കൊച്ചി: (KVARTHA) സി.എം.ആർ.എൽ-എക്‌സാലോജിക് സാമ്പത്തിക ഇടപാടിൽ വിജിലൻസ് അന്വേഷണം ആവശ്യപ്പെട്ടുള്ള ഹർജികൾ ഹൈക്കോടതി തള്ളി. മുഖ്യമന്ത്രി പിണറായി വിജയന്റെ മകൾ വീണ വിജയനും അവരുടെ കമ്പനിയായ എക്‌സാലോജിക്കും സി.എം.ആർ.എല്ലിൽ നിന്ന് പണം കൈപ്പറ്റിയതിലെ ദുരൂഹത അന്വേഷിക്കണമെന്നാവശ്യപ്പെട്ട് മാത്യു കുഴൽനാടൻ എം.എൽ.എയും ഗിരീഷ് ബാബുവും നൽകിയ ഹർജികളാണ് കോടതി തള്ളിയത്.

ആദായ നികുതി സെറ്റിൽമെന്റ് ബോർഡിന്റെ കണ്ടെത്തലിൽ വീണ വിജയനും മുഖ്യമന്ത്രി പിണറായി വിജയനുമെതിരെ അന്വേഷണം നടത്തണമെന്നായിരുന്നു ഹർജിക്കാരുടെ പ്രധാന ആവശ്യം. എന്നാൽ, ഈ ആവശ്യം വിജിലൻസ് കോടതി തള്ളിയതിനെ തുടർന്നാണ് ഹർജിക്കാർ ഹൈക്കോടതിയെ സമീപിച്ചത്.

ഹൈക്കോടതി വിധിയോട് പ്രതികരിച്ച മാത്യു കുഴൽനാടൻ, നീതിക്കുവേണ്ടിയുള്ള പോരാട്ടം തുടരുമെന്നും കൂടുതൽ തെളിവുകളുമായി വീണ്ടും കോടതിയെ സമീപിക്കുമെന്നും അറിയിച്ചു. അതേസമയം, വിജിലൻസ് അന്വേഷണത്തിനുള്ള ഹർജി പ്രഹസനമാണെന്നും, ഈ കേസ് അന്വേഷിക്കാൻ എസ്.എഫ്.ഐ.ഒയ്ക്ക് മാത്രമേ സാധിക്കൂവെന്നും ഷോൺ ജോർജ് അഭിപ്രായപ്പെട്ടു.

ഹൈക്കോടതി വിധി യു.ഡി.എഫിന് തിരിച്ചടിയല്ലെന്ന് പ്രതിപക്ഷ നേതാവ് വി.ഡി. സതീശൻ പ്രതികരിച്ചപ്പോൾ, പ്രതിപക്ഷത്തിന്റെ ആരോപണങ്ങൾ പൊളിഞ്ഞുവെന്ന് മന്ത്രി എം.ബി. രാജേഷ് തിരിച്ചടിച്ചു.

ഒരു കോടി 72 ലക്ഷം രൂപ വീണയുടെ കമ്പനിക്ക് സി.എം.ആർ.എൽ നൽകിയത് ഇല്ലാത്ത സോഫ്റ്റ്‌വെയർ സേവനത്തിൻ്റെ പേരിലാണെന്നാണ് ആദായ നികുതി സെറ്റിൽമെന്റ് ബോർഡ് കണ്ടെത്തിയത്. മുഖ്യമന്ത്രിയുടെ മകൾ എന്ന സ്ഥാനം ഉപയോഗിച്ചാണ് എക്‌സാലോജിക് കമ്പനി സി.എം.ആർ.എല്ലിൽ നിന്ന് മാസപ്പടി വാങ്ങിയതെന്നായിരുന്നു പ്രധാന ആരോപണം.

ഈ വാർത്ത പങ്കുവെക്കുകയും അഭിപ്രായങ്ങൾ രേഖപ്പെടുത്തുകയും ചെയ്യുക.  

The Kerala High Court dismissed petitions seeking a Vigilance inquiry into the financial transactions between CMRL and Exalogic, owned by Chief Minister Pinarayi Vijayan's daughter Veena Vijayan. Petitioners Mathew Kuzhalnadan MLA and Girish Babu alleged irregularities in payments received by Exalogic. Kuzhalnadan vowed to continue the legal battle.

#CMRL #Exalogic #VigilanceInquiry #KeralaHighCourt #MathewKuzhalnadan #VeenaVijayan