രാജ്യത്ത് സ്‌ഫോടനങ്ങള്‍ നടത്താന്‍ RSS പിന്തുണ നല്‍കിയെന്ന് അസീമാനന്ദയുടെ വെളിപ്പെടുത്തല്‍

ന്യൂഡല്‍ഹി: സംഝോത എക്‌സ്പ്രസ് ഉള്‍പെടെ രാജ്യത്ത് നടന്ന സ്‌ഫോടനങ്ങള്‍ക്ക് ആര്‍.എസ്.എസ് നേതാവ് മോഹന്‍ ഭഗവത് ഉള്‍പെടെയുള്ളവരുടെ നിര്‍ദേശ പ്രകാരമാണെന്ന് സ്വാമി അസീമാനന്ദയുടെ വെളിപ്പെടുത്തല്‍. മോഹന്‍ ഭഗവത് സ്‌ഫോടനങ്ങള്‍ ആസൂത്രണം ചെയ്ത സമയത്തൊക്കെ തന്നോട് പറഞ്ഞിരുന്നു. രാജ്യത്ത് സ്‌ഫോടനങ്ങള്‍ നടത്തുന്നവര്‍ക്ക് പിന്തുണ ആവശ്യമാണ്. ആര്‍.എസ്.എസിന്റെ  ഉന്നത നേതൃത്വത്തില്‍ നിന്നും സ്‌ഫോടനങ്ങള്‍ക്കായി നിര്‍ദേശം ലഭിച്ചു.

അതേസമയം ഇക്കാര്യങ്ങള്‍ സംഘുമായി ബന്ധിപ്പിക്കരുതെന്നും അസീമാനന്ദ പറഞ്ഞു. കാരവന്‍ മാഗസിന് നല്‍കിയ അഭിമുഖത്തിലാണ് അസീമാനന്ദയുടെ ഈ വെളിപ്പെടുത്തല്‍. നേരത്തെ അന്വേഷണ ഏജന്‍സികള്‍ക്ക് ആര്‍.എസ്.എസിന്റെ പങ്കിനെ കുറിച്ച് വിവരം ലഭിച്ചിരുന്നു. ഇതിന്റെ അടിസ്ഥാനത്തില്‍ ആര്‍.എസ്.എസിനെ നിരോധിക്കാന്‍ നടപടി സ്വീകരിക്കണമെന്ന് കേന്ദ്ര ആഭ്യന്തര മന്ത്രാലയത്തോട് ആവശ്യപ്പെടുകയും ചെയ്തിരുന്നു. എന്നാല്‍ ഇക്കാര്യത്തില്‍ ആഭ്യന്തര മന്ത്രാലയത്തില്‍ നിന്നും യാതൊരു നീക്കവും ഉണ്ടായിട്ടില്ല. ഇതിനിടയിലാണ് അസീമാനന്ദയുടെ നിര്‍ണായക വെളിപ്പെടുത്തല്‍.

ഗുജറാത്ത് വംശഹത്യയുടെ ഭാഗമായി ഡാംഗില്‍ നടന്ന ആക്രമങ്ങള്‍ക്ക് മേല്‍നോട്ടം വഹിച്ചത് താനാണ്. മോഹന്‍ ഭഗവത് ആര്‍.എസ്.എസ് ദേശീയ നിര്‍വാഹക സമിതി അംഗം ഇന്ദ്രേഷ് കുമാറിനൊപ്പം  സൂറത്തിലെ ആര്‍.എസ്.എസ് സംഗമത്തിന് ശേഷം തന്നെ കണ്ട് ചില കാര്യങ്ങള്‍ ചര്‍ച്ച ചെയ്തിരുന്നു. മുസ്ലിം ആരാധനാലയങ്ങള്‍ ആക്രമിക്കാന്‍ പദ്ധതിയുണ്ടെന്ന് അറിയിച്ചപ്പോള്‍ ഇരുവരും പിന്തുണ നല്‍കാമെന്ന് അറിയിക്കുകയും ചെയ്തിരുന്നു. അടുപ്പം പുറത്ത് കാണിക്കാതെ എല്ലാ പിന്തുണയും നല്‍കാമെന്നും അറിയിച്ചു.

ചര്‍ച്ച നടക്കുമ്പോള്‍ തന്റെ സഹായിയായിരുന്ന സുനില്‍ ജോഷിയും ഉണ്ടായിരുന്നു. 2007ല്‍ ജോഷി ദുരൂഹ സാഹചര്യത്തില്‍ കൊല്ലപ്പെട്ടിരുന്നു. കോടതിയില്‍ അന്വേഷണ റിപോര്‍ട്ടുകളില്‍ മോഹന്‍ ഭഗവതിന്റെ പേരുകള്‍ ഒഴിവാക്കിയാണ് സമര്‍പിച്ചത്. സത്യം തുറന്നു പറയാന്‍ തന്നെ ആരും നിര്‍ബന്ധിപ്പിച്ചില്ലെന്നും എല്ലാം തുറന്നുപറയാനുള്ള സമയം ഇതാണെന്ന് തോന്നിയത് കൊണ്ടാണ് വെളിപ്പെടുത്തിയതെന്നും അസീമാനന്ദ അഭിമുഖത്തില്‍ പറഞ്ഞു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കെവാര്‍ത്തയിലൂടെ അറിയാം.

Keywords : Bomb Blast, RSS, Gujarat, Investigates, Magazine, National, Aseemananda, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.