WhatsApp | വാട്സ്ആപിൽ വളരെയധികം ‘ഗുഡ് മോർണിംഗ്’ സന്ദേശങ്ങൾ അയയ്ക്കുന്നുണ്ടോ? നിങ്ങളുടെ അകൗണ്ട് നിരോധിക്കപ്പെട്ടേക്കാം! ഇക്കാര്യങ്ങൾ സൂക്ഷിച്ചില്ലെങ്കിൽ ബാൻ കിട്ടും

ന്യൂഡൽഹി: (www.kvartha.com) വാട്‌സ്ആപിൽ നിങ്ങൾ വളരെയധികം 'ഗുഡ് മോർണിംഗ്' സന്ദേശം അയക്കുകയാണെങ്കിൽ ഇനി ശ്രദ്ധിക്കണം. കംപനി ഇത് സ്പാം ആയി കണക്കാക്കുകയും നിങ്ങളുടെ വാട്സ്ആപ് അകൗണ്ട് നിരോധിക്കുകയും ചെയ്തേക്കാം. ഇതുകൂടാതെ, നിങ്ങൾ തെറ്റായ വിവരങ്ങളോ സന്ദേശങ്ങളോ നിരവധി ആളുകൾക്ക് ഫോർവേഡ് ചെയ്താലും നടപടി നേരിടേണ്ടി വരും. വാട്സ്ആപിന്റെ പ്രതിമാസ ഉപയോക്തൃ സുരക്ഷാ റിപോർട് അനുസരിച്ച്, ഓഗസ്റ്റ് മാസത്തിൽ മാത്രം 2.3 ദശലക്ഷത്തിലധികം ഇൻഡ്യൻ അകൗണ്ടുകൾ നിരോധിച്ചു.              

വാട്സ്ആപ് ഉപയോക്താക്കൾ പല കാരണങ്ങളാൽ നിരോധിത പട്ടികയിൽ ഉൾപ്പെട്ടേക്കാം. നിങ്ങൾ എല്ലാ സന്ദേശങ്ങളും മിക്ക കോൺടാക്‌റ്റുകളിലേക്കും ഫോർവേഡ് ചെയ്‌താൽ അകൗണ്ട് നിരോധിക്കപ്പെടാം. ഇക്കാരണത്താൽ, സന്ദേശങ്ങൾ കൈമാറുന്നതിന് നിങ്ങൾ ഒരു പരിധി വെക്കണം. നിങ്ങൾക്ക് സന്ദേശത്തിന്റെ ഉറവിടം അറിയില്ലെങ്കിൽ, അത് ഫോർവേഡ് ചെയ്യരുത്. തെറ്റായ വിവരങ്ങൾ നൽകുന്ന സന്ദേശങ്ങളും ഫോർവേഡ് ചെയ്യരുത്.

വാട്സ്ആപിന്റെ ബ്രോഡ്കാസ്റ്റ് ഫീചർ തെറ്റായി ഉപയോഗിച്ചാൽ നിങ്ങളുടെ അകൗണ്ട് നിരോധിക്കപ്പെടും. ആവശ്യമില്ലാത്ത സ്വയമേവ സന്ദേശങ്ങൾ അയക്കുന്ന അകൗണ്ടുകൾ കണ്ടെത്തുന്നതിനും നിരോധിക്കുന്നതിനും വാട്സ്ആപ് മെഷീൻ ലേണിംഗ് സാങ്കേതികവിദ്യയും ഉപയോക്താക്കളിൽ നിന്നുള്ള റിപോർടുകളും ഉപയോഗിക്കുന്നു. ബ്രോഡ്കാസ്റ്റ് ലിസ്റ്റുകൾ അമിതമായി ഉപയോഗിക്കുന്നത് നിരോധനത്തിലേക്ക് നയിച്ചേക്കാം.

അനുവാദമില്ലാതെ വാട്സ്ആപ് ഗ്രൂപിൽ ആരെയെങ്കിലും ചേർത്താൽ നിങ്ങളുടെ അകൗണ്ട് നിരോധിക്കാവുന്നതാണ്. ആരെങ്കിലും നിങ്ങൾക്ക് വാട്‌സ്ആപിൽ മെസേജ് അയക്കാൻ വിസമ്മതിച്ചാൽ ആ വ്യക്തിക്ക് മെസേജ് അയച്ച് ശല്യപ്പെടുത്തരുതെന്നും അല്ലെങ്കിൽ അകൗണ്ട് ബ്ലോക് ചെയ്യാമെന്നും കംപനി അറിയിച്ചു. ഏറ്റവും പ്രധാനമായി,വാട്സ്ആപിന്റെ നയം ലംഘിക്കരുതെന്നാണ് അധികൃതർ വ്യക്തമാക്കുന്നത്. എന്നിരുന്നാലും, നിങ്ങളുടെ അകൗണ്ട് അബദ്ധത്തിൽ നിരോധിച്ചതായി നിങ്ങൾക്ക് തോന്നുന്നുവെങ്കിൽ, നിങ്ങൾക്ക് അതിനായി അപീൽ ചെയ്യാം.

Keywords: Sending too many ‘Good Morning’ messages on WhatsApp? You could get banned for it, National,newdelhi,News,Top-Headlines,Latest-News,Ban,Whatsapp,Report,Message.