Hacking Attempts | 150 രാജ്യങ്ങളിലെ ജനങ്ങള്‍ക്ക് ഇത്തരം മുന്നറിയിപ്പ് ആപിള്‍ കംപനി നല്‍കിയിട്ടുണ്ട്; വിശദമായ അന്വേഷണം നടത്താന്‍ ഉത്തരവിട്ടിട്ടുണ്ട്; ഫോണ്‍ ചോര്‍ത്തല്‍ വിവാദത്തില്‍ കേന്ദ്രം
Oct 31, 2023, 18:59 IST
ന്യൂഡെല്‍ഹി: (KVARTHA) ഒടുവില്‍ ഫോണ്‍ ചോര്‍ത്തല്‍ വിവാദത്തില്‍ പ്രതികരണവുമായി കേന്ദ്രസര്‍കാര്‍ രംഗത്തെത്തി. 150 രാജ്യങ്ങളിലെ ജനങ്ങള്‍ക്ക് ഇത്തരം മുന്നറിയിപ്പ് നല്‍കിയിട്ടുണ്ടെന്നാണ് ആപിള്‍ കംപനി അറിയിച്ചിരിക്കുന്നത്. എങ്കിലും ഇത്തരം സന്ദേശങ്ങളില്‍ വിശദമായ അന്വേഷണം നടത്താന്‍ കേന്ദ്രം ഉത്തരവിട്ടിട്ടുണ്ട്. ഈ സന്ദേശം ലഭിച്ചവരും ആപിള്‍ കംപനിയും അന്വേഷണത്തോട് സഹകരിക്കണമെന്നും കേന്ദ്ര ഐടി മന്ത്രി അശ്വിനി വൈഷ്ണവ് അറിയിച്ചു.
പ്രിയങ്ക ചതുര്‍വേദിയാണ് ആദ്യം ആപിള്‍ കംപനിയുടെ മുന്നറിയിപ്പ് സമൂഹ മാധ്യമങ്ങളില്‍ പങ്കുവച്ചത്. പിന്നാലെ ഓരോരുത്തരായി രംഗത്തെത്തുകയായിരുന്നു.
അതേസമയം, ഏതെങ്കിലും പ്രത്യേക ഭരണകൂടത്തിന്റെ ഹാകര്‍മാരാണ് ചോര്‍ത്തലിനു പിന്നിലെന്ന് മുന്നറിയിപ്പുകൊണ്ട് ഉദ്ദേശിക്കുന്നില്ലെന്ന വിശദീകരണമാണ് ആപിള്‍ ഇക്കാര്യത്തില്‍ നല്‍കിയത്. നോടിഫികേഷനായി വന്നത് തെറ്റായ മുന്നറിയിപ്പ് ആവാനുള്ള സാധ്യതയും ആപിള്‍ തള്ളിക്കളയുന്നില്ല. അറ്റാകര്‍മാര്‍ രീതി മാറ്റാന്‍ സാധ്യതയുള്ളതിനാല്‍ ഏതു സാഹചര്യത്തിലാണ് മുന്നറിയിപ്പ് നല്‍കിയതെന്ന് വെളിപ്പെടുത്താന്‍ കഴിയില്ലെന്നും ആപിള്‍ വ്യക്തമാക്കി.
Keywords: 'Apple Alert Issued In 150 Countries': Centre After Opposition Claims Hacking Attempts, New Delhi, News, Apple Alert, Phone Hacking Attempts, Politics, Social Media, Probe, Controversy, Congress, National News.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
