Drowned | കോട്ടയത്ത് കുളിക്കാനിറങ്ങിയ 2 വിദ്യാര്‍ഥികള്‍ തോട്ടില്‍ മുങ്ങി മരിച്ചു
Dec 20, 2022, 20:45 IST
കോട്ടയം: (www.kvartha.com) കോട്ടയം പാദുവയില്‍ കുളിക്കാനിറങ്ങിയ രണ്ട് വിദ്യാര്‍ഥികള്‍ തോട്ടില്‍ മുങ്ങി മരിച്ചു. കരുനാഗപ്പള്ളി സ്വദേശി അജ്മല്‍ (21), വര്‍കല സ്വദേശി വജന്‍ (21) എന്നിവരാണ് മരിച്ചത്. മീനച്ചിലാറിന്റെ കൈവഴിയായ പന്നകം തോട്ടില്‍ ചൊവ്വാഴ്ച വൈകിട്ടായിരുന്നു അപകടം.
കുളിക്കാനിറങ്ങിയ വിദ്യാര്‍ഥികള്‍ തോട്ടില്‍ മുങ്ങിത്താഴുകയായിരുന്നു. അവശനിലയിലായ വിദ്യാര്‍ഥികളെ ഉടന്‍തന്നെ പ്രദേശവാസികള്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. നാലംഗ സംഘമാണ് തോട്ടില്‍ കുളിക്കാനിറങ്ങിയത്. പാദുവയില്‍ സുഹൃത്തിന്റെ വീട്ടിലെത്തിയതായിരുന്നു ഇവര്‍. കൊല്ലം ട്രാവന്‍കൂര്‍ നഴ്‌സിങ് കോളജിലെ വിദ്യാര്‍ഥികളാണ് അപകടത്തില്‍പെട്ടത്.
Keywords: Two Students Drown In Lake, Kottayam, News, Drowned, Students, Accidental Death, Hospital, Kerala.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
