Himachal Govt | ഉത്തരേന്ത്യയിലെ ഏക സംസ്ഥാനത്ത് കോൺഗ്രസിന് അധികാരം നഷ്ടമാവുമോ? ഹിമാചലിൽ മന്ത്രി വിക്രമാദിത്യ സിംഗ് രാജിവച്ചു; 6 എംഎൽഎമാർ ബിജെപിക്കൊപ്പം

എല്ലാ കാര്യങ്ങളും പാർട്ടി ഹൈക്കമാൻഡിനെ അറിയിച്ചിട്ടുണ്ടെന്നും ഇനി എന്ത് ചെയ്യണമെന്ന് അവർ തീരുമാനിക്കുമെന്നും വിക്രമാദിത്യ സിംഗ് പറഞ്ഞു. ഇദ്ദേഹത്തിന്റെ മാതാവ് പ്രതിഭ സിംഗ് ഹിമാചൽ പ്രദേശ് കോൺഗ്രസ് അധ്യക്ഷയാണ്. പ്രതിഭാ സിംഗ് മുഖ്യമന്ത്രിയാകാൻ ആഗ്രഹിച്ചിരുന്നുവെങ്കിലും 2022 ലെ നിയമസഭാ തിരഞ്ഞെടുപ്പിൽ കോൺഗ്രസ് ഹൈകമാൻഡ് സുഖ്വീന്ദർ സിംഗ് സുഖുവിനെ മുഖ്യമന്ത്രിയാക്കുകയായിരുന്നു.

ചൊവ്വാഴ്ച നടന്ന രാജ്യസഭാ തെരഞ്ഞെടുപ്പിൽ ആറ് കോൺഗ്രസ് എം.എൽ.എമാർ പാർട്ടി വിപ്പ് കടന്ന് ബി.ജെ.പി സ്ഥാനാർത്ഥി ഹർഷ് മഹാജന് വോട്ട് ചെയ്യുകയും കോൺഗ്രസ് സ്ഥാനാർത്ഥി അഭിഷേക് മനു സിംഗ്വി പരാജയപ്പെടുകയും ചെയ്തിരുന്നു. ഉത്തരേന്ത്യയിൽ കോൺഗ്രസ് അധികാരത്തിലുള്ള ഏക സംസ്ഥാനമാണ് ഹിമാചൽ പ്രദേശ്, എന്നാൽ ഇവിടെയും തമ്മിൽ തല്ല് മൂലം കോൺഗ്രസിന് ഭരണം നഷ്ടപ്പെടുന്ന അവസ്ഥയാണുള്ളത്. 68 അംഗ സഭയിൽ കോൺഗ്രസിന് 40ഉം ബിജെപിക്ക് 25 എംഎൽഎമാരാണുള്ളത്. മൂന്ന് എംഎൽഎമാർ സ്വതന്ത്രരാണ്.

രാജ്യസഭാ തിരഞ്ഞെടുപ്പിൽ 40 കോൺഗ്രസ് എംഎൽഎമാരിൽ 34 പേർ മാത്രമാണ് സിങ്വിക്ക് അനുകൂലമായി വോട്ട് ചെയ്തത്. ബിജെപി സ്ഥാനാർത്ഥി ഹർഷ് മഹാജന് 34 വോട്ടുകൾ ലഭിച്ചു. അതായത് 25 ബി.ജെ.പി എം.എൽ.എമാർക്ക് പുറമെ മൂന്ന് സ്വതന്ത്ര എം.എൽ.എമാരും ആറ് കോൺഗ്രസ് എം.എൽ.എമാരും ബി.ജെ.പി സ്ഥാനാർഥിക്ക് വോട്ട് ചെയ്തു. കോൺഗ്രസിൻ്റെയും ബിജെപിയുടെയും സ്ഥാനാർത്ഥികൾക്ക് 34 വീതം വോട്ടുകൾ ലഭിച്ചതോടെ നറുക്കെടുപ്പിലൂടെയാണ് ഫലം തീരുമാനിച്ചത്. ചൊവ്വാഴ്ച പകൽ സമയത്ത്, സിആർപിഎഫും ഹരിയാന പൊലീസും ചേർന്ന് ആറ് കോൺഗ്രസ് എംഎൽഎമാരെ കൊണ്ടുപോയതായി മുഖ്യമന്ത്രി ആരോപിച്ചിരുന്നു.

Keywods: News, National, Shimla, Himachal Pradesh, Rajya Sabha, Election Result, Candidate, Himachal Government, Congress, Politics, BJP, CRPF, Police, Congress govt in Himachal Pradesh in crisis.
< !- START disable copy paste -->