ടെൽ അവീവ്: (KVARTHA) ഇസ്രാഈൽ ഡിഫൻസ് ഫോഴ്സ് (ഐഡിഎഫ്) തലവൻ ഹെർസി ഹലേവി രാജി പ്രഖ്യാപിച്ചു. ഒക്ടോബർ ഏഴിന് ഇസ്രാഈലിൽ നടന്ന ഹമാസിൻ്റെ ആക്രമണത്തിൽ ഐഡിഎഫിൻ്റെ ഭാഗത്തുണ്ടായ വീഴ്ചയുടെ ഉത്തരവാദിത്തം ഏറ്റെടുത്തുകൊണ്ടാണ് അദ്ദേഹത്തിൻ്റെ അപ്രതീക്ഷിത രാജി. പ്രതിരോധ മന്ത്രി ഇസ്രായേൽ കാറ്റ്സിനെ അദ്ദേഹം ഇക്കാര്യം അറിയിച്ചു. 

ഗസ്സയിൽ വെടിനിർത്തൽ കരാർ നിലവിൽ വരികയും ബന്ദികളെ മോചിപ്പിക്കുകയും ചെയ്യുന്ന നിർണായക സമയത്താണ് ഹലേവിയുടെ പടിയിറക്കം എന്നത് ശ്രദ്ധേയമാണ്. മാർച്ച് ആറ് വരെ താൻ സ്ഥാനത്ത് ഉണ്ടാകുമെന്നും ആ സമയത്തിനുള്ളിൽ ഒക്ടോബർ ഏഴിലെ ഹമാസ് ആക്രമണത്തെക്കുറിച്ചുള്ള ആഭ്യന്തര അന്വേഷണം പൂർത്തിയാക്കുമെന്നും ഭാവിയിലെ വെല്ലുവിളികൾ ഫലപ്രദമായി നേരിടാൻ ഐഡിഎഫിനെ കൂടുതൽ സജ്ജമാക്കുമെന്നും ഹലേവി അറിയിച്ചു. 

𝗦𝘁𝗮𝘁𝗲𝗺𝗲𝗻𝘁 𝗯𝘆 𝘁𝗵𝗲 𝗖𝗵𝗶𝗲𝗳 𝗼𝗳 𝘁𝗵𝗲 𝗚𝗲𝗻𝗲𝗿𝗮𝗹 𝗦𝘁𝗮𝗳𝗳, 𝗟𝗧𝗚 𝗛𝗲𝗿𝘇𝗶 𝗛𝗮𝗹𝗲𝘃𝗶:

“I informed the Minister of Defense today (Tuesday) that by virtue of my recognition of my responsibility for the IDF's failure on October 7th, and at a time when the…

— Israel Defense Forces (@IDF) January 21, 2025

ഹെർസി ഹലേവി 2023 ജനുവരി 16നാണ് ഐഡിഎഫ് ചീഫ് ഓഫ് സ്റ്റാഫ് ആയി ഔദ്യോഗികമായി ചുമതലയേറ്റത്. സൈനിക രഹസ്യാന്വേഷണ വിഭാഗത്തിൻ്റെ തലവനായും സതേൺ കമാൻഡിൻ്റെ കമാൻഡറായും അദ്ദേഹം ഇതിനു മുൻപ് സേവനമനുഷ്ഠിച്ചിട്ടുണ്ട്. ഗസ്സയിലെ യുദ്ധം അടക്കം അദ്ദേഹത്തിന്റെ നേതൃത്വത്തിൽ ഐഡിഎഫ് നിരവധി സൈനിക നടപടികൾ നടത്തിയിട്ടുണ്ട്. ഒക്ടോബർ ഏഴിലെ ഹമാസ് ആക്രമണം അദ്ദേഹത്തിന്റെ സൈനിക കരിയറിലെ ഒരു കറുത്ത അധ്യായമായി കണക്കാക്കപ്പെടുന്നു.

ഹെർസി ഹലേവിയുടെ രാജി ഇസ്രാഈൽ രാഷ്ട്രീയത്തിലും സൈനിക രംഗത്തും വലിയ ചർച്ചകൾക്കും വഴി വെച്ചിട്ടുണ്ട്. അദ്ദേഹത്തിന്റെ പിൻഗാമി ആരായിരിക്കും എന്നതും രാഷ്ട്രീയ നിരീക്ഷകർ ഉറ്റുനോക്കുന്ന പ്രധാന കാര്യമാണ്. പുതിയ സൈനിക മേധാവി ആരായിരിക്കും, അദ്ദേഹത്തിന്റെ നേതൃത്വത്തിൽ ഐഡിഎഫ് എങ്ങനെ മുന്നോട്ട് പോകും എന്നതും ശ്രദ്ധേയമായ കാര്യങ്ങളാണ്.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങളും പ്രതികരണങ്ങളും പങ്കുവെക്കുക.

Israeli Army Chief Herzi Halevi resigns, taking responsibility for the October 7 Hamas attack failure. He will remain in office until March to complete an internal investigation.

#Israel #IDF #Resignation #Hamas #Military #Politics