ആലപ്പുഴ: (KVARTHA) യൂത്ത് കോൺഗ്രസ് പ്രവർത്തകരെ മുഖ്യമന്ത്രിയുടെ ഗൺമാൻമാർ മർദിച്ചെന്ന ആരോപണത്തിൽ പുതിയ വഴിത്തിരിവ്. ആലപ്പുഴ ഫസ്റ്റ് ക്ലാസ് മജിസ്ട്രേറ്റ് കോടതി, ഈ സംഭവത്തിൽ തുടരന്വേഷണത്തിന് ഉത്തരവിട്ടു.

ക്രൈംബ്രാഞ്ച് ഈ കേസിൽ തെളിവുകളില്ലെന്നും പ്രതികളായ ഗൺമാൻമാർ അനിൽ കല്ലിയൂർ, സന്ദീപ് എന്നിവർ നിരപരാധികളാണെന്നും വാദിച്ചിരുന്നു. എന്നാൽ, കോടതി ഈ വാദം തള്ളിക്കളഞ്ഞു. സംഭവത്തിൽ തെളിവുകളുണ്ടെന്നും അതിനാൽ അന്വേഷണം തുടരണമെന്നും കോടതി നിർദ്ദേശിച്ചു. മർദനത്തിനു തെളിവില്ലെന്ന് കാണിച്ച് പൊലീസ് ഗൺമാൻമാർക്ക് ക്ലീൻ ചിറ്റ് നൽകിയിരുന്നു. 

നവകേരള യാത്രയ്ക്കിടെയാണ് യൂത്ത് കോൺഗ്രസ് പ്രവർത്തകരെ ആലപ്പുഴയിൽ വച്ച് മുഖ്യമന്ത്രിയുടെ ഗൺമാന്മാർ വളഞ്ഞിട്ട് തല്ലിയത്. ഈ സംഭവത്തിൽ പരാതിക്കാർ തെളിവുകളുണ്ടെന്ന് അവകാശപ്പെടുന്നുണ്ട്. എന്നാൽ, പൊലീസ് നടത്തിയ പ്രാഥമിക അന്വേഷണത്തിൽ തെളിവുകളൊന്നും ലഭിച്ചിരുന്നില്ലെന്നാണ് കൊടതിയിൽ റിപ്പോർട്ട് നൽകിയത്.

#AssaultCase #CMGunmen #Alappuzha #YouthCongress #InvestigationContinues #KeralaNews