വിദ്യാഭ്യാസ വളര്‍ച്ചയ്ക്ക് മറുനാടന്‍ മലയാളി സംരംഭകര്‍ മുന്‍ക്കൈയെടുക്കണം: മുഖ്യമന്ത്രി

Oommen Chandy Hon. Chief Minister Kerala Officially Launching Wisdom International Academy

തിരുവനന്തപുരം: പദ്ധതി ചെലവില്‍ ഏറ്റവും കൂടുതല്‍ തുക നീക്കിവെച്ചിരിക്കുന്ന ആരോഗ്യ-വിദ്യഭ്യാസ രംഗത്ത് ചെലവ് കുറയ്ക്കാനും ഗുണ നിലവാരം ഉയര്‍ത്താനും മറുനാടന്‍ മലയാളി സംരംഭകര്‍ക്ക് കഴിയുമെന്ന് മുഖ്യമന്ത്രി ഉമ്മന്‍ചാണ്ടി. വിസ്ഡം ഇന്റര്‍നാഷണല്‍ അക്കാദമിയുടെ കേരളത്തിലെ പ്രവര്‍ത്തനങ്ങള്‍ തിരുവനന്തപുരത്ത് ഉദ്ഘാടനം ചെയ്യുകയായിരുന്നു മുഖ്യമന്ത്രി. അന്താരാഷ്ട്ര നിലവാരമുള്ള വിദ്യാഭ്യാസം കുറഞ്ഞചിലവില്‍ ഉയര്‍ന്ന ഗുണനിലവാരത്തോടെ ലഭ്യമാക്കുന്ന വിസ്ഡം ഗ്രൂപ്പിന്റെ പ്രവര്‍ത്തനങ്ങള്‍ ശ്ലാഘനീയമാണെന്ന് മുഖ്യമന്ത്രി പറഞ്ഞു.

വിസ്ഡം ഐ.ടി ഡിവിഷന്‍ വ്യവസായ ഐ.ടി മന്ത്രി പി.കെ കുഞ്ഞാലിക്കുട്ടിയും
അക്കാദമിയുടെ രജത ജൂബിലി ആഭ്യന്തര വിജിലന്‍സ് മന്ത്രി തിരുവഞ്ചൂര്‍ രാധാകൃഷ്ണനും മീഡിയാ സ്‌കൂള്‍ വിദ്യാഭ്യാസ മന്ത്രി പി. കെ അബ്ദുല്‍റബ്ബും ഉദ്ഘാടനം ചെയ്തു.

ജേര്‍ണലിസത്തിലും ടെലിവിഷന്‍ പ്രൊഡക്ഷനിലും പി.ജി ഡിപ്ലോമകള്‍, ന്യൂസ് റീഡിംഗ്, ആങ്കറിങ്ങ്, അഭിനയം, മള്‍ട്ടിമീഡിയാ ആനിമേഷന്‍ എന്നിവയില്‍ ഡിപ്ലോമയും വിസ്ഡം മീഡിയാ സ്‌കൂളില്‍ ലഭ്യമാണ്.

തിരുവനന്തപുരത്തെ ഓഫീസ് തമ്പാനൂരിലും കാസര്‍കോട്ടെ ഓഫീസ് പുതിയ ബസ് സ്റ്റാന്‍ഡ് പരിസരത്തുമാണ് പ്രവര്‍ത്തിക്കുന്നത്.
പ്ലസ് വണ്‍, പ്ലസ് ടൂ വിദ്യാര്‍ത്ഥികളെ പ്രവേശനപരീക്ഷകള്‍ക്ക് സജ്ജമാക്കുന്ന വിസ്മാഗ് സയന്‍സ് പ്ലസ് മാഗസിന്റെ പ്രകാശനം വിദ്യാഭ്യാസമന്ത്രി നിര്‍വ്വഹിച്ചു. മാഗസിന്റെ ആദ്യപതിപ്പ് വിസ്ഡം ഗ്രൂപ്പ് സി.ഇ.ഒ അഹ്മദ് റാഫി ഏറ്റുവാങ്ങി. എം. എ വാഹിദ് എം.എല്‍.എ, ടി. വി അവതാരകന്‍ ആര്‍. ശ്രീകണ്ഠന്‍ നായര്‍, കേരളയൂണിവേഴ്‌സിറ്റി ജേര്‍ണലിസം വകുപ്പ് മേധാവി പ്രൊഫ. എം വിജയകുമാര്‍ എന്നിവര്‍ ആശംസ നേര്‍ന്നു.