പ്രായമായ അമ്മയ്ക്കു വേണ്ടി വീല്‍ചെയര്‍ ആവശ്യപ്പെട്ടു; ജയിലിലാക്കുമെന്ന് മലയാളി യാത്രക്കാരിയെ ഭീഷണിപ്പെടുത്തിയ പൈലറ്റിനെതിരെ നടപടി

ബംഗളൂരു: (www.kvartha.com 15.01.2020) പ്രായമായ അമ്മയ്ക്കു വേണ്ടി വീല്‍ചെയര്‍ ആവശ്യപ്പെട്ട മലയാളി യാത്രക്കാരിയെ ജയിലിലാക്കുമെന്ന് ഭീഷണിപ്പെടുത്തിയ പൈലറ്റിനെതിരെ നടപടി. ഇന്‍ഡിഗോ 6E 806 പൈലറ്റായ ജയകൃഷ്ണയ്‌ക്കെതിരെയാണ് നടപടി. സുപ്രിയ ഉണ്ണി നായര്‍ എന്ന മലയാളി യാത്രക്കാരിയാണ് പൈലറ്റ് ജയിലിലാക്കുമെന്ന് ഭീഷണിപ്പെടുത്തിയതായി കാണിച്ച് കേന്ദ്ര വ്യോമയാന മന്ത്രി ഹര്‍ദീപ് സിങ് പുരിയെ ടാഗ് ചെയ്ത് ട്വീറ്റ് ചെയ്തത്.

ചെന്നൈയില്‍ നിന്ന് ജനുവരി 13ന് ബെംഗളൂരുവിലെത്തിയ ഇവര്‍ വിമാനത്തില്‍ നിന്നിറങ്ങനായി 75 വയസ്സുള്ള പ്രമേഹരോഗിയായ അമ്മയ്ക്ക് വേണ്ടി വീല്‍ ചെയര്‍ ആവശ്യപ്പെട്ടു. എന്നാല്‍ പൈലറ്റ് ജയകൃഷ്ണ മോശമായി പെരുമാറിയെന്നും ജയിലിലാക്കുമെന്ന് ഭീഷണിപ്പെടുത്തിയെന്നും സുപ്രിയ ട്വിറ്ററില്‍ കുറിച്ചു. അമ്മയ്ക്കു വേണ്ടി ഇതിന് മുമ്പും വിമാനമിറങ്ങുമ്പോള്‍ വീല്‍ചെയര്‍ സഹായം ആവശ്യപ്പെട്ടിട്ടുണ്ടെന്നും വിമാന ജീവനക്കാര്‍ സഹകരിച്ചിട്ടുണ്ടെന്നും സുപ്രിയ വ്യക്തമാക്കുന്നു.


സംഭവമറിഞ്ഞ ഉടന്‍ തന്നെ വിഷയത്തില്‍ ഇടപെട്ടെന്നും പൈലറ്റിനെ താല്‍ക്കാലികമായി ചുമതലയില്‍ നിന്ന് നീക്കിയതായി ഇന്‍ഡിഗോ അധികൃതര്‍ അറിയിച്ചെന്നും മന്ത്രി ഹര്‍ദീപ് സിങ് പുരി പ്രതികരിച്ചു. സംഭവത്തില്‍ തുടരന്വേഷണം ആരംഭിച്ചു.

. @IndiGo6E Your captain on 6E 806 from Chennai to Bangalore on January 13 Jayakrishna harrased, threatened and prevented me and my 75-year old diabetic mom from disembarking the flight and threatened to arrest us because we asked for wheelchair assistance.

— Sun☀️Tweets (@SupriyaUnniNair) January 13, 2020

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )