4 വര്‍ഷം മുമ്പ് ദുബൈയിലേക്ക് പുറപ്പെട്ട കാസര്‍കോട് സ്വദേശിയെ കുറിച്ച് വിവരമില്ല

Sanah

വിമാനത്തില്‍ അബ്ദുല്‍ സമീര്‍ ഉണ്ടായിരുന്നില്ലെന്ന് അയല്‍വാസി ദുബായിലെത്തിയശേഷം വീട്ടില്‍ അറിയിക്കുകയായിരുന്നു. ഇതിനിടയില്‍ താന്‍ എയര്‍പോട്ടിലുണ്ടെന്ന് പറഞ്ഞ് സമീര്‍ വീട്ടിലേക്ക് വിളിച്ചിരുന്നു. പിന്നീട് യുവാവിനെ കുറിച്ച് ഒരു വിവരവും ഉണ്ടായിരുന്നില്ല. രണ്ട് തവണ ഇന്ത്യോനേഷ്യയില്‍ നിന്നും റാണി എന്ന യുവതി അബ്ദുല്‍ സമീറിന്റെ വീട്ടില്‍ വിളിച്ച് അബ്ദുല്‍ സമീര്‍ സുരക്ഷിതനാണെന്നും തങ്ങള്‍ക്കൊപ്പമാണെന്നും പറഞ്ഞിരുന്നു. എന്നാല്‍ ഫോണ്‍ അബ്ദുല്‍ സമീറിന് കൊടുക്കാന്‍ കൂട്ടാക്കിയിരുന്നില്ല. സാമ്പത്തീകമായോ, കുടുംബപരമായോ യാതൊരു ബുദ്ധിമുട്ടും അബ്ദുല്‍ സമീറിന് ഉണ്ടായിരുന്നില്ലെന്ന് ഭാര്യ നസീമ പറയുന്നു.

Natha Fathima

സനാഹ്(10), നതാഫാത്തിമ(ആറ്) എന്നിവര്‍ പിതാവിനെ ഇപ്പോഴും കാത്തിരിക്കുകയാണ്. ദുബൈയില്‍ സാധനങ്ങള്‍ വാങ്ങി മറ്റുള്ള സ്ഥലങ്ങളില്‍ സപ്ലൈ ചെയ്യുന്ന ജോലിയായിരുന്നു സമീറിനുണ്ടായിരുന്നത്. സമീറിനെ കാണാതായതിനെ തുടര്‍ന്ന് ആഭ്യന്തരമന്ത്രിയായിരുന്ന കോടിയേരി ബാലകൃഷ്ണനും ജില്ലാ പോലീസ് ചീഫിനും പരാതി നല്‍കിയിരുന്നുവെങ്കിലും ഒരു തരത്തിലുള്ള അന്വേഷണവും നടന്നിരുന്നില്ലെന്ന് ബന്ധുക്കള്‍ പറയുന്നു.

മുനീറിനെ ഓര്‍ത്ത് മാതാപിതാക്കളും, ഭാര്യയും കണ്ണീര്‍ വാര്‍ത്ത് കഴിയുകയാണ്. 006287834915855 എന്ന നമ്പറില്‍ നിന്നും 006285725271401 എന്ന നമ്പറില്‍ നിന്നുമാണ് ഇന്ത്യോനേഷ്യയിലെ റാണി എന്ന യുവതി വിളിച്ചതെന്ന് ബന്ധുക്കള്‍ പറഞ്ഞു.ഇംഗ്ലീഷിലായിരുന്നു യുവതി സംസാരിച്ചിരുന്നത്.

Reported by
Zubair Pallickal

Keywords: Kasaragod, Kerala, Missing, Dubai, Abdul Sameer