മോഷണത്തിനിടെ ഉറക്കം ചതിച്ചു; കള്ളനെ പിടികൂടി ജയിലിലടച്ചു

ലണ്ടന്‍: മോഷണത്തിനിടെ ഉറങ്ങിപ്പോയ കള്ളനെ പോലീസ് അറസ്റ്റ് ചെയ്ത് ജയിലിലടച്ചു. പടിഞ്ഞാറന്‍ യോക്ക്ഷയറിലാണ് സംഭവം. ഇരുപത്തിരണ്ടുകാരനായ ഫ്രാന്‍കി ഫ്‌ളാനിംഗാണ് മോഷണത്തിനിടയില്‍ ഉറങ്ങിപ്പോയത്. പതിനെട്ടുമാസത്തെ ജയില്‍ ശിക്ഷയാണ് ലഭിച്ചത്.

വീട്ടില്‍ ആളില്ലാത്ത സമയത്ത് ജനാലവഴി അകത്തുകടന്ന കള്ളന്‍ ടെലിവിഷന്‍, ലാപ്‌ടോപ്പ് എന്നിവങ്ങനെയുള്ള വിലപിടിപ്പുള്ള സാധനങ്ങള്‍ മോഷ്ടിച്ച് വീടിന് പുറത്തെത്തിച്ചു. പിന്നീട് അകത്തുകയറി  ഫ്രാന്‍കി കിടക്കയില്‍ കിടന്ന് ഉറങ്ങുകയായിരുന്നു. കിടക്ക കിട്ടിയ കള്ളന്‍ മോഷ്ടിക്കാന്‍ വന്നതാണെന്നോര്‍ക്കാതെ കൂര്‍ക്കം വലിച്ചുറങ്ങി.

പിറ്റേന്ന് വീട്ടുടമസ്ഥ തിരിച്ചെത്തിയപ്പോള്‍ ജനാല തകര്‍ന്നത് ശ്രദ്ധയിപ്പെട്ടതിനെ  തുടര്‍ന്നു നടത്തിയ പരിശോധനയിലാണ് മോഷണം നടന്നകാര്യം മനസിലായത്.  യുവതി കിടപ്പുമുറിയില്‍ കടന്നപ്പോള്‍  സുഖമായി കൂര്‍ക്കംവലിച്ചുറങ്ങുന്ന കള്ളനെയാണ്  കണ്ടത്.

ഉടനെ പോലീസില്‍ വിവരമറിയിക്കുകയായിരുന്നു. പോലീസ് സ്ഥലത്തെത്തി
കള്ളനെ തട്ടിവിളിച്ചപ്പോഴാണ് ഫ്രാന്‍കി ഉണര്‍ന്നത്. മോഷണം നടത്തിയതായി കള്ളന്‍ പോലീസിനോട് സമ്മതിച്ചു.
ഇലക്ട്രോണിക്‌സ് സാധനങ്ങളിലും സ്വര്‍ണക്കടത്ത്: കാസര്‍കോട് സ്വദേശി മംഗലാപുരത്ത് അറസ്റ്റില്‍