സരോജിനി വധക്കേസ്; കോടതി പ്രതിയെ വെറുതെ വിട്ടു

കേസിൽ 24 സാക്ഷികളെ വിസ്തരിച്ചിരുന്നു. സാക്ഷികളായ രണ്ട് പേർ ഒഴികെ ബാക്കിയെല്ലാവരും പ്രോസിക്യൂഷന് അനുകൂലമായി മൊഴി നൽകി. നാല് വളകൾ താനാണ് പണയം വെച്ചതെന്നും അത് മനോജിന്റെ നിർദേശപ്രകാരമായിരുന്നവെന്നും സുഹൃത്ത് കോടതിയിൽ മൊഴിനൽകിയിരുന്നു. മറ്റ് ആഭരണങ്ങൾ പ്രതിയുടെ വീട്ടിൽ നിന്നും പൊലീസ് കണ്ടെടുക്കുകയായിരുന്നുവെന്നും പ്രോസിക്യൂഷൻ വാദം.

എന്നാൽ അത് വിശ്വാസയോഗ്യമല്ലയെന്ന് പ്രതിഭാഗം ചൂണ്ടിക്കാട്ടി. ഓഗസ്റ്റ് നാലിന് തിങ്കളാഴ്ച കൊലപതാകം നടന്നു എന്നിരിക്കെ ഞായറാഴ്ച പ്രതി കേരളം വിട്ടെന്ന് എതിർ വിസ്താരത്തിൽ പറഞ്ഞതായി പ്രതിഭാഗം വാദിച്ചു. കൂടാതെ പ്രതിയിൽ നിന്നും കണ്ടെടുത്തതായി പറയുന്ന സ്വർണാഭരണങ്ങൾ അറസ്റ്റിന് മുൻപ് തന്നെ സാക്ഷികളെ പൊലീസ് കാണിച്ചു കൊടുത്തു എന്ന് പ്രതിഭാഗം വാദിച്ചപ്പോൾ പ്രോസിക്യൂഷന് ഖണ്ഡിക്കാനായില്ല.

ആഭരണങ്ങൾ കണ്ടെടുത്തത് നിയമപ്രകാരമല്ലെന്ന വാദം നിലനിർത്തിയാണ് മൂവാറ്റുപുഴ സെഷൻസ് ജഡ്ജ് പ്രതിയെ വെറുതെ വിട്ടത്.

Keywords:  News, Murder case, Accused, Kerala, State, Court, Police, Sarojini murder case, Acquitted, Sarojini murder case; The court acquitted accused. < !- START disable copy paste -->