മംഗലം ആക്രമം: പിടിയിലാകാനുള്ള എസ്.ഡി.പി.ഐ. പ്രവര്‍ത്തകര്‍ക്കുവേണ്ടി അന്വേഷണം ഊര്‍ജിതം

തിരൂര്‍: മംഗലം പഞ്ചായത്ത് ഉപതെരഞ്ഞെടുപ്പ് വിജയത്തില്‍ ആഹ്ലാദ പ്രകടനം നടത്തുകയായിരുന്ന സി.പി.എം. പ്രവര്‍ത്തകരെ വെട്ടി പരിക്കേല്‍പ്പിച്ച സംഭവത്തില്‍ നാല് പ്രതികളെ പോലീസ് അറസ്റ്റുചെയ്തു. പ്രതികളായ 14 എസ്.ഡി.പി.ഐ. പ്രവര്‍ത്തകരില്‍ മറ്റുള്ളവര്‍ക്ക് വേണ്ടിയുള്ള അന്വേഷണം ഊര്‍ജിതമാക്കി.

എസ്.ഡി.പി.ഐ പ്രവര്‍ത്തകരെ വ്യാഴാഴ്ച ഉച്ചയോടെയാണ് പോലീസ് അറസ്റ്റുചെയ്തത്. ചമ്രവട്ടത്ത് വെച്ച് അക്രമിസംഘത്തിലുണ്ടായിരുന്ന മജീദ് (42), നൗഫല്‍ (25), സാബി നൂര്‍ (28), അബ്ദുല്‍ ഗഫൂര്‍ (38) എന്നിവരെയാണ് തിരൂര്‍ പോലിസ് അറസ്റ്റു ചെയ്തത്. സി.പി.എം. പ്രവര്‍ത്തകരെ വെട്ടുന്ന ദൃശ്യം പുറത്തു വന്നതോടെയാണ് പ്രതികളെ തിരിച്ചറിഞ്ഞത്.

ദൃശ്യങ്ങളില്‍ ചിത്രം വ്യക്തമായ നാലുപേരെയാണ് പോലീസിന് അറസറ്റുചെയ്യാന്‍ കഴിഞ്ഞത്. മറ്റുപ്രതികളും ഉടന്‍ പിടിയിലാകുമെന്ന് പോലീസ് അറിയിച്ചു. അറസ്റ്റിലായ നാല് പ്രതികളേയും വെള്ളിയാഴ്ച ഉച്ചയോടെ തീരൂര്‍ കോടതിയില്‍ ഹാജരാക്കും.

അക്രമികള്‍ വന്ന ബൈക്കുകളും പിടികൂടിയിട്ടുണ്ട്. ആയുധങ്ങള്‍ കണ്ടെടുക്കാനുള്ള പരിശോധനയും ആരംഭിച്ചു.

Keywords : SDPI, CPM, Attack, Police, Arrest, Investigation, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News Malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.