെ കൂട്ടുകാരികള്‍ക്ക് അശ്ലീല പുസ്തകം നല്‍കിയ പിതാവ് അറസ്റ്റില്‍. ആലപ്പുഴയ്ക്ക് സമീപത്തെ ഒരു സ്വകാര്യ സ്‌ക്കുളിലെ പത്താം ക്ലാസ് വിദ്യാര്‍ത്ഥിനിയുടെ കുട്ടുകാരികള്‍ക്ക് അശ്ലീലപുസ്തകം നല്‍കി പ്രലോഭിച്ച കുറ്റത്തിന് വിദ്യാര്‍ത്ഥിനിയുടെ പിതാവിനെ മണ്ണാഞ്ചേരി പൊലീസ് അറസ്റ്റു ചെയ്­തു.

മകളുടെ കൂട്ടുകാരികള്‍ വീട്ടില്‍ സന്ദര്‍ശനം നടത്തുമ്പോള്‍ വിദ്യാര്‍ത്ഥിനികള്‍ക്ക് അശ്ലീലപുസ്തകങ്ങളും മൊബൈലില്‍ അശ്ലീല വീഡിയോകളും നല്‍കുന്നതായിരുന്നു ഇയാളുടെ പ്രധാന ഹോബി. പുസ്തകങ്ങളുമായി പെണ്‍കുട്ടികള്‍ സ്‌ക്കുളിലെത്തുന്നതും മറ്റ് കുട്ടികളുമായി രഹസ്യമായി വായിക്കുന്നതും ശ്രദ്ധയില്‍പ്പെട്ട അധ്യാപകര്‍ തുടര്‍ന്ന് നടത്തിയ അന്വേഷണത്തില്‍ സ്‌ക്കുളിലെ ഒരു വിദ്യാര്‍ത്ഥിനിയുടെ പിതാവാണ് പുസ്തകം നല്‍കുന്നതെന്ന് കണ്ടെത്തുകയായിരു­ന്നു.

തുടര്‍ന്ന് ഇയാളുടെ മൊബൈല്‍ നമ്പര്‍ കണ്ടെത്തി അധ്യാപകര്‍ മണ്ണഞ്ചേരി പൊലീസില്‍ പരാതി നല്‍കിയതിനെത്തുടര്‍ന്ന് പൊലീസ് ഇയാളെ ആലപ്പുഴ ബോട്ട് ജെട്ടിയില്‍ നിന്ന് കസ്റ്റഡിയിലെടുക്കുകയായിരുന്നു. കസ്റ്റഡിയിലായ ഇയാളുടെ കൈയ്യില്‍ നിന്ന് ഇത്തരത്തിലുള്ള പത്തോളം പുസ്തകങ്ങളാണ് കണ്ടെടുത്തത്.


Keywords: Students, School, Teachers, Father, Police, Boat, Alappuzha, Kvartha, Malayalam News, Kerala Vartha, Kerala News, International News, National News, Gulf News, Health News, Educational News, Business News, Stock news, Gold News.