ചെന്നൈ വിമാനത്താവളത്തില്‍ മലയാളികളില്‍ നിന്നും 20 കിലോ സ്വര്‍ണം പിടിച്ചെടുത്തു

ചെന്നൈ: ചെന്നൈ വിമാനത്താവളത്തില്‍ വന്‍ സ്വര്‍ണവേട്ട.  ദുബൈയില്‍നിന്ന് എയര്‍ ഇന്ത്യ വിമാനത്തില്‍ ചെന്നൈയിലിറങ്ങിയ  അഞ്ചു യാത്രക്കാരെ റവന്യൂ ഇന്റലിജന്‍സ് വിഭാഗം പിടികൂടി.

ഇവരില്‍ നിന്നും 20 കിലോ സ്വര്‍ണം പിടിച്ചെടുത്തു.  ഇവരില്‍ രണ്ടു പേര്‍ മലയാളികളാണ്. മുഹമ്മദ് ,മുസ്തഫ എന്നിവരാണ് പിടിയിലായ മലയാളികള്‍ .മറ്റുള്ളവരെ കുറിച്ചുള്ള വിവരം റവന്യൂ ഇന്റലിജന്‍സ് വിഭാഗം ഇതുവരെ പുറത്തുവിട്ടിട്ടില്ല.

ചെന്നൈയില്‍ നിന്നും ഡല്‍ഹിയിലേക്ക് കടക്കാന്‍ ശ്രമിക്കുന്നതിനിടെയാണ്
സംഘം റവന്യൂ ഇന്റലിജന്‍സിന്റെ പിടിയിലായത്.  ചെന്നൈ വിമാനത്താവളത്തില്‍ കസ്റ്റംസ് അധികൃതരുടെ സഹായത്തോടെ വന്‍തോതില്‍ സ്വര്‍ണക്കടത്ത് നടത്തുന്നതായി സൂചന ലഭിച്ചതിന്റെ  അടിസ്ഥാനത്തിലാണ് റവന്യൂ ഇന്റലിജന്‍സ് പരിശോധന ശക്തമാക്കിയത്.

ചെന്നൈ വിമാനത്താവളത്തില്‍ സുരക്ഷിതരായി ഇറങ്ങിയ ഇവരെ റവന്യൂ അധികൃതര്‍ ചോദ്യം ചെയ്തുവരികയാണ്. തിങ്കളാഴ്ച രാവിലെയാണ് സംഭവം.

Also Read:
ഹജ്ജിന് പോയ മൗവ്വല്‍ സ്വദേശി മക്കയില്‍ നിസ്‌കാരത്തിനിടെ കുഴഞ്ഞുവീണ് മരിച്ചു
Keywords:  Chennai, Airport, Gold, New Delhi, Customs, Complaint, Passengers, National,  Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.