ലാസ് വെഗാസ്: (www.kvartha.com 04.04.2022) ലോക സംഗീത താരങ്ങള്‍ക്കുള്ള ഈ വര്‍ഷത്തെ ഗ്രാമി പുരസ്‌കാരം പ്രഖ്യാപിച്ചു. ബ്രൂോ മാഴ്സിന്റെ 'ലീവ് ദ ഡോര്‍ ഓപണ്‍' എന്ന ഗാനത്തിനാണ് സോങ്ങ് ഓഫ് ദി ഇയര്‍ പുരസ്‌കാരം. പോപ് താരം ഒലിവിയ റോഡ്രിഗോയ്ക്കും കന്യേ വെസ്റ്റിനും പുരസ്‌കാരം ലഭിച്ചു.
മികച്ച പോപ് ഡുവോ/ഗ്രൂപ് പര്‍ഫോമന്‍സ് വിഭാഗത്തില്‍ ഡോജ കാറ്റിനാണ് പുരസ്‌കാരം. മികച്ച പോപ് വോകല്‍ ആല്‍ബത്തിനുള്ള പുരസ്‌കാരം ഒലിവിയ റോഡ്രിഗോയ്ക്ക് ലഭിച്ചു.
മികച്ച ട്രഡീഷനല്‍ പോപ് വോകല്‍ ആല്‍ബം ലവ് ഫോര്‍ സെയ്ലിനാണ്. ടോനി ബെനറ്റും, ലേഗി ഗാഗയും പുരസ്‌കാരം സ്വന്തമാക്കി.
മികച്ച ആര്‍ & ബി ആല്‍ബം ജാസ്മിന്‍ സള്ളിവന്റെ ഹോക്സ് ടേല്‍സ് ആണ്.
മികച്ച റാപ് പര്‍ഫോമന്‍സ് കെന്‍ഡ്രിക് ലമാറിനാണ്. മികച്ച മെലോഡിക് റാപ് പര്‍ഫോമന്‍സ് വിഭാഗത്തിലെ വിജയി കന്യെ വെസ്റ്റാണ്.
ബെസ്റ്റ് ഡാന്‍സ്/ഇലക്ട്രോണിക് റെകോര്‍ഡിംഗ് വിഭാഗത്തില്‍ അലൈവിനാണ് പുരസ്‌കാരം ലഭിച്ചത്. ഇലക്ട്രോണിക് മ്യൂസിക് വിഭാഗത്തില്‍ ബ്ലാക് കോഫിക്കും, ബെസ്റ്റ് മെറ്റല്‍ പര്‍ഫോമന്‍സ് വിഭാഗത്തില്‍ 'ദി ഏലിയനി'നും പുരസ്‌കാരം ലഭിച്ചു.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
