കൊച്ചി: (KVARTHA) സിപിഎം നേതാവും എറണാകുളം ജില്ലാ കമ്മിറ്റി അംഗവുമായിരുന്ന കെ.ജെ.ജേക്കബ് (77) അന്തരിച്ചു. വാർദ്ധക്യസഹജമായ അസുഖത്തെ തുടർന്ന് ചികിത്സയിലിരിക്കെ കൊച്ചിയിലെ സ്വകാര്യ ആശുപത്രിയിൽ വെച്ചായിരുന്നു അന്ത്യം.

ദീർഘകാലം പാർട്ടിക്ക് വേണ്ടി പ്രവർത്തിച്ച നേതാവ്

ദീർഘകാലം സിപിഎം പാർട്ടിയിൽ സജീവമായി പ്രവർത്തിച്ച കെ.ജെ.ജേക്കബ്, പാർട്ടിയുടെ വിവിധ നേതൃസ്ഥാനങ്ങളിൽ പ്രവർത്തിച്ചിട്ടുണ്ട്. എറണാകുളം ഏരിയാ സെക്രട്ടറി, പാർട്ടി ജില്ലാ സെക്രട്ടറിയറ്റ് അംഗം, സിഐടിയു ജില്ലാ പ്രസിഡന്റ്, കൊച്ചി കോർപ്പറേഷൻ പ്രതിപക്ഷ നേതാവ് എന്നീ നിലകളിൽ പ്രവർത്തിച്ചിരുന്നു. ബാംബു കോർപ്പറേഷന്റെ ചെയർമാനായിരിക്കെ ബാംബു വികസനത്തിന് നൽകിയ സംഭാവനകൾ പ്രശംസനീയമാണ്.

പൊതുദർശനവും സംസ്കാരവും

മൃതദേഹം തിങ്കളാഴ്ച് നാല് മണിക്ക് പാർട്ടി എറണാകുളം ജില്ലാ കമ്മിറ്റി ഓഫീസിൽ പൊതുദർശനത്തിന് വയ്ക്കും. തുടർന്ന് കലൂർ ആസാദ് റോഡിലുള്ള വസതിയിലേക്ക് കൊണ്ടുപോകും. ചൊവ്വാഴ്ച വൈകിട്ട് മൂന്നിന് കലൂർ കതൃക്കടവ് സെമിത്തേരിയിൽ സംസ്കാരം നടക്കും.

#KJJacob #CPM #Obituary #Politics #Kerala #PublicService