Ujwala Scheme | കുറഞ്ഞവിലയിൽ ഗ്യാസ് സിലിൻഡർ വേണോ? പ്രധാനമന്ത്രി ഉജ്വല യോജനയ്ക്ക് അപേക്ഷിക്കാം; അറിയേണ്ടതെല്ലാം

ദാരിദ്ര്യരേഖയ്ക്ക് താഴെയുള്ള കുടുംബങ്ങൾക്കും സ്ത്രീകൾക്കും സുരക്ഷിതമായ ഗ്യാസ് സൗകര്യം ലഭ്യമാക്കുക എന്നതാണ് ഇതിന്റെ പ്രധാന ലക്ഷ്യം. 2016ലാണ് പദ്ധതിയുടെ തുടക്കം. പിന്നീട് 2018ൽ കൂടുതൽ ​ഗുണഭോക്താക്കളെ ഉൾപ്പെടുത്തി കൊണ്ട് പദ്ധതി വിപുലീകരിച്ചു.

യോഗ്യതാ മാനദണ്ഡങ്ങൾ

* അപേക്ഷക സ്ത്രീ ആയിരിക്കണം.
* അപേക്ഷകയുടെ പ്രായം 18 വയസിൽ കൂടുതലായിരിക്കണം.
* കുടുംബത്തിന്റെ വാർഷിക വരുമാനം ഗ്രാമപ്രദേശങ്ങളിൽ ഒരു ലക്ഷത്തിൽ താഴെയും നഗരപ്രദേശങ്ങളിൽ രണ്ട് ലക്ഷത്തിൽ താഴെയും ആയിരിക്കണം.
* അപേക്ഷകയുടെ കുടുംബത്തിന് ഇതിനകം എൽപിജി കണക്ഷൻ ഉണ്ടായിരിക്കരുത്.

ആവശ്യമായ രേഖകൾ

* അപേക്ഷകയുടെ ആധാർ കാർഡ്.
* കുടുംബാംഗങ്ങളുടെ ആധാർ കാർഡുകൾ.
* അപേക്ഷകയുടെ ബാങ്ക് അക്കൗണ്ട് പാസ്ബുക്ക്.
* റസിഡൻസ് സർട്ടിഫിക്കറ്റ്
* ആധാർ കാർഡിലെ മേൽവിലാസത്തിൽ തന്നെയാണ് അപേക്ഷക താമസിക്കുന്നതെങ്കിൽ ഐഡന്റിറ്റി തെളിവും മേൽവിലാസ തെളിവുമായി അപേക്ഷകയുടെ ആധാർ കാർഡ് ഉപയോഗിക്കാം

എങ്ങനെ അപേക്ഷിക്കാം?

എൽപിജി വിതരണക്കാരനു നേരിട്ടോ ഓൺലൈൻ പോർട്ടലിലൂടെയോ അപേക്ഷ സമർപ്പിക്കാം. ഓൺലൈനിൽ അപേക്ഷിക്കാനുള്ള നടപടിക്രമം അറിയാം.

* ഔദ്യോഗിക വെബ്സൈറ്റ് https://www(dot)pmuy(dot)gov(dot)in/ സന്ദർശിക്കുക
* 'Apply for New Ujjwala 2.0 Connection' എന്ന ലിങ്കിൽ ക്ലിക്ക് ചെയ്യുക.
* നിങ്ങളുടെ ആധാർ കാർഡ് നമ്പറും ആധാറുമായി ലിങ്ക് ചെയ്ത മൊബൈൽ നമ്പറും നൽകുക.
* 'Send OTP' ക്ലിക്ക് ചെയ്യുക.
* നിങ്ങളുടെ മൊബൈൽ ഫോണിൽ ലഭിച്ച ഒ ടി പി നൽകുക.
* പേരും വിലാസവും മറ്റ് ആവശ്യമായ വിവരങ്ങളും പൂരിപ്പിക്കുക.
* ഒടുവിൽ 'Submit' ക്ലിക്ക് ചെയ്യുക.

രേഖകൾ അപ്‌ലോഡ് ചെയ്തതിന് ശേഷം നിങ്ങളുടെ അപേക്ഷ സൂക്ഷ്മപരിശോധനയ്ക്ക് വിധേയമാക്കും. എല്ലാം ശരിയാണെങ്കിൽ, നിങ്ങൾക്ക് പുതിയ ഗ്യാസ് കണക്ഷൻ ലഭിക്കും. കൂടുതൽ വിവരങ്ങൾക്ക് ഔദ്യോഗിക വെബ്സൈറ്റ് സന്ദർശിക്കുക.

Keywords: News, National, New Delhi, PMUY, Lifestyle, Ujjwala Yojana, Family, Women, Adhar Card, Bank Account, Online, How to Apply for Pradhan Mantri Ujjwala Yojana (PMUY).
< !- START disable copy paste -->