Rescued | വീട്ടുമുറ്റത്ത് കളിച്ചുകൊണ്ടിരുന്ന 6 വയസുകാരനെ 'അയല്‍ക്കാരന്റെ' അപ്രതീക്ഷിതമായ ആക്രമണത്തില്‍ നിന്നും രക്ഷിച്ച് വളര്‍ത്തുനായ; വീഡിയോ വൈറല്‍

ആറ് വയസുകാരനായ കുഞ്ഞിന്റെ ജീവന്‍ രക്ഷപ്പെടുത്തുന്ന വളര്‍ത്തുനായയെ ആണ് വീഡിയോയില്‍ കാണുന്നത്. വീട്ടുമുറ്റത്ത് കളിക്കുന്നതിനിടെ അയല്‍വീട്ടിലെ നായ അപ്രതീക്ഷിതമായി ആക്രമിക്കാനെത്തിയപ്പോള്‍ വീട്ടിലെ ജര്‍മന്‍ ഷെപേഡ് ഇനത്തില്‍ പെടുന്ന വളര്‍ത്തുനായ കുഞ്ഞിനെ രക്ഷിക്കുന്നതാണ് വീഡിയോയില്‍.

കുഞ്ഞ് സന്തോഷത്തോടെ മുറ്റത്തേക്ക് കളിക്കാനോടുകയാണ്. ഇതിനിടെയാണ് പൊടുന്നനെ അയല്‍വീട്ടില്‍ നിന്ന് കറുത്ത നിറത്തിലുള്ളൊരു പട്ടി അക്രമാസക്തമായി കുഞ്ഞിന് നേരെ പാഞ്ഞടുക്കുന്നത്. ആ സമയം കുഞ്ഞിനെ കിട്ടിയിരുന്നെങ്കില്‍ തീര്‍ചയായും അത് കടിച്ച് കീറിയേനെ എന്ന് വീഡിയോ കാണുന്നവര്‍ക്ക് തോന്നാം. എന്നാല്‍ തക്ക സമയത്ത് വീട്ടിലെ ജര്‍മന്‍ ഷെപേഡ് ഓടിയെത്തി കുഞ്ഞിന് മുമ്പില്‍ ഒരു കാവല്‍ പോലെ നിന്ന് ഇതിനെ ഓടിക്കുകയാണ് ചെയ്യുന്നത്.

ഇതിനിടെ കുഞ്ഞിന്റെ അമ്മ വീട്ടിനകത്ത് നിന്നും ഓടിയെത്തി വാരിയെടുക്കുകയും ചെയ്തു. അപ്പോഴേക്കും അയല്‍വീട്ടിലെ നായയുടെ ഉടമസ്ഥനും എത്തുന്നു. വീട്ടില്‍ നിന്ന് മറ്റൊരു വളര്‍ത്തുനായ കൂടി പുറത്തേക്ക് വരുന്നതും കാണാം.