Accident | തിരുവനന്തപുരത്ത് ലോറിയും ബൈകും കൂട്ടിയിടിച്ച് അപകടം; 2 യുവാക്കള്‍ക്ക് ദാരുണാന്ത്യം
Nov 30, 2022, 16:24 IST
തിരുവനന്തപുരം: (www.kvartha.com) ലോറിയും ബൈകും കൂട്ടിയിടിച്ചുണ്ടായ അപകടത്തില്‍ രണ്ട് യുവാക്കള്‍ മരിച്ചു. താഴെവിള തെങ്ങറത്തല സ്വദേശികളായ ജോബിന്‍ (22), ജഫ്രീന്‍ (19) എന്നിവരാണ് മരിച്ചത്. പൂവാര്‍ ഊരമ്പ് പിന്‍കുളം എം എസ് സി ചര്‍ച്ചിന് മുന്നിലുള്ള കൊടുംവളവില്‍ ബുധനാഴ്ച പുലര്‍ചെ ഒരു മണിയോടെയാണ് സംഭവം. ഇവര്‍ക്ക് ഒപ്പം ഉണ്ടായിരുന്ന ജീനോ മെഡികല്‍ കോളജില്‍ ചികിത്സയിലാണ്.
ഊരമ്പില്‍ നിന്നും സിമന്റുമായി പൊഴിയൂര്‍ ഭാഗത്തേക്ക് പോകുകയായിരുന്ന സിമെന്റ് ലോറിയും പൊഴിയൂരില്‍ നിന്നും ഊരമ്പ് ഭാഗത്ത് വരുകയായിരുന്ന ബൈകുമാണ് കൂട്ടിയിടിച്ചത്. പള്ളിക്ക് മുന്നിലുള്ള വളവില്‍ വെച്ച് ബൈക്ക് ലോറിയില്‍ തട്ടി നിയന്ത്രണം വിട്ട് വീഴുകയായിരുന്നുവെന്ന് പൊലീസ് പറഞ്ഞു. സംഭവത്തില്‍ പൊഴിയൂര്‍ പൊലീസ് കേസെടുത്ത് അന്വേഷണം ആരംഭിച്ചു.
Keywords: Thiruvananthapuram, News, Kerala, Accident, Death, Police, Medical College, Treatment, Thiruvananthapuram: Two men died in road accident.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
