എം.ജി സര്‍വകലാശാല യൂണിയന്‍ തെരഞ്ഞെടുപ്പ് എം.എസ്.എഫിന് ചരിത്ര വിജയം

കോട്ടയം: എം.ജി സര്‍വകലാശാല യൂണിയന്‍ തെരഞ്ഞെടുപ്പ് എം.എസ്.എഫ്‌ന് വിജയം. ജോയന്റ് സെക്രട്ടറിയായി എം.എസ്.എഫിന്റെ ടി.എസ് ഷഹബാസാണ് തെരഞ്ഞെടുക്കപ്പെട്ടത്. 98 വോട്ടുകള്‍ നേടിയാണ് ഷഹബാസ് വിജയിച്ചത്. എക്‌സിക്യുട്ടീവ് കമ്മറ്റിയിലേക്ക് എം മുഹമ്മദ് ഇസ്ഹാഖും തെരഞ്ഞെടുക്കപ്പെട്ടു. ചരിത്രത്തിലാദ്യമായാണ് മഹാത്മ ഗാന്ധി സര്‍വകലാശാല യൂണിയനിലേക്ക് എം.എസ്.എഫ് വിജയിക്കുന്നത്.

എടത്തല കെ.എം.ഇ.എ എഞ്ചിനിയറിംഗ് കോളേജ് എട്ടാം സമസ്റ്റര്‍ ബിടെക് കബ്യൂട്ടര്‍ സയന്‍സ് വിദ്യാര്‍ത്ഥിയാണ് ഷഹബാസ്. മുവാറ്റുപുഴ ഇലാഹിയ കോളേജ് ഓഫ് എഞ്ചിനിയറിംഗ് ആന്റ് ടെക്‌നോളജിയില്‍ എം.സി.എ വിദ്യാര്‍ത്ഥിയാണ്.

ഏറെക്കാലമായി യൂണിയന്‍ ഭരിച്ചിരുന്ന എസ്.എഫ്.ഐയെ പരാജയപ്പെടുത്തിയാണ് എം.എസ്.എഫ് ചരിത്ര വിജയം നേടിയത്. വൈസ് ചെയര്‍മാന്‍ സ്ഥാനം പരിമിതമായ വോട്ടുകള്‍ക്കാണ് എം.എസ്.എഫിന് നഷ്ടമായത്. ഒരു വൈസ് ചെയര്‍മാന്‍ സീറ്റില്‍ കെ.എസ്.യു വിജിച്ചു. ജോസ് ജോസഫാണ് വിജയിച്ച കെ.എസ്.യു സ്ഥാനാര്‍ത്ഥി.

എം.ജി സര്‍വകലാശാലക്ക കീഴിലെ കാമ്പസുകളില്‍ എം.എസ്.എഫ് ശക്തമായ സാനിധ്യമായി മാറിയതോടെ യൂണിയന്‍ ഭരണം നഷ്ടപ്പെടുമെന്ന ഭയത്തില്‍ തെരഞ്ഞെടുപ്പ് അട്ടിമറിക്കാനും കോടതിയെ സമീപിച്ച് മാറ്റിവെപ്പിക്കാനും എസ്.എഫ്.ഐ നേതൃത്വം ശ്രമിച്ചിരുന്നതായി എം. എസ് .എഫ് ആരോപിച്ചു. കോടതി നിര്‍ദേശത്തെ തുടര്‍ന്ന് വെള്ളിയാഴ്ച നടന്ന തെരഞ്ഞെടുപ്പില്‍ വ്യാജന്‍മാരെ കൊണ്ട് വേട്ട് ചെയ്യിപ്പിക്കാനും എസ്.എഫ്.ഐ ശ്രമമുണ്ടായി. എന്നിട്ടും എം.എസ്.എഫിന് ജയിക്കാനയത് എസ്.എഫ്.ഐ നേതൃത്വത്തെ ഞെട്ടിപ്പിച്ചിരിക്കുയാണ്. കളളവോട്ട് ചെയ്യാന്‍ ശ്രമിച്ച അഞ്ച് എസ്.എഫ്.ഐ പ്രവര്‍ത്തകരെ വ്യാജന്‍ മാരാണെന്ന് തിരിച്ചറിഞ്ഞ് പിടികൂടാന്‍ ശ്രമിച്ചപ്പോള്‍ ഓടിരക്ഷപ്പെട്ടതായും എം.എസ്.എഫ് നേതാക്കൾ അറിയിച്ചു.

ചരിത്രവിജയം നേടിയ എം.എസ്.എഫ് പ്രവര്‍ത്തകര്‍ കാമ്പസില്‍ ആഹ്ലാദ പ്രകടനം നടത്തി. അനുമോദന യോഗം യൂത്ത്‌ലീഗ് ദേശീയ കണ്‍വീനറും എം.ജി സര്‍വകലാശാല സിന്‍ഡിക്കേറ്റ്
അംഗവുമായ പി.കെ ഫിറോസ് ഉദ്ഘാടനം ചെയ്തു. എം.എസ്.എഫ് സംസ്ഥാന പ്രസിഡണ്ട് ടി.പി അഷ്‌റഫലി അധ്യക്ഷത വഹിച്ചു.


ജനറല്‍ സെക്രട്ടറി പി.ജി മുഹമ്മദ്, ഷമീര്‍ ഇടിയാട്ടയില്‍, കോട്ടയം ജില്ലാ പ്രസിഡണ്ട് ഷബീര്‍ ഷാജഹാന്‍, എറണാകുളം ജില്ലാ പ്രസിഡണ്ട് കെ.എ ഷുഹൈബ്, ഇടുക്കി ജില്ലാ പ്രസിഡണ്ട് സല്‍മാനുല്‍ ഹനീഫ്, സംസ്ഥാന കമ്മിറ്റി അംഗങ്ങളായ വി.പി അഹമ്മദ് സഹീര്‍, മായിന്‍ എറണാകുളം, ടെക്‌ഫെഡ് ചെയര്‍മാന്‍ നിഷാദ് കെ സലീം, ജില്ലാ ഭാരവാഹികളായ അഡ്വ: സജല്‍, അബ്ദുല്ല, മുജീബ് റഹ്മാന്‍ , കെ.എം ഫവാസ് പ്രസംഗിച്ചു.

തിരഞ്ഞെടുപ്പ് സംബന്ധമായ കേസ് കോടതിയുടെ പരിഗണനായിലായതിനാല്‍ ഔദ്യോഗിക പ്രഖ്യാപനം കോടതിയുടെ നിര്‍ദേശനുസരണം പിന്നീട് നടക്കും.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കെവാര്‍ത്തയിലൂടെ അറിയാം.