Flight Delayed | 'വിന്ഡോസീറ്റിന് വേണ്ടി സ്ത്രീകള് തമ്മില് സംഘര്ഷം'; വിമാനം 2 മണിക്കൂര് വൈകി
Feb 5, 2023, 09:20 IST
ബ്രസീലിയ: (www.kvartha.com) വിന്ഡോസീറ്റിന് വേണ്ടി സ്ത്രീകള് തമ്മിലുണ്ടായ സംഘര്ഷത്തെ തുടര്ന്ന് വിമാനം രണ്ട് മണിക്കൂര് വൈകിയതായി റിപോര്ട്. ബ്രസീലിലെ ഗോല് എയര്ലൈന്സിലാണ് സംഭവമുണ്ടായത്. ടേക് ഓഫിന് തൊട്ട് മുമ്പായിരുന്നു അനിഷ്ട സംഭവങ്ങളുണ്ടായതെന്ന് മാധ്യമങ്ങള് റിപോര്ട് ചെയ്തു.
സാല്വദോറില് നിന്നും സാവോ പോളോയിലേക്ക് പറക്കാനിരുന്ന വിമാനത്തിലാണ് സംഭവമുണ്ടായത്. ഭിന്നശേഷിക്കാരനായ മകനൊടൊപ്പമെത്തിയ സ്ത്രീ മറ്റൊരു സ്ത്രീയോട് സീറ്റ് മാറിയിരിക്കാന് ആവശ്യപ്പെട്ടു. എന്നാല്, അവര് ഇതിന് തയാറായില്ല. തുടര്ന്ന് ഇവരെ കുട്ടിയോടൊപ്പമെത്തിയ സ്ത്രീ മര്ദിക്കുകയായിരുന്നുവെന്നും റിപോര്ടുകള് വ്യക്തമാക്കുന്നു.
ഇതോടെ ഫ്ലൈറ്റ് അറ്റന്ഡന്റും കാബിന് ക്രൂ അംഗങ്ങളും ഇടപ്പെട്ടു. എന്നാല്, രണ്ട് സ്ത്രീകളുടേയും കുടുംബാംഗങ്ങള് കൂടി പങ്കുചേര്ന്നതോടെ വിമാനത്തില് രൂക്ഷമായ സംഘര്ഷമുണ്ടായി. പിന്നീട് പ്രശ്നം പരിഹരിച്ച് രണ്ട് മണിക്കൂറിന് ശേഷമാണ് വിമാനം യാത്ര തുടര്ന്നതെന്നും റിപോര്ടുകള് പറയുന്നു.
Keywords: News, World, Flight, Women, Brazil, Brazil flight delayed for 2 hours after women fight over window seat.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.