കശ്മീരിന്റെ സൗന്ദര്യവും ബെന്‍ഗാളിന്റെ സംസ്‌കാരവും കേരളത്തിന്റെ വിദ്യാഭ്യാസവും യു പിയില്‍ അത്ഭുതങ്ങള്‍ സൃഷ്ടിക്കുമെന്ന് തരൂര്‍

യുപിയുടെ അത്ഭുതം: ദയനീയമാണ് അവിടുത്തെ സര്‍കാരെന്നും തിരുവനന്തപുരം എം പി പറഞ്ഞു.

യോഗിയുടെ വാക്കുകള്‍:

'ബിജെപി അധികാരത്തില്‍ വന്നില്ലെങ്കില്‍ യുപി കശ്മീര്‍, ബെന്‍ഗാള്‍ അല്ലെങ്കില്‍ കേരളമായി മാറും എന്നാണ് യോഗിയാദിത്യനാഥ് വോടര്‍മാരോട് പറഞ്ഞത്. യു പിയില്‍ നിയമസഭാ തെരഞ്ഞെടുപ്പിന്റെ ആദ്യഘട്ട വോടെടുപ്പ് വ്യാഴാഴ്ച ആരംഭിച്ചതിന് മുമ്പ് ട്വിറ്റെറിലൂടെ പുറത്തുവിട്ട ആറ് മിനിറ്റ് ദൈര്‍ഘ്യമുള്ള വീഡിയോ സന്ദേശത്തിലാണ് ആദിത്യനാഥ് ഇക്കാര്യം പറഞ്ഞത്. തന്റെ സര്‍കാര്‍ തടഞ്ഞ കലാപകാരികള്‍ക്ക് ഇപ്പോള്‍ അസ്വസ്ഥത അനുഭവപ്പെടുന്നതില്‍ ആശങ്കയുണ്ടെന്നും മുഖ്യമന്ത്രി പറഞ്ഞു.

തീവ്രവാദികള്‍ ഭീഷണി മുഴക്കുകയാണെന്നും അദ്ദേഹം കൂട്ടിച്ചേര്‍ത്തു. ജാഗ്രത പാലിക്കുക. ഈ സമയം നിങ്ങള്‍ക്ക് നഷ്ടമായാല്‍, അഞ്ച് വര്‍ഷത്തെ പ്രയത്നം ഒഴുകിപ്പോകും. നിങ്ങളുടെ വോട് ഭയരഹിതമായ ജീവിതത്തിനുള്ള ഉറപ്പായിരിക്കും' ആദിത്യനാഥ് വോടര്‍മാരോടുള്ള അഭ്യര്‍ഥനയില്‍ വ്യക്തമാക്കി.