സിബിഐയ്ക്ക് സാമ്പത്തിക സ്വയംഭരണത്തിന് കേന്ദ്ര സര്‍ക്കാരിന്റെ അനുമതി

 


ഡെല്‍ഹി:  സിബിഐയ്ക്ക് സാമ്പത്തിക സ്വയംഭരണത്തിന് കേന്ദ്ര സര്‍ക്കാരിന്റെ  അനുമതി. മാത്രമല്ല സിബിഐ ഡയറക്ടര്‍ക്ക് കേന്ദ്ര സെക്രട്ടറിക്കു തുല്യമായ പദവി നല്‍കാനും കേന്ദ്രസര്‍ക്കാര്‍ തീരുമാനിച്ചു. എന്നാല്‍ സെക്രട്ടറിയുടെ പൂര്‍ണചുമതല  ഡയറക്ടര്‍ക്ക് ഉണ്ടാകില്ല.

കേസുകളുടെ ആവശ്യങ്ങള്‍ക്കുവേണ്ടിയുള്ള ഉപദേശങ്ങള്‍ക്ക്  സര്‍ക്കാര്‍ ഉത്തരവില്ലാതെ 10 ലക്ഷം രൂപവരെ ചെലവഴിക്കാന്‍ സിബിഐക്കു അനുമതി നല്‍കുകയും ചെയ്തു. ഇതു സംബന്ധിച്ചുള്ള  കേന്ദ്ര സര്‍ക്കാര്‍ തീരുമാനം സോളിസിറ്റര്‍ ജനറല്‍ മോഹന്‍ പരാശരന്‍ സുപ്രീം കോടതിയെ അറിയിക്കും.

സ്വതന്ത്ര അന്വേഷണ ഏജന്‍സിയായി പ്രവര്‍ത്തിക്കുന്ന അവസരത്തില്‍  നിരവധി തടസങ്ങളാണ് ഉണ്ടാകുന്നതെന്നും  അങ്ങനെ വരുമ്പോള്‍ പ്രവര്‍ത്തന സ്വാതന്ത്ര്യം ഇല്ലെന്നും സിബിഐ നേരത്തെ സുപ്രീംകോടതിയെ അറിയിച്ചിരുന്നു. കല്‍ക്കരിപ്പാടം അഴിമതി കേസ് പരിഗണിക്കുമ്പോഴാണ് ഇക്കാര്യം സിബിഐ കോടതിയെ അറിയിച്ചത്. ഇതേതുടര്‍ന്നു സിബിഐയെ കൂട്ടിലടച്ച തത്തയെന്നു സുപ്രീംകോടതി വിശേഷിപ്പിച്ചിരുന്നു.

സിബിഐക്ക് സ്വതന്ത്ര ചുമതലയോ പൂര്‍ണ സ്വയംഭരണാവകാശമോ നല്‍കാന്‍ കേന്ദ്രസര്‍ക്കാര്‍ വിമുഖതകാട്ടുകയാണ് ചെയ്തിരുന്നത്.  മാത്രമല്ല, സി.ബി.ഐ കൂടുതല്‍ അധികാരങ്ങള്‍ക്കുവേണ്ടിയും സ്വയംഭരണത്തിനുവേണ്ടിയും  ശ്രമിക്കാറുണ്ടെന്ന് കേന്ദ്രമന്ത്രിമാര്‍ ആരോപിക്കുകയും ചെയ്തിരുന്നു.

സിബിഐയ്ക്ക് സാമ്പത്തിക സ്വയംഭരണത്തിന് കേന്ദ്ര സര്‍ക്കാരിന്റെ  അനുമതിഇതിനിടെ സിബിഐയുടെ രൂപവത്ക്കരണം ഭരണഘടനാവിരുദ്ധമാണെന്ന്
ഗുവാഹട്ടി ഹൈക്കോടതിയും അഭിപ്രായപ്പെട്ടു.

രാജ്യത്തെ അഴിമതി തടയുന്നതിനായി 1942ല്‍ ബ്രിട്ടീഷ് സര്‍ക്കാര്‍ ഓര്‍ഡിനന്‍സിലൂടെയാണ് ഡെല്‍ഹി സ്‌പെഷ്യല്‍ പോലീസ് എസ്റ്റാബ്ലിഷ്‌മെന്റ് ആക്ട് കൊണ്ടുവന്നത്. സ്വാതന്ത്ര്യത്തിന് ശേഷം ഈ ഓര്‍ഡിനന്‍സ് ഭരണഘടനപ്രകാരമുള്ള നിയമമായി മാറിയതിനെ തുടര്‍ന്നാണ്  കേന്ദ്ര ആഭ്യന്തരമന്ത്രാലയം സി.ബി.ഐ. രൂപവത്കരിച്ചത്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കെവാര്‍ത്തയിലൂടെ അറിയാം.

Also Read:
മാങ്ങാട് ടൗണില്‍ ഫ്ളക്‌സ് ബോര്‍ഡുകള്‍ വ്യാപകമായി നശിപ്പിച്ചു

Keywords: CBI, New Delhi, Supreme Court of India, Accused, Corruption, National, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.
ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

Tags

Share this story

wellfitindia