Police | വിദ്യാര്‍ഥികള്‍ ജാഗ്രതൈ! ക്ലാസിൽ പോകാതെ കറങ്ങിനടക്കുന്നവരെ പൊലീസ് പിടികൂടും; 'വാച് ദി സ്റ്റുഡന്റ്' പദ്ധതിയിൽ 3 ദിവസത്തിനിടെ കുടുങ്ങിയത് 10 കുട്ടികൾ

കണ്ണൂർ: (www.kvartha.com) ക്ലാസിൽ പോകാതെ കണ്ണൂർ നഗരത്തിലെ പാർകുകളിലും ബീചുകളിലും കറങ്ങിനടക്കുന്ന വിദ്യാർഥികളെ കണ്ടെത്തുന്നതിന് സിറ്റി പൊലീസ് ആവിഷ്കരിച്ച ‘വാച് ദി സ്റ്റുഡന്റ്’ പദ്ധതിയനുസരിച്ച് മൂന്നുദിവസത്തിനുള്ളിൽ പിടിയിലായത് 10 വിദ്യാർഥികൾ. ഇക്കൂട്ടത്തിൽ പെൺകുട്ടികളുമുണ്ട്. അസി. പൊലീസ് കമീഷണർ ടികെ രത്നകുമാർ, വനിതാ സെൽ ഇൻസ്പക്ടർ ടിപി സുധ എന്നിവരുടെ നേതൃത്വത്തിൽ 15 വനിതാ പൊലീസുകാരെയാണ് ഇതിനായി നിയോഗിച്ചത്.

          

'കറങ്ങിനടക്കേണ്ട, വിവരമറിയും’ എന്ന മുന്നറിയിപ്പാണ് പൊലീസ് മുന്നോട്ടുവെക്കുന്നത്. കറങ്ങിനടന്നാൽ വിവരം സ്കൂൾ അധികൃതരെയും വീട്ടുകാരെയും അറിയിക്കും. കഴിഞ്ഞ ബുധനാഴ്ച മുതലാണ് പൊലീസ് കുട്ടികളെ നിരീക്ഷിക്കാൻ തുടങ്ങിയത്. ഇതുവരെ യൂണിഫോമിലാണ് പൊലീസുകാർ കുട്ടികളെ നിരീക്ഷിച്ചിരുന്നത്. ഇനി യൂണിഫോമില്ലാതെയും അവരുണ്ടാകും. കോട്ട, പയ്യാമ്പലം ബീച്, സിനിമാ തിയേറ്ററുകൾ, മോളുകൾ എന്നിവിടങ്ങളിൽനിന്നാണ് ക്ലാസിൽ പോകാതെ ചുറ്റിക്കറങ്ങുന്ന വിദ്യാർഥികളെ
കണ്ടെത്തിയത്.