Mallikarjun Kharge | എനിക്കും ക്ഷണം ലഭിച്ചിട്ടുണ്ട്; അയോധ്യയിലെ രാമക്ഷേത്ര ഉദ്ഘാടന ചടങ്ങില്‍ പങ്കെടുക്കുന്നത് സംബന്ധിച്ച് ഉടന്‍ തീരുമാനമെടുക്കുമെന്ന് കോണ്‍ഗ്രസ് പ്രസിഡന്റ് മല്ലികാര്‍ജുന്‍ ഖാര്‍ഗെ

പങ്കെടുക്കുന്നത് സംബന്ധിച്ച് ഉടന്‍ തീരുമാനമെടുക്കും.'- എന്നും ഖാര്‍ഗെ വ്യക്തമാക്കി. എ ഐ സി സി ആസ്ഥാനത്ത് നടന്ന വാര്‍ത്താ സമ്മേളനത്തില്‍ സംസാരിക്കുകയായിരുന്നു ഖാര്‍ഗെ. ക്ഷണം ലഭിച്ചാല്‍ പോകുന്ന കാര്യത്തില്‍ ആളുകള്‍ക്ക് വ്യക്തിപരമായി തീരുമാനമെടുക്കാമെന്നും ഖാര്‍ഗെ സൂചിപ്പിച്ചു.

ജനുവരി 22നാണ് രാമക്ഷേത്രത്തിന്റെ ഉദ്ഘാടന ചടങ്ങ്. ചടങ്ങിലേക്ക് ഖാര്‍ഗെയെയും മുതിര്‍ന്ന കോണ്‍ഗ്രസ് നേതാവ് സോണിയ ഗാന്ധിയെയും ക്ഷണിച്ചിരുന്നു. ശരിയായ സമയത്ത് ഇരുവരും ഉചിതമായ തീരുമാനമെടുക്കുമെന്നായിരുന്നു ഇതു സംബന്ധിച്ച് കോണ്‍ഗ്രസ് അറിയിച്ചത്. നേതാക്കള്‍ പരസ്യ പ്രതികരണം നടത്തരുതെന്നും അറിയിച്ചിരുന്നു. സോണിയയെയും ഖാര്‍ഗെയെയും കൂടാതെ ലോക്‌സഭ കോണ്‍ഗ്രസ് നേതാവ് അധിര്‍ രഞ്ജന്‍ ചൗധരിയെയും ചടങ്ങിലേക്ക് ക്ഷണിച്ചിട്ടുണ്ട്.

ജനുവരി 22ന് നടക്കുന്ന ചടങ്ങില്‍ പ്രധാനമന്ത്രി നരേന്ദ്ര മോദിയും യുപി മുഖ്യമന്ത്രി യോഗി ആദിത്യനാഥും അടക്കമുള്ളവരാണ് പങ്കെടുക്കുന്നത്. 6000 ത്തോളം ആളുകള്‍ ചടങ്ങിനുണ്ടാകുമെന്നാണ് കരുതുന്നത്.