മോഡിക്ക് ഇന്ത്യന്‍ മുജാഹിദ്ദീന്റെ വധഭീഷണി

 


ഡല്‍ഹി: ഗുജറാത്ത് മുഖ്യമന്ത്രിയും ബിജെപിയുടെ പ്രധാനമന്ത്രി സ്ഥാനാര്‍ത്ഥിയുമായ നരേന്ദ്രമോഡി ഉള്‍പെടെയുള്ള പ്രമുഖ രാഷ്ട്രീയ നേതാക്കള്‍ക്ക് തീവ്രവാദികളുടെ വധഭീഷണിയുണ്ടെന്ന് ഇന്റലിജന്‍സ് ബ്യൂറോ റിപോര്‍ട്ട് ചെയ്തു.

 ഇന്ത്യന്‍ മുജാഹിദ്ദീനാണ് വധഭീഷണി ഉയര്‍ത്തിയിരിക്കുന്നത്. തീവ്രവാദികളുടെ ഹിറ്റ്‌ലിസ്റ്റില്‍ പ്രഥമ സ്ഥാനം നല്‍കിയിരിക്കുന്നത് മോഡിക്കാണ്. 2002 ലെ ഗുജറാത്ത് കലാപത്തിന് കാരണക്കാരന്‍ മോഡിയാണെന്നാരോപിച്ചാണ് ഇന്ത്യന്‍ മുജാഹിദ്ദീന്‍ മോഡിയെ വധിക്കാന്‍ ലക്ഷ്യമിട്ടിരിക്കുന്നത്.

മോഡി പഞ്ചാബിലും ഉത്തര്‍പ്രദേശിലും  നടത്താനിരിക്കുന്ന തെരഞ്ഞെടുപ്പ് റാലികള്‍ക്കു നേരെയാണ് ആക്രമണം നടത്താന്‍ സാധ്യതയെന്നാണ് ഇന്റലിജന്‍സ് റിപോര്‍ട്ട് ചെയ്യുന്നത്. ഇന്റലിജന്‍സ് റിപോര്‍ട്ടിനെ തുടര്‍ന്ന് കേന്ദ്ര ആഭ്യന്തരമന്ത്രാലയം മോഡിയുടെ സുരക്ഷ വര്‍ധിപ്പിക്കുന്നതിനുള്ള നടപടികള്‍  സ്വീകരിച്ചു.

പട്‌നയില്‍ മോഡിയുടെ റാലിക്കു നേരെ നടത്തിയ സ്‌ഫോടന പരമ്പരയില്‍ അറസ്റ്റിലായ ഇന്ത്യന്‍ മുജാഹിദ്ദീന്‍ തീവ്രവാദികളില്‍ നിന്നാണ് മോഡിയെ വധിക്കാന്‍ ലക്ഷ്യമിട്ടതായി വ്യക്തമായത്.

പട്‌നയില്‍ മോദി പങ്കെടുത്ത റാലിയിലുണ്ടായ സ്‌ഫോടന പരമ്പരയില്‍ ആറുപേരാണ് മരിച്ചത്.ഇതേതുടര്‍ന്ന് മോഡിയുടെ സുരക്ഷ വര്‍ധിപ്പിക്കാന്‍ പഞ്ചാബ്, യു.പി സര്‍ക്കാരുകള്‍ക്ക്  കേന്ദ്രം നിര്‍ദേശം നല്‍കുകയായിരുന്നു.

സുരക്ഷ വര്‍ധിപ്പിച്ചതിന്റെ ഭാഗമായി മോഡിയുടെ ബ്ലാക് ക്യാറ്റ് കമാന്‍ഡോകളുടെ എണ്ണം 108 ആയി ഉയര്‍ത്തും. മൂന്നു തലത്തിലുള്ള സുരക്ഷയാണ് ക്രമീകരിക്കുക. മോഡി ചടങ്ങിനെത്തുന്ന സ്ഥലത്ത്  പങ്കെടുക്കുന്നവരെ ആറു തവണ പരിശോധിച്ചശേഷം മാത്രമേ അകത്തേക്ക് കയറ്റിവിടുകയുള്ളൂ.

മോഡിക്ക് ഇന്ത്യന്‍ മുജാഹിദ്ദീന്റെ  വധഭീഷണിമോഡിയുടെ സുരക്ഷ വര്‍ധിപ്പിച്ച സാഹചര്യത്തില്‍ ശത്രുക്കള്‍ക്ക്  മോഡിയെ അത്ര എളുപ്പം ആക്രമിക്കാന്‍ കഴിയുകയില്ല. റോക്കറ്റോ മിസൈലുകളോ ഉപയോഗിച്ചാല്‍ മാത്രമേ മോഡിയെ വധിക്കാന്‍ കഴിയുകയുള്ളൂ.

തെരെഞ്ഞടുപ്പ് റാലിയില്‍ മോഡി എത്തുന്നതിന് ഒരു മണിക്കൂര്‍ മുമ്പ് വേദിയും പരിസരവും സൂക്ഷ്മ നിരീക്ഷണം നടത്തി അപകടമില്ലെന്ന് ഉറപ്പിച്ചശേഷം മാത്രമേ  മോഡി ചടങ്ങില്‍ പങ്കെടുക്കുകയുള്ളൂ. പ്രധാനമന്ത്രിക്കും മൂന്‍പ്രധാനമന്ത്രിമാര്‍ക്കും കുടുംബാംഗങ്ങള്‍ക്കും നല്‍കിവരുന്ന പോലുള്ള സുരക്ഷ മോഡിക്ക് നല്‍കുന്ന കാര്യവും കേന്ദ്ര
സര്‍ക്കാരിന്റെ പരിഗണനയിലുണ്ട്.

Also Read:
വഴിയാത്രക്കാരനെ ഇടിച്ച് ബൈക്ക് മറിഞ്ഞു; 3 പേര്‍ക്ക് ഗുരുതരം
Keywords: Indian Mujahideen, Death threat, New Delhi, Gujarat, Chief Minister, Narendra Modi, Report, Prime Minister, Protection, National, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News malayalam, Today news paper, Today cricket news, Malayalam hot news, Malayalam kathakal, Live malayalam news, News Kerala, Malayalam gulf news.
ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

Tags

Share this story

wellfitindia