9.2 കോടി രൂപയുടെ എഫിഡ്രിൻ മയക്കുമരുന്ന് വിമാനത്താവളത്തിൽ കസ്റ്റംസ് പിടികൂടി; കടത്താൻ ശ്രമിച്ചത് അടുക്കള സാധങ്ങളെന്ന വ്യാജേന എയർ കാർഗോവഴി

ബെംഗ്ളുറു: (www.kvartha.com 21.03.2022) ഓസ്‌ട്രേലിയയിലെ മെൽബണിലേക്ക് എയർ കാർഗോ വഴി കയറ്റുമതി ചെയ്യാനിരുന്ന 9.2 കോടി രൂപ വിലമതിക്കുന്ന 46.8 കിലോഗ്രാം എഫിഡ്രിൻ മയക്കുമരുന്ന് ബെംഗ്ളുറു കെംപഗൗഡ അന്താരാഷ്ട്ര വിമാനത്താവളത്തിൽ നിന്ന് കസ്റ്റംസ് ഉദ്യോഗസ്ഥർ പിടികൂടി. ബെംഗ്ളുറു വിമാനത്താവളത്തിലെ കാർഗോ വിഭാഗത്തിൽ ഈ വർഷം പിടികൂടിയ ഏറ്റവും വലിയ മയക്കുമരുന്ന് ശേഖരമാണിത്.
                 അടുക്കള സാധനങ്ങളെന്ന വ്യാജേന സ്വന്തം ഇഷ്ടപ്രകാരം നിർമിച്ച പാത്രങ്ങളിലാണ് മയക്കുമരുന്ന് കടത്താൻ ശ്രമിച്ചത്. ചെന്നൈ ആസ്ഥാനമായുള്ള മയക്കുമരുന്ന് റാകറ്റാണ് ഇതിന് പിന്നിലെന്നാണ് ഉദ്യോഗസ്ഥർ സംശയിക്കുന്നത്. എയർ കാർഗോ വിംഗ് വഴി വൻതോതിൽ മയക്കുമരുന്ന് കടത്തുന്നതായി ഇന്റലിജൻസ് ആൻഡ് ഇൻവെസ്റ്റിഗേഷൻ ബ്രാഞ്ചിന് സൂചന ലഭിച്ചിരുന്നതായി കസ്റ്റംസ് ഇന്റലിജൻസ് യൂനിറ്റ് (സിഐയു) അറിയിച്ചു.

ಬೆಂಗಳೂರಿನ ಏರ್ ಕಾರ್ಗೋದ ಕಸ್ಟಮ್ಸ್ ಇಂಟೆಲಿಜೆನ್ಸ್ ಅಧಿಕಾರಿಗಳು ಆಸ್ಟ್ರೇಲಿಯಾಕ್ಕೆ ರಫ್ತು ಮಾಡಲು ಯತ್ನಿಸಿದ ಎಫೆಡ್ರಿನ್ ಅನ್ನು ಎನ್‌ಡಿಪಿಎಸ್ ಕಾಯಿದೆಯಡಿ ವಶಪಡಿಸಿಕೊಂಡಿದ್ದಾರೆ. ಸುಮಾರು 9.23 ಕೋಟಿ ಮೌಲ್ಯದ (46.799 ಕೆಜಿ ತೂಕ)ದ ಈ ಎಫೆಡ್ರಿನ್ ನ್ನು ಅಡಿಗೆ ಪಾತ್ರೆಗಳಲ್ಲಿ ಮರೆಮಾಡಲಾಗಿತ್ತು.@cbic_india https://t.co/2vfCwIPkzq

— Bengaluru Customs (@blrcustoms) March 19, 2022

തുടർന്ന് കസ്റ്റംസ് സംഘം ഞായറാഴ്ച അന്വേഷണം ആരംഭിക്കുകയും കാർഗോ വിഭാഗത്തിലെ കയറ്റുമതി ചരക്കുകൾ പരിശോധിച്ചപ്പോൾ വലിയ സ്റ്റെയിൻലെസ് സ്റ്റീൽ ജാറുകൾ, ജഗുകൾ, ഡ്രമുകൾ എന്നിവ വഴി കടത്താൻ ശ്രമിച്ച മയക്കുമരുന്ന് പിടികൂടുകയുമായിരുന്നു. < !- START disable copy paste -->