കാര്‍ പുഴയിലേക്ക് മറിഞ്ഞു ഒരാള്‍ മരിച്ചു, അഞ്ച് പേര്‍ രക്ഷപ്പെട്ടു

മംഗലാപുരം: കുടുംബാംഗങ്ങള്‍ സഞ്ചരിച്ച മാരുതി കാര്‍ പുഴയിലേക്ക് മറിഞ്ഞ് വൃദ്ധ മരണപ്പെട്ടു. അഞ്ച് പേര്‍ അത്ഭുകരമായി രക്ഷപ്പെട്ടു. ശൃംഗേരിയിലാണ് വ്യാഴാഴ്ച അപകടമുണ്ടായത്. ദാസപ്പ ഗൗഡയുടെ ഭാര്യ സരോജിനിയാണ് മരിച്ചത്. കാറിലുണ്ടായിരുന്ന ദാസപ്പയടക്കം ആറ് പേരാണ് രക്ഷപ്പെട്ടത്. ഇവരെ മംഗലാപുരത്തെ സ്വകാര്യാശുപത്രിയില്‍ പ്രവേശിപ്പിച്ചു.

ദാസപ്പയും കുടുംബവും സുള്ള്യ സ്വദേശികളാണ്. ദാസപ്പയുടെ ഭാര്യക്ക് പുറമേ മകളും മരുമകനും പേരമക്കളുമാണ് കാറിലുണ്ടായത്. രാവിലെ 9.30 നാണ് അപകടമുണ്ടായത്. ശൃംഗേരിക്ക് 15 കി.മീറ്റര്‍ അകലെ ചുരംവളവിലുള്ള പാലത്തില്‍ നിന്ന് കാര്‍ നിയന്ത്രണം വിട്ട് പുഴയിലേക്ക് മറിഞ്ഞത്. ദാസപ്പയുടെ മരുമകന്‍ കൊറഗപ്പനാണ് കാര്‍ ഓടിച്ചത്. കനത്ത മഴയാണ് അപകടത്തിന് കാരണമായത്.

കൊടുവനത്തിലുണ്ടായ അപകടം വഴിപോക്കരായ രണ്ട് പേരാണ് ആദ്യം കണ്ടത്. അതിനിടെ ഇതുവഴി വന്ന ആംബുലന്‍സ് വാനില്‍ അപകടത്തില്‍പ്പെട്ടവരെ കയറ്റി മംഗലാപുരത്തേക്ക് മാറ്റുകയായിരുന്നു.

Keywords: Mangalore, Sringeri, Car accident, Injured, River.