പി.ജെ. കുര്യന്‍ രാജിവെയ്‌ക്കേണ്ടെന്ന് ബി.ജെ.പി നേതാവ് മുരളീമനോഹര്‍ ജോ­ഷി

ന്യൂഡല്‍ഹി: സൂര്യനെല്ലികേസിന്റെ അന്വേഷണം അവസാനിപ്പിച്ചതാണെന്നും ആയതിനാല്‍ ഈ കേസിന്റെ പേരില്‍ രാജ്യസഭാ ഉപാധ്യക്ഷന്‍ പി.ജെ.കുര്യന്‍ രാജിവെയ്‌ക്കേണ്ട ആവശ്യമില്ലെന്നും ബി.ജെ.പി.നേതാവ് മുരളീമനോഹര്‍ ജോഷി പറ­ഞ്ഞു.

കുര്യനെതിരായ ആരോപണം വ്യക്തിപരമാണ്. കേസില്‍ പുനരന്വേഷണം വേണമോയെന്ന് തീരുമാനിക്കേണ്ടത് കേരള സര്‍ക്കാരാണ്. കേസ് വീണ്ടും അന്വേഷിച്ച് കുര്യന്‍ കുറ്റക്കാരനാണെന്ന് തെളിഞ്ഞാല്‍ മാത്രമേ അദ്ദേഹം രാജിവെയ്‌ക്കേണ്ടതുള്ളുവെന്ന് ജോഷി പറ­ഞ്ഞു.

സൂര്യനെല്ലികേസില്‍ കുര്യനുവേണ്ടി സുപ്രീം കോടതിയില്‍ ഹാജരായത് ബി.ജെ.പി നേതാവും രാജ്യസഭാ പ്രതിപക്ഷനേതാവുമായ അരുണ്‍ ജ­യ്റ്റ്‌ലി ആയതുകൊണ്ടല്ലേ ബി.ജെ.പി കുര്യന്റെ രാജി ആവശ്യപ്പെടാത്തതെന്നുള്ള മാധ്യമപ്രവര്‍ത്തകരുടെ ചോദ്യത്തില്‍ നിന്നും മുരളീമനോഹര്‍ ജോഷി ഒഴിഞ്ഞുമാറുകയാണ് ഉണ്ടായത്. ഈ വിഷയത്തില്‍ ബി.ജെ.പി മൗനം പാലിക്കുന്നതിനെതിരെ ജനതാ പാര്‍ട്ടി നേതാവ് സുബ്രഹ്മണ്യന്‍ സ്വാമി നേരത്തെ ബി.ജെ.പിയ്‌ക്കെതിരെ ആരോപണം ഉന്നയിച്ചിരുന്നു.