സണ്ണി ലിയോണ്‍ പങ്കെടുത്ത പരിപാടിയിലെ ആള്‍ക്കൂട്ടം പിണറായിയുടെ യാത്രയിലുള്ളവരാണെന്ന് പ്രചരണം;സത്യാവസ്ഥ വെളിപ്പെടുത്തി രാജേഷിന്റെ പോസ്റ്റ്

പാലക്കാട്: (www.kvartha.com 22.08.2017) വ്യാജപ്രചരണം നടത്തി രാഷ്ട്രീയ മുതലെടുപ്പ് നടത്തുന്നത് സോഷ്യല്‍ മീഡിയയില്‍ പുതിയ ട്രെന്‍ഡ് ആയി മാറിയിരിക്കയാണ്. ട്രോളര്‍മാരുടെ കളിയാക്കല്‍ ഒരുഭാഗത്ത് നടക്കുമ്പോള്‍ മറ്റൊരു വിഭാഗം രാഷ്ട്രീയക്കാരെ വ്യാജപ്രചരണത്തിലൂടെയാണ് കളിയാക്കുന്നത്.

എന്നാല്‍ ഈ കളി തന്നോട് വേണ്ടെന്നാണ് പാലക്കാട് എംപി എംബി രാജേഷ് പറയുന്നത്. തന്റെ പേരില്‍ ഫേസ്ബുക്ക് പേജിന്റെ ഫേക്ക് ഇമേജ് ഉണ്ടാക്കി വ്യാജ പ്രചരണം നടത്തിയ സംഘപരിവാര്‍ പ്രവര്‍ത്തകര്‍ക്ക് അതേനാണയത്തില്‍ തിരിച്ചടി നല്‍കിയിരിക്കയാണ് രാജേഷ്. എംബി രാജേഷ് എന്ന പേരില്‍ ഫേസ്ബുക്ക് പേജിന്റെ ഫേക്ക് ഇമേജ് ഉണ്ടാക്കി അതിനോടൊപ്പം കൊച്ചിയില്‍ സണ്ണി ലിയോണ്‍ പങ്കെടുത്ത പരിപാടിയുടെ ഫോട്ടോ ചേര്‍ത്ത് സംഘപരിവാര്‍ പ്രവര്‍ത്തകര്‍ വ്യാജ പ്രചരണം നടത്തുകയായിരുന്നു എന്നാണ് ആക്ഷേപം.


''ആര്‍എസ്എസ് ഫാസിസത്തിനെതിരെ കേരളത്തിന്റെ മുഖ്യമന്ത്രി സഖാവ് പിണറായി വിജയന്‍ നയിക്കുന്ന പ്രതിഷേധ യാത്രയുടെ ഭോപ്പാലില്‍ നിന്നുള്ള ദൃശ്യം'' എന്നാണ് ഫോട്ടോയ്ക്ക് അടിക്കുറിപ്പ് നല്‍കിയത്. മണി രാജന്‍ വാര്യത്ത് എന്ന വ്യക്തി ഇത് ഭാരതീയം എന്ന സംഘപരിവാര്‍ ഗ്രൂപ്പില്‍ ഷെയര്‍ ചെയ്തിട്ടുമുണ്ട്. കൊച്ചിയില്‍ സണ്ണി ലിയോണിന്റെ പരിപാടിയുടെ ഫോട്ടോ എടുത്ത് പോസ്റ്റിട്ട ഈ എംപിയെ എന്തു വിളിക്കണം എന്നുപറഞ്ഞു കൊണ്ടാണ് മണി രാജന്‍ എംബി രാജേഷിന്റെ പേരില്‍ തയ്യാറാക്കിയ ഫേക്ക് പേജ് ഇമേജ് ഷെയര്‍ ചെയ്തത്.

വാഹനാപകടത്തില്‍ പരിക്കേറ്റ വിദ്യാര്‍ത്ഥിയുടെ മരണത്തിന് കാരണം ചികിത്സ വൈകിയതുമൂലമെന്ന് ആരോപണം; ആശുപത്രിക്കെതിരെ പ്രതിഷേധം