Wedding Contract | വിവാഹത്തിന് മുമ്പ് കോളജ് പ്രൊഫസറായ വരന്റെ സുഹൃത്തുക്കളുമായി കരാറില്‍ ഒപ്പിട്ട് വധു

എന്നാല്‍ ഈ കരാര്‍ ഉടമ്പടി വധൂവരന്മാരുടെ വീട്ടുകാര്‍ തമ്മിലായിരുന്നില്ല എന്നുമാത്രം. മറിച്ച് വരന്റെ സുഹൃത്തുക്കളും വധുവും തമ്മിലാണ് . ഞായറാഴ്ചയായിരുന്നു തേനിയിലെ സ്വകാര്യ കോളജ് പ്രൊഫസര്‍ ഹരിപ്രസാദും പൂജയും തമ്മിലുള്ള വിവാഹം.

വിവാഹത്തിനു മുന്‍പ് ഹരിപ്രസാദിന്റെ സുഹൃത്തുക്കള്‍ പൂജയോട് ഒരു കരാറില്‍ ഒപ്പുവയ്ക്കാന്‍ ആവശ്യപ്പെട്ടു. വെറുതെ ഒപ്പുവെക്കുക മാത്രമല്ല, ഇതിനായി ഇരുപതു രൂപയുടെ മുദ്രപ്പത്രവും അവര്‍ വധുവിന് നല്‍കിയിരുന്നു. എന്നാല്‍ മുദ്രപ്പത്രത്തില്‍ എഴുതിയിരിക്കുന്നത് വായിച്ചപ്പോള്‍ വധു ഞെട്ടിപ്പോയി. കരാര്‍ കണ്ട് അവര്‍ക്ക് ചിരി അടക്കാനായില്ല.

മുദ്രപ്പത്രത്തില്‍ എഴുതിയിരിക്കുന്നത് ഇങ്ങനെയായിരുന്നു: 'പൂജ എന്ന ഞാന്‍ ശനി, ഞായര്‍ ദിവസങ്ങളില്‍ ഹരിപ്രസാദിനെ ക്രികറ്റ് പരിശീലനത്തിനായി സൂപര്‍സ്റ്റാര്‍ ക്രികറ്റ് ടീമിനൊപ്പം അയക്കും' എന്നാണ്. മറ്റൊന്നും ആലോചിക്കാതെ പൂജ ഈ മുദ്രപ്പത്രത്തില്‍ ഒപ്പുവയ്ക്കുകയും ചെയ്തു.