ന്യൂഡെല്‍ഹി: (KVARTHA) പഹൽഗാം ഭീകരാക്രമണത്തിൽ ഇന്ത്യ സ്വീകരിച്ച ശക്തമായ നിലപാടിന് പിന്നാലെ പാകിസ്ഥാനും കടുത്ത നടപടികളിലേക്ക് നീങ്ങുകയാണ്. ഇന്ത്യയുമായുള്ള വ്യോമ അതിർത്തി അടച്ചിടാനും ഇരു രാജ്യങ്ങളും തമ്മിലുള്ള ഷിംല കരാർ റദ്ദാക്കാനും പാകിസ്ഥാൻ ആലോചിക്കുന്നതായി റിപ്പോർട്ടുകൾ സൂചിപ്പിക്കുന്നു. ഇതിനു പുറമെ, പാകിസ്ഥാൻ നാവിക സേന അറബിക്കടലിൽ സൈനിക അഭ്യാസം നടത്താൻ പദ്ധതിയിടുന്നു. മിസൈൽ പരീക്ഷണങ്ങളും ഇതിന്റെ ഭാഗമായി നടന്നേക്കുമെന്നും വിവരങ്ങളുണ്ട്. പാക് തീരത്തോട് ചേർന്നായിരിക്കും ഈ അഭ്യാസം. ഇതിന്റെ ഭാഗമായി മിസൈൽ പരീക്ഷണം ഉൾപ്പെടെ നടത്തിയേക്കുമെന്നും റിപ്പോർട്ടുകളുണ്ട്. കശ്മീരിലെ തുടർച്ചയായ ഭീകരാക്രമണങ്ങളുടെ പശ്ചാത്തലത്തിൽ ഇരു രാജ്യങ്ങളും തമ്മിലുള്ള ബന്ധം കൂടുതൽ വഷളായിക്കൊണ്ടിരിക്കുകയാണ്. ഇന്ത്യ ഇതിനോടകം തന്നെ പാകിസ്ഥാനെതിരെ ശക്തമായ നിലപാടുകൾ സ്വീകരിച്ചിട്ടുണ്ട്. ഇതിന് പിന്നാലെ പാകിസ്ഥാൻ എടുക്കുന്ന ഈ നടപടികൾ മേഖലയിലെ സംഘർഷാവസ്ഥ വർദ്ധിപ്പിക്കാൻ സാധ്യതയുണ്ട്.

പഹല്‍ഗാം ഭീകരാക്രമണത്തിനു പിന്നാലെ സിന്ധു നദീജല ഉടമ്പടി മരവിപ്പിച്ച ഇന്ത്യന്‍ നടപടി അപക്വമെന്ന് പാക്കിസ്ഥാന്‍ മറുപടി നല്‍കി. പാക് പങ്ക് വ്യക്തമാക്കുന്ന തെളിവ് ഇന്ത്യ കൈമാറിയിട്ടില്ല. ഉചിതമായ മറുപടി നല്‍കുമെന്നും പാക് ഉപപ്രധാനമന്ത്രി ഇഷാഖ് ദാര്‍ പറഞ്ഞു. കറാച്ചി തീരത്തിനുസമീപം മിസൈല്‍ പരീക്ഷണം നടത്താനും പാക്കിസ്ഥാന്‍ നീക്കം ആരംഭിച്ചിട്ടുണ്ട്. 

ഷിംല കരാർ

1972 ജൂലൈ 2-ന് ഹിമാചല്‍ പ്രദേശിന്റെ തലസ്ഥാനമായ ഷിംലയിലെ ഗസ്റ്റ് ഹൗസ് ആയിരുന്ന ഇന്നത്തെ രാജ്ഭവനിൽ വച്ചായിരുന്നു ഇന്ത്യന്‍ പ്രധാനമന്ത്രി ഇന്ദിരാ ഗാന്ധിയും പാകിസ്താന്‍ പ്രധാനമന്ത്രി സുല്‍ഫിക്കര്‍ അലി ഭൂട്ടോയും തമ്മില്‍ ഷിംല കരാർ ഒപ്പുവെച്ചത്. ഈ സമാധാനക്കരാര്‍ ഒപ്പുവെക്കാൻ എത്തിയ സുൽഫിക്കർ അലി ഭൂട്ടോയും മകൾ ബേനസീർ ഭൂട്ടോയും രാജ്യത്തിന്റെ അതിഥികളായി ഇവിടെ കഴിഞ്ഞിരുന്നു. തൊട്ടുമുന്‍പത്തെ വര്‍ഷം ഇരുരാജ്യങ്ങളും തമ്മില്‍ നടന്ന യുദ്ധത്തില്‍ യുദ്ധത്തടവുകാരായി പിടിക്കപ്പെട്ട പാകിസ്താന്‍ സൈനികരെ മോചിപ്പിച്ചതും ബംഗ്ലാദേശിന്റെ സ്വാതന്ത്ര്യത്തിലേയ്ക്ക് വഴിതെളിച്ചതും ഈ കരാറാണ്. ഇന്ത്യയ്ക്കും പാകിസ്താനുമിടയിലെ നിയന്ത്രണരേഖ (LOC) ഇരു രാജ്യങ്ങളും അംഗീകരിച്ചതും ഈ കരാറിന്റെ അടിസ്ഥാനത്തിലാണ്.

1947-ല്‍ ഇരു രാജ്യങ്ങളും തമ്മിലുണ്ടായ യുദ്ധത്തിനൊടുവില്‍ ഇന്ത്യന്‍ പ്രധാനമന്ത്രിയായിരുന്ന ജവഹര്‍ലാല്‍ നെഹ്രുവിന്റെ അഭ്യര്‍ത്ഥനപ്രകാരം ഐക്യരാഷ്ട്രസഭ പ്രശ്‌നത്തിലിടപെടുകയും 1948 ഓഗസ്റ്റ് 13-ന് പാസാക്കപ്പെട്ട ഒരു പ്രമേയത്തിലൂടെ ഇന്ത്യാ-പാകിസ്താന്‍ അതിര്‍ത്തിയില്‍ 1945 ജനുവരി 5-ന് ഒരു വെടിനിറുത്തല്‍ രേഖ നിലവില്‍ വരികയും ചെയ്തു. ഈ രേഖയിലെ വെടിനിര്‍ത്തല്‍ നിരീക്ഷിക്കാന്‍ നിരീക്ഷണ സമിതിയും നിലവില്‍ വന്നിരുന്നു. എന്നാല്‍, 1972-ല്‍ ഇരുരാജ്യങ്ങളിലെയും നേതാക്കള്‍ ഒപ്പുവച്ച്, പിന്നീട് ഇരുപാര്‍ലമെന്റുകളും അംഗീകരിച്ച ഷിംല കരാര്‍ യാഥാര്‍ഥ്യമായതോടെ ഈ വെടിനിറുത്തല്‍ രേഖ നിയന്ത്രണരേഖയായി ഇരുരാജ്യങ്ങളും അംഗീകരിക്കുകയാണുണ്ടായത്.

ഇന്ത്യയുടെ വിമാനവാഹിനി ഉള്‍ക്കടലിലേക്ക് നീങ്ങി

അതേസമയം ഇന്ത്യയുടെ വിമാനവാഹിനി കപ്പലായ ഐഎന്‍എസ് വിക്രാന്ത് ഉള്‍ക്കടലിലേക്കു നീങ്ങിയെന്നും ദേശീയ മാധ്യമങ്ങള്‍ റിപ്പോര്‍ട്ട് ചെയ്തു. പാക്കിസ്ഥാന്റെ ഉന്നത നയതന്ത്രജ്ഞനായ സാദ് അഹമ്മദ് വാറിച്ചിനോട് രാജ്യം വിടാന്‍ ഇന്ത്യ നിര്‍ദേശം നല്‍കി. അസ്വീകാര്യനായതിനാല്‍ ഇന്ത്യ വിടണം എന്ന നോട്ടിസ് ആണ് നല്‍കിയത്. അസ്വീകാര്യര്‍ എന്ന് പ്രഖ്യാപിച്ച പാക്ക് സേനാ ഉപദേഷ്ടാക്കള്‍ക്കും നോട്ടിസ് നല്‍കിയിട്ടുണ്ട്.

അതിനിടെ, പഹല്‍ഗാമില്‍ ആക്രമണം നടത്തിയ ഭീകരര്‍ക്കായി ഊര്‍ജിത തിരച്ചില്‍ തുടരുകയാണ്. പഹല്‍ഗാം ആക്രമണത്തിന്റെ പശ്ചാത്തലത്തില്‍ ജമ്മു കശ്മീരില്‍ സുരക്ഷ വര്‍ധിപ്പിച്ചു. ബുധനാഴ്ച ബാരാമുള്ളയിലും കുല്‍ഗാമിലും ഭീകരരും സുരക്ഷാ സേനയും തമ്മില്‍ ഏറ്റുമുട്ടലുണ്ടായ സാഹചര്യത്തില്‍ക്കൂടിയാണു നടപടി. പ്രതിരോധമന്ത്രി രാജ്‌നാഥ് സിങ്ങിന്റെ നേതൃത്വത്തില്‍ ഡല്‍ഹിയില്‍ വൈകിട്ട് ആറുമണിക്ക് സര്‍വകക്ഷിയോഗം ചേരും. കോണ്‍ഗ്രസ് അടക്കം എല്ലാ പ്രതിപക്ഷ പാര്‍ട്ടികളിലെയും നേതാക്കളെ യോഗത്തിനു ക്ഷണിച്ചിട്ടുണ്ട്. യുഎസ് സന്ദര്‍ശനം വെട്ടിച്ചുരുക്കി തിരിച്ചെത്തിയ രാഹുല്‍ ഗാന്ധിയും യോഗത്തില്‍ പങ്കെടുക്കും.

ഇന്ത്യയുടെ കടുത്ത നടപടികള്‍ 

ഭീകരാക്രമണത്തെ തുടര്‍ന്ന് പാകിസ്ഥാനെതിരെ ഇന്ത്യ കടുത്ത നടപടികളാണ് സ്വീകരിച്ചത്. സിന്ധൂനദീജലകരാര്‍ ഇന്ത്യ മരവിപ്പിച്ചു. അട്ടാരിയിലെ ഇന്ത്യ  പാക്കിസ്ഥാന്‍ അതിര്‍ത്തി പൂര്‍ണമായും അടച്ചു. നിലവില്‍ ഇന്ത്യയിലുള്ള എല്ലാ പാക്ക് പൗരന്മാരുടെയും വീസ റദ്ദാക്കി. എല്ലാ പാക്ക് പൗരന്മാരും 48 മണിക്കൂറിനുള്ളില്‍ ഇന്ത്യ വിടണമെന്ന നിര്‍ദേശവും നല്‍കി. പാക്ക് പൗരന്മാര്‍ക്ക് ഇനി വീസ നല്‍കില്ല എന്നും തീരുമാനിച്ചു. 'സാര്‍ക് വീസ എക്സ്റ്റന്‍ഷന്‍ സ്‌കീം' പ്രകാരം വീസ ലഭിച്ച എല്ലാ പാക്കിസ്ഥാന്‍കാരുടെയും വീസ റദ്ദാക്കി. പാക്ക് ഹൈക്കമ്മീഷനിലെ ഉദ്യോഗസ്ഥന്‍മാര്‍ക്ക് രാജ്യം വിടാന്‍ ഒരാഴ്ചയാണ് നല്‍കിയിരിക്കുന്നത്. ഇന്ത്യയിലുള്ള പാക്കിസ്ഥാന്റെ നയതന്ത്ര കാര്യാലയത്തിലെ ഉദ്യോഗസ്ഥന്മാരുടെ എണ്ണം 55ല്‍ നിന്ന് 30 ആക്കി വെട്ടിക്കുറക്കാനും തീരുമാനമായിട്ടുണ്ട്. ഇതിന് പിന്നാലെയാണ് പാകിസ്ഥാന്റെ പ്രതികരണം വന്നിരിക്കുന്നത്.

ഇന്ത്യയുടെ ഈ ശക്തമായ നടപടികളെക്കുറിച്ച് നിങ്ങളുടെ അഭിപ്രായങ്ങൾ രേഖപ്പെടുത്തുക. കൂടുതൽ വിവരങ്ങൾക്കായി ഷെയർ ചെയ്യുക.

Following the Pahalgam terror attack, India has taken strong measures against Pakistan, including closing the airspace, freezing the Indus Waters Treaty, revoking visas of Pakistani citizens, and reducing the number of Pakistani diplomats. Pakistan has reacted sharply to these steps, and tensions are escalating.

#IndiaPakistanTensions, #AirspaceClosure, #IndusWatersTreaty, #DiplomaticRow, #KashmirAttack, #PakistanResponse