സഹോദരനെ കൊന്ന് മൃതദേഹം ഒരു വര്‍ഷത്തോളം സെപ്റ്റിക് ടാങ്കില്‍ ഒളിച്ചു വച്ചു; പൂജാരി അറസ്റ്റില്‍

ഹൈദരാബാദ്: (www.kvartha.com 17/07/2015) ക്ഷേത്ര പൂജാരി സഹോദരനെ കൊന്ന് മൃതദേഹം സെപ്റ്റിക് ടാങ്കില്‍ ഒരു വര്‍ഷത്തോളം ഒളിച്ചു വച്ചതിന്‍റെ പേരില്‍ അറസ്റ്റിലായി. പൂജാരിയായ പവന്‍ ജോഷി (40) ആണ് മോഹന്‍ വ്യാസ് (38) എന്ന സഹോദരനെ കൊന്ന് സെപ്റ്റിക് ടാങ്കില്‍ മറവു ചെയ്തത്. കഴിഞ്ഞ 2014 മാര്‍ച്ചിലാണ് പ്രതി കൃത്യം നിര്‍വ്വഹിച്ചത്. കൊല്ലപ്പെട്ട മോഹന്‍ വ്യാസിന്‍റെ മാതാവ് നല്‍കിയ പരാതി പ്രകാരം കേസന്വേഷണം ആരംഭിച്ച പോലീസ് മൃതദേഹം കണ്ടെത്തിയിട്ടുണ്ട്.

പോലീസിന്‍റെ ചോദ്യം ചെയ്യലില്‍ പവന്‍ കുറ്റം സമ്മതിച്ചിട്ടുണ്ട്. മോഹന്‍ സ്ഥിരമായി പണം ചോദിച്ച് ഉപദ്രവിച്ചതിനാലാണ് താന്‍ കൊലപാതകം നടത്തിയത്. പവന്‍ പറഞ്ഞു. കൃത്യം കുടുംബത്തില്‍ നിന്നും പ്രതി വിദഗ്ദമായി മറച്ചു വച്ച്. പവന്‍ പൂജാരിയായിട്ടുള്ള ഹനുമാന്‍ ക്ഷേത്രത്തിന് അടുത്തുള്ള മുറിയില്‍ വച്ചാണ് മോഹന്‍ കൊല്ലപ്പെട്ടത്.

സെപ്റ്റിക് ടാങ്ക് സുരക്ഷിതമാണെന്ന് തോന്നിയതിനാലാണ് മൃതദേഹം അവിടെ മറവു ചെയ്തത്. മറ്റു തെളിവുകളും പ്രതി നശിപ്പിച്ചു കളഞ്ഞു. മോഹന്‍ സ്ഥിരമായി മദ്യപിച്ച് പണം ചോദിച്ച് ഉപദ്രവിച്ചതിനാലാണ് പവന്‍ ഇയാളെ കൊല ചെയ്തത്. പോലീസ് പറഞ്ഞു.

പവന് മേല്‍ കൊലക്കുറ്റം ചുമത്തിയ പോലീസ് പ്രതിയെ ഇപ്പോള്‍ ജഡീഷ്യല്‍ കസ്റ്റഡിയില്‍ വിട്ടു.

SUMMARY: A temple priest arrested for allegedly killing his cousin and hiding the body in a septic tank. He was arrested by the police and has sent to judicial custody.

Keywords: Priest, Arrested, Kill, Police, Judicial custody