Shafi Saadi | സിദ്ധരാമയ്യയുടെ സത്യപ്രതിജ്ഞാ ചടങ്ങിൽ അതിഥിയായി കർണാടക വഖഫ് ബോർഡ് ചെയർമാൻ ശാഫി സഅദിയും; ശ്രദ്ധേയമായി സാന്നിധ്യം

         
കർണാടക കോ​ൺ​ഗ്ര​സ് സ​ർ​കാരി​ൽ മു​സ്‍ലിം​ക​ൾ​ക്ക് ഉ​പ​മു​ഖ്യ​മ​ന്ത്രി പ​ദ​വിയും സുപ്രധാന മന്ത്രിസ്ഥാനങ്ങളും ന​ൽ​ക​ണ​മെ​ന്ന് ശാഫി സഅദി ആവശ്യപ്പെട്ടതായുള്ള വാർത്തകൾ ഏറെ ചർചയായിരുന്നു. സാമൂഹ്യ മാധ്യമങ്ങളിൽ ചിലർ ഇതിനെതിരെ വിമർശനവും ഉയർത്തിയിരുന്നു. 2021 നവംബ​ർ 17നാണ് ​വഖ​ഫ് ബോ​ർ​ഡ് ചെ​യ​ർ​മാ​ൻ സ്ഥാ​ന​ത്തേ​ക്ക് ന​ട​ന്ന തി​ര​ഞ്ഞെ​ടു​പ്പി​ൽ ശാ​ഫി സ​അ​ദി വിജയി​ച്ചത്. കാന്തപുരം എപി അബൂബകർ മുസ്‌ലിയാർ നേതൃത്വം നൽകുന്ന സുന്നി വിഭാഗത്തിന്റെ കർണാടകയിലെ പ്രമുഖ നേതാവ് കൂടിയാണ് ശാഫി സഅദി.

കാന്തപുരം സുന്നി വിഭാഗത്തിന് കർണാടകയിൽ ശക്തമായ സംഘടനാ ശേഷിയും മുസ്ലിംകൾക്കിടയിൽ നിർണായക സ്വാധീനവുമുണ്ട്. ക​ർ​ണാ​ട​ക മു​സ്‍ലിം ജമാ​അ​ത് ജെന​റ​ൽ സെ​ക്രട​റി കൂടിയായ ശാഫി സഅദി 2010ലും 2016ലും കര്‍ണാടക എസ് എസ് എഫിന്റെ പ്രസിഡന്റായും പ്രവർത്തിച്ചിട്ടുണ്ട്. വഖഫ് ബോർഡ് അംഗമായിരിക്കെയാണ് അദ്ദേഹം ചെയർമാൻ പദവിയിൽ എത്തിയത്. കര്‍ണാടകയിലെ മുസ്ലിം വിദ്യാഭ്യാസ പൊതുരംഗങ്ങളില്‍ നിറഞ്ഞുനില്‍ക്കുന്ന വ്യക്തിത്വം കൂടിയാണ് ശാഫി സഅദി. ഇതൊക്കെയാണ് വിവാദങ്ങൾ തള്ളിക്കൊണ്ട് സത്യപ്രതിജ്ഞാ ചടങ്ങിലേക്ക് അദ്ദേഹം ക്ഷണിക്കപ്പെട്ട അതിഥികളിൽ ഒരാളായതെന്നാണ് ചൂണ്ടിക്കാട്ടുന്നത്.

മംഗ്ളുറു ബണ്ട് വാൾ സ്വദേശിയായ ശാഫി സഅദി കാസർകോട് ദേളിയിലെ സഅദിയ്യയിലാണ് മതപഠനം പൂർത്തീകരിച്ചത്. ബെംഗ്ളൂറിലെ സഅദിയ്യ ഫൗൻഡേഷന് കീഴിലെ വിദ്യാഭ്യാസ സമുച്ഛയവും അദ്ദേഹത്തിന്റെ നേതൃത്വത്തിലുള്ള സരംരംഭമാണ്. < !- START disable copy paste -->