പുത്തന്‍വേലിക്കര ഭൂമി വിഷയത്തില്‍ വഴിവിട്ട് ഒന്നും ചെയ്തിട്ടില്ല: പി കെ കുഞ്ഞാലിക്കുട്ടി

മലപ്പുറം: (www.kvartha.com 05.06.2016) പുത്തന്‍വേലിക്കര ഭൂമി വിഷയത്തില്‍ താന്‍ വഴിവിട്ട് ഒന്നും ചെയ്തിട്ടില്ലെന്ന് മുന്‍ വ്യവസായ, ഐ ടി മന്ത്രി പി കെ കുഞ്ഞാലിക്കുട്ടി.

ഒരു കമ്പനി അപേക്ഷ നല്‍കി. അപേക്ഷന്യായമാണെന്ന് തോന്നിയപ്പോള്‍ വകുപ്പു മന്ത്രിയെന്ന നിലയില്‍ തന്റെ ഉത്തരവാദിത്തം നിര്‍വഹിക്കുക മാത്രമാണ് ചെയ്തിട്ടുള്ളത്. വിശദമായ അന്വേഷണം നടത്തിയാല്‍ സംഭവത്തിന്റെ സത്യം വ്യക്തമാകും. കമ്പനി നല്‍കിയ പെറ്റീഷന്‍ വിശദമായ പരിശോധനക്കായി കാബിനറ്റിന് നോട്ട് നല്‍കുക മാത്രമാണ് വ്യവസായ, ഐ ടി വകുപ്പ് ചെയ്തിട്ടുള്ളത്. കേരളത്തിന് പുറത്ത് നല്ലരീതിയില്‍ പ്രവര്‍ത്തിക്കുന്ന കമ്പനിയെന്ന നിലയിലാണ് ഇവരുടെ പെറ്റീഷന്‍ പരിഗണിച്ചതെന്നും കുഞ്ഞാലിക്കുട്ടി പറഞ്ഞു.

വിശദമായി പരിശോധിക്കാന്‍ സ്റ്റാറ്റിയൂട്ടറി കമ്മിറ്റിക്ക് അയക്കാന്‍ പറയുക മാത്രമാണ് ചെയ്തിട്ടുള്ളത്. ഈ വിഷയത്തില്‍ ഏകപക്ഷീമായ ഒരു തീരുമാനവും വ്യവസായ, ഐ ടി വകുപ്പില്‍ നിന്നുണ്ടായിട്ടില്ല. ഏകജാലക പ്രകാരം കമ്പനിയുടെ യോഗ്യത നോക്കി മാത്രം അനുമതി നല്‍കാനാണ് പറഞ്ഞിട്ടുള്ളതെന്നും കുഞ്ഞാലിക്കുട്ടി പറഞ്ഞു.



Keywords: Malappuram, Kerala, IUML, Muslim-League, P.K Kunjalikutty, LDF, Government, Pinarayi vijayan, Puthenvelikara land deal, Puthenvelikara.