തിരുവനന്തപുരം: (KVARTHA) മുണ്ടക്കെ - ചൂരൽമലയിലുണ്ടായ ഉരുൾപൊട്ടൽ ദുരന്തത്തിൽ വീടുകൾ നഷ്ടപ്പെട്ടവർക്ക് ലുലു ഗ്രൂപ്പ് ചെയർമാൻ എം എ യൂസഫലി 50 വീടുകൾ നൽകും. ഇക്കാര്യം അദ്ദേഹം മുഖ്യമന്ത്രി പിണറായി വിജയനെ അറിയിച്ചു. വയനാട്ടിലെ മേപ്പാടിയിൽ എട്ട് മാസം മുൻപുണ്ടായ വലിയ ഉരുൾപൊട്ടലിൽ 260-ൽ അധികം ആളുകൾ മരിക്കുകയും 2,500-ൽ അധികം പേർക്ക് വീടുകൾ നഷ്ടപ്പെടുകയും ചെയ്തിരുന്നു. 

ഇതിന് പിന്നാലെ ദുരിതബാധിതർക്ക് പുനരധിവാസ സൗകര്യങ്ങൾ ഒരുക്കുന്നതിന്റെ ഭാഗമായി ആദ്യത്തെ മാതൃകാ ടൗൺഷിപ്പിന്റെ നിർമ്മാണത്തിന് മുഖ്യമന്ത്രി പിണറായി വിജയൻ കഴിഞ്ഞ ദിവസം കൽപ്പറ്റയിലെ എൽസ്റ്റോൺ എസ്റ്റേറ്റിൽ തറക്കല്ലിട്ടിരുന്നു.

കൽപ്പറ്റ ടൗണിന് സമീപമുള്ള എൽസ്റ്റോൺ എസ്റ്റേറ്റിലെ 64.4 ഹെക്ടർ സ്ഥലത്താണ് ടൗൺഷിപ്പ് നിർമ്മിക്കുന്നത്. ഇവിടെ 430 പുതിയ വീടുകൾ ഉണ്ടാകും. ഓരോ വീടിനും ഏഴ് സെൻറ് സ്ഥലവും 1000 ചതുരശ്ര അടി വിസ്തീർണവും ഉണ്ടായിരിക്കും. വീടുകൾ കൂടാതെ മാർക്കറ്റ്, അങ്കണവാടി, കുട്ടികൾക്കുള്ള കളിസ്ഥലങ്ങൾ, വാട്ടർ ടാങ്ക്, മലിനജല സംസ്കരണ സംവിധാനം, കമ്യൂണിറ്റി സെൻ്റർ, പൊതു ശൗചാലയങ്ങൾ തുടങ്ങിയ സൗകര്യങ്ങളും ടൗൺഷിപ്പിൽ ഉണ്ടാകും. 

ഭൂമി ഏറ്റെടുക്കുന്നതിനായി എൽസ്റ്റോൺ ടീ എസ്റ്റേറ്റ് ഉടമകൾക്ക് 26.5 കോടി രൂപ സംസ്ഥാന സർക്കാർ നഷ്ടപരിഹാരമായി നൽകിയിട്ടുണ്ട്. രണ്ടാമത്തെ മോഡൽ ടൗൺഷിപ്പ് മേപ്പാടിയിലെ നെടുംബാല ടീ എസ്റ്റേറ്റിൽ നിർമ്മിക്കാൻ ആണ് പദ്ധതി. ടൗൺഷിപ്പിന്റെ നിർമ്മാണ കരാർ ഊരാളുങ്കൽ ലേബർ കോൺട്രാക്ട് കോ-ഓപ്പറേറ്റീവ് സൊസൈറ്റിക്കാണ് ലഭിച്ചിരിക്കുന്നത്. ഈ വർഷം അവസാനത്തോടെ നിർമ്മാണം പൂർത്തിയാക്കുമെന്നും അവർ അറിയിച്ചിട്ടുണ്ട്.

ഈ വാർത്ത ഷെയർ ചെയ്യാനും നിങ്ങളുടെ അഭിപ്രായങ്ങൾ രേഖപ്പെടുത്താനും അഭ്യർത്ഥിക്കുന്നു!

Lulu Group Chairman M.A. Yusuffali has pledged to provide 50 houses to those who lost their homes in the Mundakkai-Churalmala landslide in Wayanad. He informed Chief Minister Pinarayi Vijayan about this initiative. This comes after the government laid the foundation stone for a model township in Kalpetta to rehabilitate those affected by a previous landslide in Meppadi.

#WayanadFloods #KeralaFloods #MAYusuffali #LuluGroup #KeralaGovernment #DisasterRelief