രാ­ഷ്ട്ര­പ­തി­യു­ടെ തീര്‍­പ്പി­നാ­യി രാ­ജ­ഭ­വ­നില്‍ കാത്തുകിടക്കുനത് 12 ദ­യാ­ഹര്‍­ജികള്‍

ന്യൂഡല്‍ഹി: രാ­ഷ്ട്രപ­തി ഭ­വ­നില്‍ രാ­ഷ്ട്ര­പ­തി­യു­ടെ അ­നു­മ­തിയും കാത്ത് വര്‍ഷങ്ങളാ­യി കെ­ട്ടി­ക്കി­ട­ക്കു­ന്ന­ത് 12 ദ­യാ­ഹര്‍­ജി­ക­ള്‍. പുതി­യ രാ­ഷ്ട്രപ­തി അ­ധി­കാ­ര­ത്തില്‍ വ­ന്ന­തി­നു ശേ­ഷം ഇ­തുവരെ ര­ണ്ട് ഹര്‍­ജി­ക­ളില്‍ മാ­ത്ര­മാ­ണ് തീര്‍പ്പു കല്‍പ്പിച്ചത്. വലിയ രാഷ്ട്രീയ കോളിളക്കങ്ങള്‍ക്ക് വഴിവച്ച മുംബൈ ആക്രമണക്കേസിലെ പ്രതി അജ്മല്‍ കസബിന്റെയും പാര്‍ലമെന്റ് ആക്രമണക്കേസിലെ പ്രതി അഫ്‌­സല്‍ ഗുരുവിന്റെയും ദയാഹര്‍ജികളിലാണ് രാഷ്ട്ര­പ­തി­യായി ചുമതലയേറ്റ ഉടനെ തന്നെ പ്രണബ് മുഖര്‍ജി തീരുമാനം കൈക്കൊണ്ടത്.

ഇ­തിനു പുറമെ മൊത്തം 14 ദയാഹര്‍ജികളായിരുന്നു രാഷ്ട്രപതി ഭവനില്‍ തീര്‍പ്പു കാത്തു കിടന്നത്. കസബും അഫ്‌­സല്‍ ഗുരുവും തൂക്കിലേറ്റപ്പെട്ടതോടെ രാഷ്ട്രപതിയുടെ ദ­യ കാ­ത്തുകഴിയു­ന്ന മറ്റു പന്ത്രണ്ട് പേരു­ടെ ആശങ്ക വര്‍ധിച്ചിരിക്കുകയാണ്.

ദയാഹര്‍ജി കാത്തു കഴിയുന്നവരില്‍ പ്രധാനി മുന്‍ പഞ്ചാബ് മുഖ്യമന്ത്രി ബിയാന്ത്‌­സിങ്ങിന്റെ ഘാതകന്‍ ബല്‍വന്ത്‌­സിങ് രജോനയാണ്. ഗുര്‍മീത്‌­സിങ്, ധരംപാല്‍, സുരേഷ്, രാംജി, സൈമണ്‍, ജ്ഞാനപ്രകാശ്, മഡയ്യ, ബിലവേന്ദ്ര, പ്രവീണ്‍കുമാര്‍, സായിബന്ന, ജാഫര്‍ അലി എന്നിവരും വധശിക്ഷയ്ക്ക് വിധിക്കപ്പെട്ട് ദയാഹര്‍ജി നല്‍കി കാത്തിരിക്കുന്നവരാണ്.

സുപ്രധാനമായ രണ്ട് ദയാഹര്‍ജികളില്‍ തീരുമാനമെടുക്കുന്നത് മാറ്റിവച്ചെങ്കിലും 39 ദയാഹര്‍ജികളില്‍ മുന്‍ രാഷ്ട്രപതി പ്രതിഭാ പാട്ടില്‍ തീര്‍പ്പു കല്‍പ്പിച്ചിരുന്നു. ഇതില്‍ രാജീവ് ഗാന്ധി വധക്കേസിലെ പ്രതി നളിനിയുടേത് അടക്കം അഞ്ചു പേരുടെ ഹര്‍ജി തള്ളിയപ്പോള്‍ 34 എണ്ണം ജീവപര്യന്തമായി കുറയ്ക്കുകയാണുണ്ടായത്.

രാജ്യത്താകമാനം 477 പേര്‍ വധശിക്ഷയ്ക്ക് വിധിക്കപ്പെട്ട് വിവിധ ജയിലുകളില്‍ കഴിയുണ്ടെന്ന് കഴിഞ്ഞ വര്‍ഷം ഡിസംബറില്‍ കേന്ദ്രസര്‍ക്കാര്‍ രാജ്യസഭയെ അറിയിച്ചിരുന്നു.