ജീവിതം തകർന്നെന്നും, വിദേശത്ത് പോയി പണമുണ്ടാക്കിയാൽ എല്ലാം ശരിയാവുമെന്നും രഖിൽ പറഞ്ഞിരുന്നു; വെളിപ്പെടുത്തലുമായി സഹോദരൻ

കൊച്ചിയിൽ ഇന്റീരിയർ ഡിസൈനിംഗ് വർകുണ്ടെന്ന് പറഞ്ഞാണ് രഖിൽ കണ്ണൂരിൽ നിന്ന് പോയത്. എന്നാൽ ഇത്തരമൊരു കൃത്യം നടത്തുമെന്നും കുടുംബം കരുതിയില്ല. രഖിലിന് തോക്ക് എവിടെ നിന്ന് കിട്ടിയെന്നാണ് പൊലീസ് പരിശോധിക്കുന്നത്.

കോതമംഗലം നെല്ലിക്കുഴി ഇന്ദിരാ ഗാന്ധി ഡെന്റല്‍ കോളജില്‍ വെള്ളിയാഴ്ച ഉച്ചകഴിഞ്ഞാണ് മാനസ വെടിയേറ്റ് കൊല്ലപ്പെട്ടത്. രഖിൽ എന്നയാളാണ് വെടിയുതിര്‍ത്തതെന്നും മാനസയെ കൊലപ്പെടുത്തിയ ശേഷം രഖിൽ സ്വയം നിറയൊഴിക്കുകയായിരുന്നുവെന്നും ദൃക്‌സാക്ഷികളെ ഉദ്ധരിച്ച് മാധ്യമങ്ങള്‍ റിപോര്‍ട് ചെയ്തിരുന്നു.

മാനസ ഏതാനും പെണ്‍കുട്ടികള്‍കൊപ്പം വാടകയ്ക്കു താമസിച്ചിരുന്ന വീട്ടില്‍ രഖിൽ അതിക്രമിച്ചു കയറി വെടിവയ്ക്കുകയായിരുന്നു. രഖിൽ താമസ സ്ഥലത്ത് എത്തിയപ്പോള്‍ നീ എന്തിനാണ് ഇവിടെ വന്നതെന്ന് മാനസ ചോദിച്ചതായി ഒപ്പമുണ്ടായിരുന്ന പെണ്‍കുട്ടികള്‍ പറഞ്ഞിരുന്നു.

അതേസമയം മാനസയുടെയും രഖിലിന്റെയും പോസ്റ്റ്മോർടെം ശനിയാഴ്ച നടക്കും. രാവിലെ എട്ട് മണിയോടെ ഇൻക്വസ്റ്റ് നടപടികൾ പൂർത്തിയാക്കി കളമശ്ശേരി മെഡികൽ കോളജ് ആശുപത്രിയിൽ എത്തിച്ചാണ് പോസ്റ്റ്മോർടെം നടത്തുക.
< !- START disable copy paste -->