കോഴിക്കോട്: (KVARTHA) മലയാള നാടക വേദിയിലെയും സിനിമയിലെയും നിറസാന്നിധ്യമായിരുന്നു അന്തരിച്ച എ പി ഉമർ (89). അദ്ദേഹത്തിന്റെ നിര്യാണം മലയാള കലാ ലോകത്തിന് വലിയ നഷ്ടമാണ്. വാർധക്യസഹജമായ രോഗങ്ങളെ തുടർന്ന് ഏറെ നാളായി ചികിത്സയിലായിരുന്നു അദ്ദേഹം. കോഴിക്കോട്ടെ വെള്ളിപറമ്പ് ആറേരണ്ടിലെ 'ശാരദാസ്' വീട്ടിലായിരുന്നു അന്ത്യം. 

ഗായകനിൽ നിന്ന് നടനിലേക്ക്

ഗായകനായി കലാജീവിതം ആരംഭിച്ച എ.പി. ഉമ്മർ പിന്നീട് നാടകരംഗത്തേക്ക് കടന്നു. നാടക സംവിധായകന്‍, രചയിതാവ് എന്നീ നിലകളിലും അദ്ദേഹം കഴിവ് തെളിയിച്ചു. 'അന്യരുടെ ഭൂമി' എന്ന സിനിമയിലൂടെയാണ് അദ്ദേഹം വെള്ളിത്തിരയിൽ അരങ്ങേറ്റം കുറിച്ചത്. 'ഒരു വടക്കൻ വീരഗാഥ'യിലെ കൊല്ലൻ എന്ന കഥാപാത്രം അദ്ദേഹത്തിന് ഏറെ പ്രശസ്തി നേടിക്കൊടുത്തു. അൻപതിലധികം സിനിമകളിലും നിരവധി ടെലിവിഷൻ പരമ്പരകളിലും അദ്ദേഹം അഭിനയിച്ചിട്ടുണ്ട്. 2021-ൽ ആഹ്വാൻ സെബാസ്റ്റ്യൻ പുരസ്‌കാരം നൽകി അദ്ദേഹത്തെ ആദരിച്ചിരുന്നു.

കുടുംബം

എ.പി. ഉമ്മറിന്റെ ഭാര്യ പരേതയായ നടി കോഴിക്കോട് ശാരദയാണ്. മക്കൾ: ഉമദ, സജീവ് (സലീം-സീനിയർ ലാബ് ടെക്‌നീഷ്യൻ, അരീക്കോട് താലൂക്ക് ആശുപത്രി, മലപ്പുറം), രജിത (നഴ്സ‌ിങ് അസിസ്റ്റന്റ്, ഹോമിയോ ആശുപത്രി, പെരിന്തൽമണ്ണ), അബ്ദു‌ൽ അസീസ് (ശ്രീജിത്ത്-ഒമാൻ). മരുമക്കൾ: രാജേഷ് (മ്യുസിഷ്യൻ), ബിന്ദു (വ്യവസായ ഓഫീസർ, കാസർകോട്), അപ്പുണ്ണി (എം.ഇ.എസ്. മെഡിക്കൽ കോളേജ്, പെരിന്തൽമണ്ണ), ഷമീന (യു.എ.ഇ. എക്സ്ചേഞ്ച്).

A.P. Umar, a renowned presence in Malayalam theatre and cinema, has passed away at 89, leaving behind a legacy in both arts and entertainment.

#APUmar, #MalayalamTheatre, #MalayalamCinema, #Actor, #Theatre, #KeralaNews