ചാമ്പ്യന്‍സ് ലീഗ്: മുംബൈ ഫൈനലില്‍

ന്യൂഡല്‍ഹി: മുംബൈ ഇന്ത്യന്‍സ് ചാമ്പ്യന്‍സ് ലീഗിന്റെ ഫൈനലില്‍ കടന്നു. സെമിയില്‍ ശക്തരായ ട്രിനിഡാഡ് ആന്റ് ടുബാഗോയെ ആറ് വിക്കറ്റിന് പരാജയപ്പെടുത്തിയാണ് മുംബൈ ഫൈനലിലെത്തിയത്. ടോസ് നഷ്ടപ്പെട്ട് ആദ്യം ബാറ്റ് ചെയ്ത ട്രിനിഡാഡ് ആന്റ് ടുബാഗോ ഉയര്‍ത്തിയ 154 റണ്‍സ് വിജയലക്ഷ്യം മറികടക്കാന്‍ മുംബൈക്ക് ഏറെ വിയര്‍പ്പൊഴുക്കേണ്ടി വന്നില്ല. വെറും നാല് വിക്കറ്റ് നഷ്ടത്തില്‍ തന്നെ മുംബൈ വിജയം കണ്ടു.

അവസാന ഓവറിലായിരുന്നു മുംബൈ വിജയം കൈപിടിയിലൊതുക്കിയത്. 38 പന്തില്‍ 59 റണ്‍സെടുത്ത  ഡൈ്വന്‍ സ്മിത്തും 35 റണ്‍സെടുത്ത സച്ചിനുമാണ് മുംബൈയുടെ വിജയം എളുപ്പമാക്കിയത്. ദിനേശ് കാര്‍ത്തിക്ക് 33 റണ്‍സെടുത്തു. സ്മിത്ത്-സച്ചിന്‍ ഒന്നാം വിക്കറ്റ് കൂട്ടുകെട്ട് 91 റണ്‍സാണ് കുറിച്ചത്. ഇതോടെ വിജയം മുംബൈയുടെ കൈകളില്‍ ഭദ്രമായി.

ട്രിനിഡാഡിന് വേണ്ടി സുനില്‍ നരൈന്‍ മൂന്ന് വിക്കറ്റുകള്‍ വീഴ്ത്തി. അര്‍ധസെഞ്ച്വറി നേടിയ എവിന്‍ ലൂയിസും (62), 41 റണ്‍സെടുത്ത യാനിക്ക് ഒട്ട്‌ലിയുമാണ് ട്രിനിഡാഡ് നിരയില്‍ തിളങ്ങിയത്. മുംബൈയ്ക്ക് വേണ്ടി മിച്ചല്‍ ജോണ്‍സണ്‍, ഹര്‍ഭജന്‍ സിംഗ്, കീറന്‍ പൊള്ളാര്‍ഡ്, പ്രഗ്യാന്‍ ഓജ എന്നിവര്‍ ഓരോ വിക്കറ്റുകള്‍ വീതം വീഴ്ത്തി.

സെമിയില്‍ ചെന്നൈ സൂപ്പര്‍ കിംങ്‌സിനെ പരാജയപ്പെടുത്തിയ രാജസ്ഥാന്‍ റോയല്‍സാണ് ഫൈനലില്‍ മുംബൈയുടെ എതിരാളി.

Also Read:
മാധ്യമങ്ങള്‍ സെക്‌സിന് അമിത പ്രാധാന്യം നല്‍കുന്നു: പുനത്തില്‍ കുഞ്ഞബ്ദുല്ല
Keywords : Champions League final, Mumbai Indians, Winner, Sports, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.