നികുതി വെട്ടിപ്പ് കേസ്: ജയലളിതയെ വിചാരണ ചെയ്യാന്‍ സുപ്രീംകോടതിയുടെ ഉത്തരവ്

ഡെല്‍ഹി: സാമ്പത്തിക നികുതി വെട്ടിപ്പു കേസില്‍ തമിഴ്‌നാട് മുഖ്യമന്ത്രി ജയലളിതയെ വിചാരണ ചെയ്യാന്‍ സുപ്രീംകോടതി ഉത്തരവിട്ടു. ജയലളിതയും തോഴി ശശികലയും പാര്‍ട്ണര്‍മാരായ ശശി എന്റര്‍പ്രൈസസിന്റെ നികുതി റിട്ടേണ്‍ കഴിഞ്ഞ മൂന്നു വര്‍ഷമായി സമര്‍പ്പിച്ചിട്ടില്ലെന്ന് കാട്ടിയുള്ള ഹര്‍ജിയെ തുടര്‍ന്നാണ് വിചാരണ ചെയ്യാന്‍ ഉത്തരവിട്ടത്.

നാലു മാസത്തിനകം വിചാരണ നടപടികള്‍ പൂര്‍ത്തിയാക്കാനാണ്  ജസ്റ്റിസ് കെ.എസ്. രാധാകൃഷ്ണന്‍ തലവനായ ബെഞ്ച് വിചാരണക്കോടതിക്കു നിര്‍ദേശം നല്‍കിയത്. 1991-92, 1992-93, 1993-94 കാലയളവിലാണ് നികുതി റിട്ടേണ്‍ സമര്‍പ്പിക്കാതിരുന്നത്.


എന്നാല്‍ ആ കാലയളവില്‍ സ്ഥാപനത്തില്‍ നിന്നും വരുമാനം
ഇല്ലാതിരുന്നതിനാല്‍ നികുതി വെട്ടിച്ചിട്ടില്ലെന്നും റിട്ടേണ്‍ സമര്‍പ്പിക്കേണ്ട ആവശ്യമില്ലെന്നും ജയലളിത വാദിച്ചു.

 ചെന്നൈയിലെ സാമ്പത്തിക കോടതി വിചാരണ ചെയ്ത കേസില്‍ ജയലളിത ഹൈക്കോടതിയില്‍ അപ്പീലില്‍ സമര്‍പ്പിച്ചിരുന്നു. തുടര്‍ന്നാണ് കേസ് സുപ്രീംകോടതിയില്‍ എത്തിയത്.
കഞ്ചാവ് രാജ റിമാന്‍ഡില്‍; കാസര്‍കോട്ടേക്ക് കടത്തിയത് ക്വിന്റലുകണക്കിന് കഞ്ചാവ്