K Sudhakaran | അവശനെങ്കിലും ആവേശഭരിതന്‍; കണ്ണൂരില്‍ കെ എസ് വീണ്ടും പടയ്ക്കിറങ്ങുമ്പോള്‍!

 

എന്നാല്‍ ജയന്തിന്റെ കാര്യത്തില്‍ ജില്ലാ കോണ്‍ഗ്രസില്‍ നിന്നും എതിര്‍പ്പുയര്‍ന്നതോടെയാണ് കെ സുധാകരന് മാറി ചിന്തിക്കേണ്ടി വന്നത്. ലോക് സഭാംഗമായാലും കെ പി സി സി പ്രസിഡന്റ് സ്ഥാനം നിലനിര്‍ത്തണമെന്ന കെ സുധാകരന്റെ ആവശ്യം എ ഐ സി സി അംഗീകരിച്ചതായാണ് അറിയുന്നത്. ഇത്തവണ കണ്ണൂര്‍ സീറ്റ് പിടിക്കാന്‍ ലക്ഷ്യമിട്ടാണ് സി പി എം എം വി ജയരാജനെ തന്നെ രംഗത്തിറക്കിയത്. പാര്‍ടിയിലും എതിരാളികളിലും വലിയ എതിര്‍പ്പില്ലെന്നത് തന്നെയാണ് എം വി ജയരാജനെ രംഗത്തിറക്കാന്‍ സി പി എം തയാറായത്. നേരത്തെ എടക്കാട് നിയോജക മണ്ഡലത്തില്‍ നിന്ന് നിയമസഭയിലേക്കും തിരഞ്ഞെടുത്തിരുന്നു. ലോക്‌സഭയിലേക്ക് എം വി ജയരാജന്റെ കന്നിയങ്കം കൂടിയാണ്.

സി പി എം സ്ഥാനാര്‍ഥി പ്രഖ്യാപനം വന്നതോടെ തന്നെ എം വി ജയരാജന്‍ മണ്ഡലത്തില്‍ സജീവമായിട്ടുണ്ട്. ആദ്യ പര്യടനം നടന്ന് കൊണ്ടിരിക്കുകയാണ്. മണ്ഡലത്തിലെ പ്രധാന കേന്ദ്രങ്ങളും സ്ഥാപനങ്ങളും സന്ദര്‍ശിക്കുകയും പ്രധാന വ്യക്തികളെ കാണുകയുമാണ് ചെയ്യുന്നത്. അസംബ്ലി നിയോജക മണ്ഡലങ്ങളിലെ പ്രധാന കേന്ദ്രത്തില്‍ റോഡ് ഷോയും നടത്തുന്നുണ്ട്. എല്‍ ഡി എഫ് തിരഞ്ഞെടുപ്പ് പ്രചരണ രംഗത്ത് സജീവമായെങ്കിലും സ്ഥാനാര്‍ഥി പ്രഖ്യാപനത്തിലെ അനിശ്ചിതത്വം യു ഡി എഫ് പ്രവര്‍ത്തകരെ പ്രതിസന്ധിയിലാക്കിയിട്ടുണ്ട്.

സ്ഥാനാര്‍ഥി പ്രഖ്യാപനമായതോടെ ഇനി യു ഡി എഫും ഉഷാറാകും. കെ സുധാകരന്റെ സ്ഥാനാര്‍ഥിത്വം കണ്ണൂരിലെ യു ഡി എഫിന് എന്നും ആവേശമാണ്. അതുകൊണ്ട് തന്നെ കണ്ണൂരില്‍ ഇത്തവണ പൊടി പാറിയ പോരാട്ടം തന്നെയാകും. ബി ജെ പി സ്ഥാനാര്‍ഥിയായി മത്സരിക്കുന്നത് അടുത്തിടെ കോണ്‍ഗ്രസില്‍ നിന്ന് രാജിവെച്ച് ബി ജെ പിയില്‍ ചേര്‍ന്ന സി രഘുനാഥാണ്. അദ്ദേഹം എത്രത്തോളം കോണ്‍ഗ്രസ് വോടുകള്‍ പിടിക്കുമെന്ന ആശങ്കയും നേതാക്കളിലുണ്ട്.
  
അമേരികയിലെ ചികിത്സ കഴിഞ്ഞു മടങ്ങിയെത്തിയ കെ സുധാകരന് പറയത്തക്ക ആരോഗ്യപ്രശ്നങ്ങള്‍ ഒന്നുമില്ലെങ്കിലും ശബ്ദമില്ലായ്മയും കാലിന് ബലക്കുറവും കടുത്ത പ്രമേഹവും അദ്ദേഹത്തെ ബാധിച്ചിട്ടുണ്ട്. ചടുലമായി ഓടിച്ചാടി നടന്നു പ്രചാരണം നടത്തിയ കെ സുധാകരനല്ല ചിത്രങ്ങളിലുളളത്. അതുകൊണ്ടുതന്നെ വരാനിരിക്കുന്ന കൊടുംചൂടില്‍ അദ്ദേഹം എങ്ങനെ തിരഞ്ഞെടുപ്പ് പ്രചാരണം മുന്‍പോട്ടു കൊണ്ടുപോകുമെന്നത് വലിയ വെല്ലുവിളിയായി മുന്‍പില്‍ നില്‍ക്കുകയാണ്.