New Swift | പുതിയ സ്വിഫ്റ്റ് എത്തി! വില 6.49 ലക്ഷം രൂപ മുതൽ; രൂപത്തിലും ഫീച്ചറുകളിലും കിടിലൻ മാറ്റങ്ങൾ; അറിയാം സവിശേഷതകൾ

 പഴയ മോഡലിനെ അപേക്ഷിച്ച് പുതിയ സ്വിഫ്റ്റിൽ എക്സ്റ്റീരിയറിൽ ധാരാളം മാറ്റങ്ങൾ കാണാൻ കഴിയും. ഇൻ്റീരിയർ കറുപ്പ് നിറത്തിൽ നിലനിർത്തിയിട്ടുണ്ട്. ഡ്രൈവിംഗ് അനുഭവം മെച്ചപ്പെടുത്തുന്നതിന് നിരവധി പുതിയ ഫീച്ചറുകൾ നൽകിയിട്ടുണ്ട്. ഇതിനുപുറമെ, ഗ്രില്ലിൻ്റെ മധ്യഭാഗത്ത് നേരത്തെ ഉണ്ടായിരുന്ന ബ്രാൻഡ് ലോഗോ കാറിൻ്റെ മുൻ ബോണറ്റിൽ സ്ഥാപിച്ചിട്ടുണ്ട്. പുതിയ സ്വിഫ്റ്റ് അൽപ്പം വലുതാണ്. ഈ കാറിന് നിലവിലെ മോഡലിനേക്കാൾ 15 എംഎം നീളവും ഏകദേശം 30 എംഎം ഉയരവും ഉണ്ടാകും.

11 വകഭേദങ്ങൾ

മൊത്തം 11 വകഭേദങ്ങളിലാണ് (LXI, VXI, VXI(O), ZXI, ZXI+ എന്നിങ്ങനെ) മാരുതി സുസുക്കി പുറത്തിറക്കുക.
അവയുടെ എക്സ്-ഷോറൂം വില 6,49,000 മുതൽ 9,64,500 രൂപ വരെയാണ്. നോവൽ ഓറഞ്ച്, ലസ്റ്റർ ബ്ലൂ എന്നിങ്ങനെ രണ്ട് പുതിയ കളർ ഓപ്ഷനുകളോടെയാണ് പുതിയ സ്വിഫ്റ്റ് അവതരിപ്പിച്ചിരിക്കുന്നത്.

പുതിയ എൻജിനും മികച്ച മൈലേജും

പുതിയ മാരുതി സുസുക്കി സ്വിഫ്റ്റിന് പുതിയ 1.2 ലിറ്റർ ജി-സീരീസ് പെട്രോൾ എൻജിൻ ഉണ്ട്, മാനുവൽ ട്രാൻസ്മിഷൻ ഓപ്ഷനുള്ള വേരിയൻ്റുകൾക്ക് 24.8 കിലോ മീറ്റർ വരെയും എഎംടി ട്രാൻസ്മിഷനുള്ള വേരിയൻ്റുകൾക്ക് 25.75 കിലോ മീറ്റർ വരെയും മൈലേജ് ലഭിക്കും. നിലവിലുള്ള മോഡലിനേക്കാൾ ഏകദേശം മൂന്ന് കി.മീ കൂടുതലാണിത്.

രൂപത്തിലും ഫീച്ചറുകളിലും കിടിലൻ അപ്‌ഡേറ്റുകളാണ് പുതിയ സ്വിഫ്റ്റിൽ നൽകിയിരിക്കുന്നത്. 45 ശതമാനം ഹൈ ടെൻസൈൽ സ്റ്റീലാണ് ഈ പ്രീമിയം ഹാച്ച്ബാക്കിൽ ഉപയോഗിച്ചിരിക്കുന്നത്. പുതിയ സ്വിഫ്റ്റിന് ബൂമറാംഗ് ഡിആർഎൽ, എൽഇഡി ഹെഡ്‌ലൈറ്റുകൾ, ടെയിൽലൈറ്റുകൾ, പുതിയ ഗ്രിൽ, ഓൾ-ബ്ലാക്ക് ഇൻ്റീരിയർ, 9 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം എന്നീ ഫീച്ചറുകളുമുണ്ട്.

ക്യാബിനിലെ ചില ഘടകങ്ങൾ ബ്രെസ്സയിൽ നിന്നും ബലേനോയിൽ നിന്നും പകർത്തിയതാണ്. ഇതിൻ്റെ എല്ലാ വേരിയൻ്റുകളിലും ആറ് എയർബാഗുകൾ നൽകിയിട്ടുണ്ട്. ഇതിന് പുറമെ ഇലക്ട്രോണിക് സ്റ്റെബിലിറ്റി കൺട്രോളും ലഭ്യമാണ്.

വിവിധ മോഡലുകളുടെ വില

LXI - 6,49,000
VXI - 7,29,500 रुपये
VXI AGS - 7,79,500
VXI(O) - 7,56,500 रुपये
VXI(O) AGS - 8,06,500
ZXI - 8,29,500
ZXI AGS - 8,79,500
ZXI+ - 8,99,500
ZXI+ AGS - 9,49,500
ZXI+ Dual Tone - 9,14,500
ZXI+ AGS Dual Tone - 9,64,500