125 കോടിയുടെ തട്ടിപ്പ് കേസ്: ബി എസ് എഫ് ഉദ്യോഗസ്ഥനില്‍ നിന്ന് 14 കോടിയുടെ ആഡംബര കാറുകള്‍ പിടിച്ചെടുത്തു

14 കോടി രൂപയും ഒരു കോടി രൂപയുടെ ആഭരണങ്ങളും ബിഎംഡബ്ല്യു, ജീപ്, മെഴ്സിഡസ് എന്നിവയുള്‍പെടെ ഏഴ് ആഡംബര കാറുകളും ഇയാളുടെ വസതിയില്‍ നിന്ന് കണ്ടെടുത്തു. പ്രവീണിന്റെ ഭാര്യ മംമ്ത യാദവ്, സഹോദരി റിതു, കൂട്ടാളി എന്നിവരെയും ഗുഡ്ഗാവ് പൊലീസ് അറസ്റ്റ് ചെയ്തിട്ടുണ്ട്.

'എന്‍ എസ് ജി ക്യാംപസിൽ നിര്‍മാണ കരാര്‍ നല്‍കാമെന്ന് പറഞ്ഞാണ് ജനങ്ങളില്‍ നിന്ന് കോടിക്കണക്കിന് രൂപ തട്ടിയെടുത്തത്. ഈ പണം എന്‍ എസ് ജിയുടെ പേരിലുള്ള വ്യാജ അകൗണ്ടിലേക്ക് മാറ്റി. ആക്‌സിസ് ബാങ്കില്‍ മാനജരായ സഹോദരി റിതു യാദവാണ് അകൗണ്ട് തുടങ്ങിയത്' - പൊലീസ് പറഞ്ഞു.

പ്രവീണ്‍ യാദവിന് സ്റ്റോക് മാര്‍കെറ്റില്‍ 60 ലക്ഷം രൂപയുടെ നഷ്ടമുണ്ടായി, ആളുകളെ കബളിപ്പിച്ച് പണം വീണ്ടെടുക്കാന്‍ അദ്ദേഹം പദ്ധതിയിടുകയായിരുന്നെന്ന് ഗുഡ്ഗാവ് പൊലീസ് ക്രൈം എ സി പി പ്രീത് പാല്‍ സിംഗ് പറഞ്ഞു. അടുത്തിടെ യാദവിന് സ്ഥാനക്കയറ്റം ലഭിച്ചിരുന്നു. അഗര്‍ത്തലയിലായിരുന്നു പുതിയ പോസ്റ്റിംഗ്. കുറച്ച് ദിവസങ്ങള്‍ക്ക് മുമ്പ് പുതിയ പദവി രാജിവച്ചിരുന്നു.