'ദുബൈ പോലീസിന്റെ' കാര്‍ പിടികൂടിയ സംഭവം ഗള്‍ഫ് മാധ്യമങ്ങളിലും ചൂടുള്ള വാര്‍ത്ത
Aug 23, 2012, 14:00 IST
ദുബൈ: കാസര്‍കോട്ട് 'ദുബൈ പോലീസിന്റെ' ലേബലൊട്ടിച്ച് സഞ്ചരിച്ച കാര്‍ പിടികൂടിയ സംഭവം ഗള്‍ഫ് പത്രങ്ങളിലും ചൂടുള്ള വാര്‍ത്ത. കെവാര്‍ത്ത റിപോര്‍ട്ട് ചെയ്ത ഈ സംഭവം നാട്ടിലെ പത്രങ്ങള്‍ക്കു പുറമെ ഗള്‍ഫിലെ ഒട്ടുമിക്ക പത്രങ്ങളും വാര്‍ത്തയാക്കി. പ്രമുഖ പത്രങ്ങളായ ഗള്‍ഫ് ന്യൂസ്, ദി നാഷണല്‍, ഖലീജ് ടൈംസ്, അല്‍ ആലമിയ, മജ്‌ലിസ് ദുബൈ, സിന്‍യാര്‍ തുടങ്ങിയ ഇംഗ്ലീഷ്-അറബി പത്രങ്ങളാണ്‌ ഓണ്‍ലൈന്‍-പ്രിന്റ് എഡിഷനുകളില്‍ വാര്‍ത്ത പ്രസിദ്ധീകരിച്ചത്.
കാസര്‍കോട് വാര്‍ത്തയെയും കെവാര്‍ത്തയെയും ഉദ്ധരിച്ചാണ് ഗള്‍ഫ് പത്രങ്ങളെല്ലാം റിപോര്‍ട്ട് ചെയ്തത്‌. ഗള്‍ഫിലെ പ്രധാന എഫ്.എം. റേഡിയോകളിലും ഈ വാര്‍ത്ത ചര്‍ച ചെയ്യപ്പെട്ടു. ദുബൈ പോലീസിന്റെ കാര്‍ കേരള റോഡില്‍ എന്നായിരുന്നു ഒരു പത്രത്തിന്റെ തലക്കെട്ട്. വളരെ പ്രാധാന്യത്തോടെയായിരുന്നു മുഴുവന്‍ പത്രങ്ങളും വാര്‍ത്ത നല്‍കിയിരുന്നത്. നിയമ ലംഘനത്തിന് കാസര്‍കോട് പോലീസ് കാറോടിച്ച ഗള്‍ഫുകാരനും സുഹൃത്തുക്കള്‍ക്കുമെതിരെ കേസെടുത്ത കാര്യവും വാര്‍ത്തകളില്‍ അടിവരയിടുന്നു.
എന്നാല്‍ പെരുന്നാള്‍ ആഘോഷത്തില്‍ ശ്രദ്ധയാകര്‍ഷിക്കാനും ഹരംപകരാനും മാത്രമാണ് കാറിന് സ്റ്റിക്കര്‍ പതിച്ചതെന്ന് പ്രതികളില്‍ ഒരാളുടെ സുഹൃത്തായ ഷുക്കൂര്‍ യു.എ.ഇയിലെ ദി നാഷണല്‍ പത്രത്തോട് പ്രതികരിച്ചിട്ടുണ്ട്. കാറില്‍ സയറന്‍ ഘടിപ്പിക്കുകയോ മറ്റോ ചെയ്തിട്ടില്ല. സംഭവം വിവാദമാകുമെന്നോ ഇവര്‍ ചെയ്ത പ്രവൃത്തി കുറ്റകരമാണെന്നോ അറിയില്ലായിരുന്നു. പോലീസ് പിടികൂടിയ ഉടന്‍തന്നെ ഇവരെ വിട്ടയക്കുകയും ചെയ്തിരുന്നു-ഷുക്കൂര്‍ പറഞ്ഞു.
അതേസമയം സംഭവം പ്രവാസികളുടെ ഇടയിലും ചര്‍ചയായി. മോട്ടോര്‍ വാഹന വകുപ്പിന്റെ നിയമം ലംഘിച്ചതിന്റെ പേരില്‍ അറസ്റ്റുചെയ്യുകയും പോലീസ് സ്‌റ്റേഷനില്‍ നിന്നും ജാമ്യത്തില്‍ വിടുകയും ചെയ്ത കേസിനുപുറത്ത് സംഭവത്തിന്റെ പിറ്റേന്ന് കലാപമുണ്ടാക്കാന്‍ ശ്രമിച്ചതുള്‍പ്പെടെയുള്ള കേസ് ചുമത്തി സംഭവത്തിന് മറ്റൊരു നിറംനല്‍കിയ അധികൃതരുടെ നടപടി ഇതിനകം ചോദ്യംചെയ്യപ്പെട്ടിട്ടുണ്ട്.
ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ പ്രതികള്‍ക്കെതിരെ ശക്തമായ നടപടി സ്വീകരിക്കുന്നതിന് നിയമവിദഗ്ദ്ധരുടെ ഉപദേശംതേടി കുറ്റംചെയ്തവരെ ജയിലിലടക്കാനുള്ള വകുപ്പ് കണ്ടെത്തുന്നതിന് പകരം സംഭവം വഴിതിരിച്ചുവിടുന്ന തരത്തില്‍ അധികൃതര്‍ നടത്തിയ നീക്കങ്ങളാണ് പ്രതിഷേധത്തിന് കാരണമായത്‌. കാസര്‍കോട് പോലുള്ള സംഘര്‍ഷ സാധ്യതയുള്ള സ്ഥലത്ത് കലപവുമായി ബന്ധപ്പെട്ട കുറ്റങ്ങള്‍ ചുമത്തിയത് ചിലരുടെ ബോധപൂര്‍വമായ ശ്രമത്തിന്റെ ഭാഗമാണെന്ന വാദവും ശക്തമാണ്. ഏതായാലും വാഹനങ്ങള്‍ മോടിപിടിപ്പിക്കുന്നതിന് മുമ്പ് രണ്ട് വട്ടം ആലോചിക്കണമെന്ന സന്ദേശമാണ് സംഭവത്തില്‍ നിന്ന് വ്യക്തമാകുന്നത്.
Keywords: Dubai police car: hot news in Gulf media, Dubai, Police, Kerala, Car, Kasaragod, News, World, Dubai Police Car on Kerala roads,Five charged in Kerala for driving mock Dubai Police car, Sticker, Expat jailed in India after driving 'Dubai Police' car, Car painted with Dubai Police logo on Kerala street, Car, Arrest, Eriyapady, Kasaragod, Case, Malayalam News, Kerala News, Gulf News, Khaleej Times, The National Daily, Al Alamiya
Related News:
ദുബൈ പോലീസിന്റെ സ്റ്റിക്കര്‍ ഒട്ടിച്ച് കാറില്‍ കറങ്ങിയ ഗള്‍ഫുകാരന്‍ കുടുങ്ങി
Related News:
കാറില്‍ ദുബൈ പോലീസിന്റെ സ്റ്റിക്കര്‍: ലഹളയുണ്ടാക്കാന്‍ ശ്രമിച്ചതിനും കേസ്
Gulf Media links:
emirates247.com: Dubai Police car stopped on Kerala road
gulfnews.com: Expat jailed in India after driving ‘Dubai Police’ car
alamiya.org: اتهام خمسة اشخاص في الهند لقيادة سيارة شبيهة لشرطة دبي
dubaisession.com: حجز سيارة شرطة دبي في الهند
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
